اعلان جريمة عشق

البارت الرابع

اعلان جريمة عشق
بقلمي #فاطمة العبادي
قرائة ممتعه كيكاتي 🖤

(علقو شجعوني صعدو التعليقات فوك ١٠٠٠ بليز وها الي بكلبكم احجو علقو حتى اعرف رأيكم

مرح :- سمعت صرخة شهد ، حيل ما عندي أكوم ..
شلون كمت و ركضت طلعت ..
و اشوف خالي شمر من ايدا عصا خشب ، و اختي شهد مسدوحة بلگاع

حيل ما بقى بيه و صرخت بعلو صوتي ، شهدددددددد
ركضت عليهة اصرخ و خالي طلع اعصاب ومطنب وجهة و مشى بسرعه

كعدت يمهه شلت رأسهة و روحي فرت ' بقيت كاعده  و اصرخ  و شهد غرگت بدمهة
حطيت راسهة بحضني و الدم ينبع و البنات يتراكضن و يبجن

شلت رأسهه من حضني
طلعت ركض حتى اشوفلي احد يلحگلنه ..
و اشوف هشام طلع ركض يدكم بقميصه

هشام :- هاااااا مرح شني صاااايرر ؟؟ دربي ما اكدر اشوفه

ابجي و اريد تطلع لحجايه ماكو لزمته حيل من ايدا جريته دخلته للبيت وعفتهة لايدة
بس شاف شهد ركض عليهة و جر القميص حيل نزعه و حطة على راس شهد

جسمي كلة يرجف ما اكدر اسوي شي و البنات يتصارخن
و هشام صاح حيل بيه
_ تعاي لزمي علمود الدم خلي اطلع السيارة

ركضت كعدت لازمة راسهة و الدم يترس القميص و هشام ركض للبيت يطلع السيارة

ما نحس الا هيبت جفت علينه مخروع و كم شخص من المنطقه
لزمهة هيبت و صاح شبيهة شبيهة هستوة شفتهة كلشي مابيهة شصاررررر

بقيت الطم و اكللة ما ادري ما ادري الحگلي اختي راح تموت 
مضروبة حيل كلش شوف الدم

ابو سارة نخبص و كال شيلوها للمستشفى بسرعه
مرح :- هشام راح يطلع سيارته ياخذنه للمستشفى

هشام :- يله مرح خل......
مالحك على هيبت شايلهة مثل العابه و يكلة شنو ناخذهة بسيارتك

هشام :- اي جيبهة صعدهة بسرعه
باوعت لنيران كتلهة روحن وية عمو ابو سارة لبيتهم
و طلعت ركض حتى بدون نعال هيبت حاط راسهة بحضنه ولازم القميص ضاغطة على راسهة و اني صعدت من الجهة الثانيه لازمة ايدهة ابجي
و هشام شخط السيارة بسرعه و طلع بينه للمستشفى

و صلنه نزل هيبت شايلهة و هشام يركض كدامنه يصيح سديه
انتبهت اني و هشام ثنيناتنه حفاي

حطوهة على السدية و أخذوها ما خلونه ندخل بقينه برا واكفين برا الغرفة
و كعدت بلكاع ابجي بهسترية
ما ادري شلون صار هيج معقولة خالي ؟ اي هوا ضاربهة

هشام يحجي ويا واحد دكتور يمكن و هيبت ضل يلوب
يروح و يرجع يروح ويرجع اخير شي كنبص كبالي و كال
_شنو صار ؟ هسه عبرت من يمي مثل الورد و مزاجهة فول

هزيت راسي و اني اشهك و اكلة :- ما اعرف شصار طلعت ع صوتهة شفتهة بلكاع و دمهة تارس الگاع
مثل الميته ، هيبت فدوة گلي خو ما تموت اختي ؟