اعلان جريمة عشق

البارت 44

اعلان جريمة عشق

بقلمي فاطمة العبادي

قرائة ممتعة كيكاتي

اللهم صل على محمد وال محمد

يا ربي يالـ ما تظلم انسان
انه ارد اموت شلون ما چان !

انفتح باب الغرفة فات باسل .. بقاطة الأسود
القميص و السترة حاضنات صدرة بكل جرئة
سد الباب قفلة

كال - الله بالخير يابة
ضحكت و كتله الله بالخير
تقرب مني باس راسي و كعد يمي

- تعشيتي لو اجيبلج عشة
- لا لا ما اشتهي
- خلي يولن هذني مال ما اشتهي كولي استحي اي مو ما اشتهي هسة يجيبون النة عشة بعد شوية

- هههه ماشي
- شفتي الوالدة
- اي سلمت عليهة
- راح تحبج دائما جانت متلهفة الج

- لعد ليش ما جبتني اشوفهة مرة كتلك خلي اشوفهة ما قبلت

- خاف تضوجين من بت خالتي لأن تجي هنا بكثرة
- ممرتاحتلك باسل

باوعلي ورفع حاجبة - ليش يابة شمسويلج؟
- اقصد هاي كرايبك الي تجي الأمك و وجودهة هنا ومن جهة لخ مخليتني اجي اشوف امك

- لا تخافين
- ولو ماكدر اشك بيك بس كلبي لاعب منهة رغم ماعرفتهة

- اي هنه عبالك غريبات طبيعي متعرفيهن
- هنه منو
- كرايبي من خوالي شبيج

- باسل وعمامك هم شفتهم
- لا بارك الله بيهم ما اريد اشوفهم

- ماشي خلي ابدل -- كمت بدلت البدلة لبست روب طويل وردي كسرت قاعدة العرايس و ما لبست ابيض

هوا هم نزع ولبس برمودة و تمدد
- خواتج كتلهن لا ترحن
- وهنه شكالن
- كالن بعدين نرجع للبيت
- ها

- اكلج شسالفة عمتج جميلة كلش حلوة ليش ما تتزوج و بعدهة صغيرة اذا تريد اني اشوفلهة رجل

- و انتَ حضرتك صايرلي خطابة مال نسوان ههههه

- لا والله بس عجبتني
- عمتي
-اي عمتج عجبتني حلوة هسة لو خاطبهة مو احلى منج الله عليج

- هههههه لا تحاول تخليني اغار ما اغار من عمتي مثل امي

كملت فتح التسريحة
تقربت كعدت يمة جر ايدي و فتحلي ايدة
تمددت بحضنة
ضل يلعب بشعري و يكول هذا جامد شبي

- من السبري حياتي
- ينعل يومهن امهات الصالون يجيبن ويخلن يجيبلن ويخلن الحلك احمر العيون زرك و صاير قوس قزح

- هاي طلعت فتون ههههههه
باسني بخدي و هوا يضحك
مشى ايدة ع خصري

جان جامد حتى بكل لمسة بكل بوسة جامد كأنما مجبور واجب علي لازم يأدي بحقي
كمل عادي ماحسيت بأي مشاعر ويا ع كد ما جامد

ابد ما احس اله رغبة بية كأنما مجبور
بس عادي ما ادفر نعمة الستر برجلي اقبل و اعيش ويا واحطة ع راسي