اعلان جريمة عشق

البارت الثامن

اعلان جريمة عشق
بقلمي #فاطمة_العبادي
قرائة ممتعه كيكاتي 🖤

صافنه ع منظر
الدم يسيل ، لا حرك ايد و لا رجل

صوت دكات كلبي صار مسموع رفعت ايدي مسحت العرگ عن وجهي و الهث كمت ، ورجليني بايدات

ياربي ساعدني شسوي هسه شمرت الساطورة على صفحة و باوعتله شلون طبرت راسه و الدم يجري بكل مكان

مسحت على ركبتي و الهث و النفس صار وحدة مسموع و العالم من حولي حسيته صار صنته ، بحيث من احجي كلمة العالم راح يسمعوني كلهم و انكشف

حسيت شي دافي لامس جسمي ، باوعت و اشوف الدم سال وصل لرجلي
كمزت بسرعه و طرف ثوبي تلطخ دم جنت لابسه هدوم نوم فوكهن روب طويل

ضليت أتراجع ليورة و عيوني على المنظر الفضيع كدامي
شلون اخلص هسه ؟!
عقلي وكف عن التفكير حسيته تجمد

غمضت عيوني اخذت نفس و محاولة افكر بس وين جانت كل ذرة بيه ترجف من الخوف و كلبي صار بكل جمسي

باوعت للحمام و الأفكار ضلت تجي براسي
لا لا ما اسويهة ركضت على الكنتور طلعت عبايتي الي ضميتهة مخططه اطلع ابلغ بس ما اسوي هيج
حطيتهة على راسي و اني بعدني بهدوم النوم
مابيه انزع

لبست نعال و طلعت على كيفي علمود محد يسمعني فتحت باب الهول و طلعت للباب المال الطرمة فتحته و سديته على كيفي

و طكيتهة ركضه للشارع العام بعده الوكت مو كلش متاخر
وكفت تكسي و تذكرت ماعندي فلوس ضليت صافنه ابو التكسي كال : تفضلي خوية ليش صفنتي ؟

... لا لا خوية ما عندي كروة روح الله يرزقك
جاوبني ... انتي وين رايحة ؟ محتاجة شي

.. اريد اروح المركز الشرطة
... تعاي خوية صعدي اوصلج مبين عندج شي طارئ
... رحم الله والديك الله ينطيك الصحة و العافيه و الستر

صعدت ويا و كال هسه راح اوصلج للمركز بسرعه
كتله اي خوية

ضل يباوعلي بشك طول الوكت و صلنه للمركز ، باوعت على شكل المركز و شرطة واكفين كلبي نعصر
نزلت من التكسي و كتله : انعم الله عليك ما قصرت
... هلا

عفته و ضليت امشي للشرطي ، و اباوعله و هوا يباوعلي من فوك ليجوة يباوع بحذر
يدرس تصرفاتي
بس قوتي خانتني و خلتني اوكع كباله مثل الميته

راسي ع كاع
اشوف الشرطي يركضلي و يا شخص ثاني
التراب رطب و احس دخل بحلكي
حتى حسيت بطعمه

ردت اتحرك ما اكدر مثل الميته بس عيوني مفتوحة شوية
كل جزء بيه جان يوجعني
شلون كدرت اوصل هنا ما اعرف

ضلو يردون يصحوني و اني غبت عنهم كلش ، نطقت كلمة كتلته ما ادري سمعوني لو لا
واحد يكول للثاني :- بلغ الضابط و خلي ننقلهة للمستشفى من شكلهة مبينه متعرضة للتعنيف