اعلان جريمة عشق

البارت 45

اعلان جريمة عشق

بقلمي #فاطمة_العبادي

قرائة ممتعة كيكاتي 🖤 ..

اللهم صل على محمد وال محمد

تعالي وياي جـوة غطاي
افرشلج جسم متعـــوب
عايش دومه بالحـــرمان
العبي بهيده اهمسيلــــي
بريحـــه شفتج غنيلــــي
سكري بية واسكر بيـج

نيران -- كاعدة بالغرفة حسيت شميت ريحة كباب
طلعت اشمشم جني بزون وصار بنفسي احس جعت كلش و اريد اكلة
فتت للمطبخ شفت غفران تسوي حميسة للعشة
كتلهة هاي شنو واني عبالي كباب

- ههههههه خايبة وين كباب كاعد احمس
بقيت احس عبالك ريحة الكباب بخشمي
تقربت اشم حميسة غفران
مو نفس الريحة

- نورة شو تشمشمين خاف حبلة خية وبطنج فريخ
- قصدج حامل هههههههه

- اي وعلي التحبل هيج تضل تشم ريحة الأكل وتشتهيهة تصير روحهة بهاي الأكلة

- مممم صدك هسة جاي اشم ريحة كباب وصار بنفسي اكلة كلششش
حتى احس نفسي جعت حيل

فاتت شيماء - وين تحبل هاي ؟ اليوم امس من عرست وكلشي ماكو ضنتي عاگر و ماتخلف

نيران - هلاا يعني اله تحبل فوگة فوگة هاي تخلف وبعدين اني وصحوبي ما ناوين نخلف جنه وماخذين حذرنة تعرفين طالللبة وماكدر
بس صار شهر كتله كافي صحاب اريد نونووو منك يكمل حبنة
احجي واحرك ايدي ع بطني بدلع

غفران طبگت شفايفهة و ضغطت عليهن تضم ضحكتهة و شيماء كالت - عشتو يهو يكول هسه حبلة

- صفنت شوية و كتلهة
الدورة فايتتني
هوا جذب اني كل 45 يوم يلة تنزل علية

كالت - اي جا يهي فاتتهة الدورة حبلة يجوز عندج تكيس شي انسداد صخام

فتحت عيوني - يمة اسمممم الله جعلهة بعدويني والحاقدين غفران كووولي امين

- امين خية

ام صحاب صاحت - خايبات حسجن بطلن مناگر جنجن ديوجة عرررب

طلعت امشي العمتي - عمة تصدگين اني مشتهية كباب صار بنفسي و غفران تضحك وياي تكول يمكن حبلة شو هاي شيماء تكول اضن انتي عاگر وحتى انهبطت

ام صحاب بعصبية و خوف - خايبة شويمة اسمالله عليهةةة وراااج حية شمفاولة ع فرخة خليهة تحبل وتخلف يمة تردين تگطعين بزرية وليدي بهذا حجيج تفاولين علي

وانتي نويرة خاف صكد حبلة جا شمالج تشهين

شيماء - عمة هاي لو انة ما كلتي هيج ولا حجيتي بس جيف بت بغداد وتتميع عليج

ام صحاب - يا يمة شنهي جا بت بغداد نازلة من الله بزبيل؟ كلجن نفس الشي عندي بس انتن وحدة تغار من الثانية جيف نفوسجن ضيجة