اعلان جريمة عشق

البارت السادس

اعلان جريمة عشق
بقلمي #فاطمة_العبادي
قرائة ممتعه كيكاتي 🖤

شهد ..
جنت افتر بالبيت و لازمة كلبي بـ ايدي من كلشي صرت اخاف
شلون اهج منا شلون وين اولي
باوعت للمبايل و تنهدت :- هسه لو عندي رقم أبوي جان اتصل بي اشكيله ع الأقل يأمن حياتنه

ندك الباب ركضت فتحته شفت نيران و مرح رجعنه
باوعن عليه مستغربات
اني أتهرب بعيوني و اخفي قلقي و خوفي

نيران :- لگينه الباب مسدود عبالنه خالي

_لا هاي اني

مرح :- شعجب راجعه

شهد :- دخت حيل و رجعت ، احمي الأكل ؟

مرح :- ح يجن البنات

شهد :- ما ضل شي

نيران :- اني احمي روحي رتاحي

شهد :- لا لا روحن بدلن و غسلن بسرعه
نفتح الباب دخلن زهور و علا سلمن
كتلهن هذا هو يله راح احمي الأكل

درت طلعت الجدور باردات
حضرت مواعين و حميت الاكل و صبيت
و اجن أكلن
زهور سولفت النه هيه و علا عن هجوم مراد و جماعته ع عليهن
و عن رصاصه مراد الخارقه الي صابت رجل علا و تطلع بيه تراوينياها

متنه ضحك ع موقف و زهور تكول :- خليت دمه بطولة اني جوعانه ما اشوف بعيوني ضليت اشوف بغضبي

صدك ضحكتنه
مرح بسرعه كامت
باوعت الهة

_رايحة اقرا عندي امتحانات

كامت وراها علا تكول شبعت هبطة و خوف

زهور حطت ايدهة ع صدرهة و عفست حلكهة و تقلد ( كسرتي قلبي كسر )

نيران تاكل بهدوء و هذني يتداهرن و مرح كبالنه فرشت كتبهة  و كعدت اباوع عليهن و كلبي نعصر
اشوف خواتي يرحن من ايدي
لا ما اسكت و الي حطيته براسي وصلت اسوي

صح تغير كلشي و كلشي صار بشكل سريع بدون تخطيط
بس هسه لازم اشوف عمامي وين و أمن عدهم البنات
و صار عندي ويا خالي ثار اخذة اخذة

ندك باب البيت كمت لبست نعالي و طلعت
فتحت الباب ، باوعت هيبت شعرة مبلل يكطر ماي و عاقد حواجبه
وجهة عصبي ، قطرات الماي تنزل من شعرة ع رگبته
أطراف ملابسه مبلله

بقيت صافنه حتى ما طلعت مني كلمة
بلع ريگ و غمض عينه سكت
و اني واكفه صافنه ، روحي لاعت
هذا شبي ليش هيج عصبي و هيج شكلة

فتح عينه و نطق :- منو هذا الشاب الي واكفه ويا الصبح

سكتت

هيبت :- جاوبي

شهد :- شنو ؟ شجاوب

هيبت :- شنو هوا الشنوووو جاااي اكلج منووو الشاب الي واكفه ويا الصبح