اعلان جريمة عشق

البارت 34

اعلان جريمة عشق

بقلمي #فاطمة_العبادي

قرائة ممتعة كيكاتي 🖤..

عندما تريدون الرحيل
ارحلوا, لكن لا تعودوا أبداً
كونوا لرحيلكم أوفياء
لعلنا نكون أيضاً, لنسيانكم مخلصين !

ابتعد مني .. گام و مشى خطوات صغيرة ابتعد عني مسافة لا تقل عن مترين تقريباً

ميل راسة للجانب الأيمن .. و هوا يباوع ع وضعي المنتهي
غمض عيونة و جر نفس طويل
مشى خطوات صغيرة للخلف .. و فتح الباب و طلع

صار صعب عليه افهم الي يريدة .. و شنو غايتة

طالت نومتي بهذا الوضع .. و كدرت القوى ترجع تتدفق بأرجاء جسمي
حركت ايدي استندت بيهة ع جدار
و گمت .. بس سرعان ما وكعت ع وجهي

رجليني كانُ منملين و صعب امشي عليهم
انتظرت يرتاحن .. حتى اكدر اتحرك و امشي

معدتي تگلب .. و عندي دوار
كل الي عرفتة هسة الدنيا مغرب .. من صوت أذان الجوامع

حركت رجليني تأكدت اكدر امشي .. گمت اشوف نفسي حافية ليش وين حذائي
مشيت ع اطراف اصابعي و فتحت الباب
طلعت امشي بخفة .. صوت الانفاس تصدر صدى

شفت درج و نزلت بخطواتي علي .. يطلع طبة ويا كل خطوة

بايات الدرج كانت عالية و بنفس الوقت قليلة ..

اباوع مكان مبني .. ملبوخ بس بدون صبغ و السقف شيلمان عگادة
و اكو وايرات نازلة من مكان الي المفروض تكون بي مروحة

سمعت صوت ضحكات عالية .. ضحكات البنيه وياها صوت صفاء

كانت تگلة لا صووووفي اصعد الهةةةة ما بية حيل حجي ماما تضل تنگ براسي تأخرتي و تأخرتي عوفني و روح

صفاء ..اروح فدوة الرب ماما اني لج ذيج جثة ميتة ما تسوي واهس خليهة من تصير بحيلهة ارجع الهة

سفانة ..اي عشتو هسة طردتني اقل الخمس دقايق و دكيت المبايل سفانة رجعي محتاجج روح يا حبوب اصعد للمحبوب

بينت خطواتهة و طگطگة الكعب تعلن ان هي راح تطلع و تترك المكان

اني واكفة بحيرة و ضياع ..ماكو مكان اطلع منة
ماكو باب!

فقط بيبان مغلقة .. ما اعرف شنو وراهن

نفتح احد البيبان .. الي كان مصدر الصوت خارج منة ..

و صارت بوجهي الي اسمهة سفانة .. وجهة اول مرة اشوفة بس بسرعة غطته و صاحت .. يا الحبوب هاي نازلة و كل الحيل بيهة

و ضحكت بصوت رنان و هي تطلع من المكان ..

التفتت و شمرت القفل انتبهت ع مكان وكعه القفل كان يم رجلين صفاء

دنگ اخذة و اشر الهة تروح

كانت لحضات رعب بالنسبة الية .. حتى الباب الي فتحتة و طلعت منة مكان باب خارجي
احس حاطيني بمتاهة