اعلان جريمة عشق

البارت 31

اعلان جريمة عشق
بقلمي #فاطمة_العبادي

قراءة ممتعة كيكاتي 💙🖤.

ايدي ضاعت بكيف ايدة .. يتحسس راحة ايدي بأصبع الأبهام
يتنهد .. و يباوعلي و يبتسم و يرجع يباوع ع ايدينة

شال ايدة الثانية و احتضن ظهري و قربني الصدرة اكثر
غمضت عيوني بـ تعب

همس .. لتنامين هسة خليج مفتحة

شهد ..نعسانة باسل بس مكدر انام عبالك عيوني بيهن ملح

باسل .. تشبعين نوم والله خليج وياي كاعدة

شهد .. اي وياك ما انام .. باجر العملية كلبي دا يرجف

باسل ..رب العالمين وياج و احنه وياج و ندعيلج
و العملية ناجحة لا تخافين

شهد .. اول مرة احجيهة باسل اخاف اموت ، و اني ما اريد اموت هسة يلة شفت طعم الراحة ما اريد اموت متمرمرة ..

همس .. اششش اسم الله .. اني حجيت هواي ويا الدكتور و طمني .. بحيث هسة كلش مرتاح ادري النتيجة شنو و شكد زينة

شهد .. اي اني اعرف بس الخوف موجود

باسل .. حافظي ع هدوئج شهد .. لا تتخربطين و تضل تتأجل العملية و ما تخلصين من تعبهة
خليج قوية و خلي يسوولج العملية باجر و تخلصين و ترتاحين و وعد ما ارجعج للعراق اذا ما صايرة زينة و هم متونسة معوضة ايام التعب

شهد .. لا باسل خواتي حيل مشتاقة الهم

باسل .. خواتج مو صغار لا تخافين ما يضيعن بدونج ..

شهد .. اي بس مشتاقة الهن
باسل .. هسة نسوي العملية و صيري زينة و الله كريم سهلة

تنهد وقوة الحضنة
غمضت عيوني .. همست .. باسل انتَ شنو ملاك؟! اني احتار شنو اوصفك هسة ..

ضحك بهدوء و تقرب الأذني و هوا ينزل راسة
_ انسان تارساتة الذنوب و مغركاتة .. نسيتي الي صار بالموصل

شهد .. اوووف متتت خوووف و قلق من وراك خبلتني أذيتني و رعبتني
بس انتَ هسة طلعت زين مو مثل ما توقعتك ببداية لقائنه

باسل .. اني زين و مو زين .. و حتى هسة صدك طلعت من المستنقع الي كنت بي
بس اثارة راح تضل بية طول العمر

شهد .. يعني تريد ترجع و تحن الأيامك القديمة

باسل .. لا بالعكس هسة مرتاح .. بس ضميري يأنبني و انقهر من اذكر طفولتي و مراهقتي وشبابي عبارة عن ملهة و شرب و نسوان .. ما ضلت سالفة مكسرة ما حطيت ايدي بيهة

متصدگين اذا اگلج عمري 14 و اشرب ..

شهد ..عزااااا ..سولفلي بله ليش تشرب بهيج عمر مو حرررام!

ضحك و شال ايدة و سحب ايدة الثانية من ايدي
و تمدد ..حط ايد ورا راسة و يباوعلي و الأيد الثانية فتحهة. اشر براسة عليهة