اعلان جريمة عشق

البارت 27 نهايه ج1

اعلان جريمة عشق
بقلمي #فاطمة_العبادي
قرائه ممتعه كيكاتي 🖤

مشيت أول خطواتي .. بداخل العيادة ..
گلبي يرجف بخوف و قلق ..
اباوع بالوجوه كلهن نسوان كبار
او شابات بعمري .. و اكو اكبر مني
اكو شايلات اطفال و اكو حوامل

طلعت السكرتيرة كالت وين مرح زيد عبد الرضا

گمت كتلهة اني مرح ..

باوعتلي من فوگ ليجوة .. و اشرتلي بعد ما سحبت نظراتهة بأستفزاز

مشيت دخلت للغرفة مال الدكتور ..
باوعت بأتجاه الميز .. شابه ثلاثينية لابسه الروب او السترة بالون الابيض و گاعدة تدون معلومات بالأوراق كدامهة

السكرتيرة ... دكتورة نور هاي البنيه مرح

حجت و هيه مدنگة تكتب .. خلي تستريح لحضات

باوعتلي السكرتيرة و كعدت اني
طلعت ..و عافتنه وحدنة

اباوع ع شهادة الدكتورة الي معلگة ع جدران العيادة
بصفهة صورة للدكتور ..
و أيات قرآنية ع شكل لوحات ..

رفعت راسهة باوعتلي بأبتسامه
__ هاا مرح؟

مرح .. اي نعم شلونج دكتورة

دكتورة نور .. اهلا الحمد لله شلونهة المزيونة ..

مرح .. زينه الحمد لله

نور .. احجيلي مشكلتج مرح ..بدون زيادة او نقصان لو سمحتي

مرح .. ممممم ما كالتلج اختج كوثر؟ لان اني كلت الهة كل شي صار وياي

نور .. بلي اعرف انتِ صديقة كوثر و هيه الي دزتج عليه بس اريد اعرف منج بشكل اوضح و فهميني كل شي .. شرحيلي كل الحادثة

مرح .. ماشي ..دكتورة هيه حادثة اغتصاب صارت وياي بس يعني اني ما أتأذيت .. شلون افهمج ما كان التصرف وياي بعنف او ما شابه كنت تقريبا تحت تخدير ..

نور .. يا حبيبتي ..اي كملي

مرح .. اي مثل ما كالتلج كوثر كنت بين الوعي و ال لا وعي و تعرضت الاغتصاب و صارلة فترة تقريبا شهر و هسه اريد حل

نور .. الحل موجود بس اريد منج توقيع ع اوراق .. اشياء كثير ضروري تسويهة
بس هسه كومي خلي افحصج ..

مرح .. ماشي دكتورة بس محد يعرف .. ما اكدر اكول الاحد او هيج شي

گمت عفت جنطتي و كتبي ع طاولة
و تمددت بعد ما فتحت ازرار البنطرون
تقربت  ..

الدكتورة فحصتني .. و كملت
كالت .. راح اكتبلج موعد حتى اجريلج عملية و ترجعين مثل ما كنتي

مرح ..ان شاء الله دكتورة

كعدت و ضلت تسئلني اسئله كثيرررررر
انتهت بعد ما كتبتلي الموعد .. و شرط تسويهة بالعيادة مالتهة حتى اتجنب اي مشكلة ممكن تصير وياي