اعلان جريمة عشق
بقلمي #فاطمة_العبادي
قرائة ممتعه كيكاتي 🖤
ملاحظة / البارت تقريبا خالي من الاحداث لان كل شي بي ضروري ينكتب و حاولت اختصر الي اكدر علي
ويا كثرت خيبات الحياة - ويا كل نفس نستنشقة لازم نعيش
اليوم نعيشة و يروح و بعد ميرجع
ليش نستكثر الضحكة ع نفسنه! ؟
ليش ما ننزع ثوب الحزن ؟
نبدلة بثوب الأمل!
و نمسح الدمعه
و نبدلهة بضحكة فرح نابعة من اعماااق القلب
صح خطواتي بأتجاه المجهول اليوم راح اخطي اولهة
بس هذا ما يعني ان راح اموت و ان حياتي خلص انتهت!
قررت اقوي نفسي .. و كل ما اضعف ارجع اكوم و اقوي نفسي
و. هكذا راح اعيش
عيني تترقب الجنط و زهور تجر بيهن - و عمة تكللهة مو تنسين الجنطة مال الذهب و المكياج
كاعدة حاطة رجل ع رجل و انتظر يكملون يصعدون الجنط
عمة بهيجة حطت الشال ع راسهة و ترتب بي
رفل گبالي تعدل شعرها
اصوات ضحك الزلم عالية
اهز رجلي بتوتر - و بداخلي اشتعلت شرارة القوى
كثر الضغط يولد انفجار - و من كثر ما ضغطت ع نفسي اليوم الصبح انفجرت بجي بجي بجي
بعدهة گمت بقوة
بهيجة - يلة بنات گومن زحمة كالو صعدن و حدة تذبهة ع ثانية
جميله - انتِ قبلنة صعدي
مروة - اني اروح الاهلي خاف اجيب ما اضل هنا بكل جهالي تجي الولادة فجأة
-روحي خلي رجلج ياخذج محد يكول لا
باوعت بطرف عينهة - رادت تروح بس قيصر م قبل كال وين رايحات مسويات هجوم ع ناس و اليوم الحنة و لازم تباتن ليلتين عيب
كامت رفل شالت جنطتهة لبستهة - و رادت تطلع
امها عاطت - عود ليش ما تخلن ع روسجن شالات عيب تروحن هيج مفرعات
جميله - دادة هسة هنه راح يكعدن يم الزلم؟! مسافة الطريق و هناك يفوتن للبيت محد يشوفهن بعد
بهيجة - والله اشوفهة زحمة ينزلن هيج
جميله - امشي هسه تأخرنة بعد هنة لو تموتين ما يلبسن شالات
ضلت تباوع بأسف و تريدنه نغير من قرارنة
حطيت راسي ع قنفه - تذكرت قبل نص ساعة
گاعدة و صاحولي يله خلي السيد يعقد الكم حتى تتوكلون و ترحون للعمارة
خوف ع قلق - والله ردت ارفض كدام العالم كلهة
بس ما نطاني كلبي افشل عمامي و هم ممقصرين اتجاهنه
عمة شمرت عليه عباية و فوتتني يم العالم - من اخذ موافقتي بعدها سمعت صوت صحبو
يحجي بثقة و حيل صدر و كأن واحد دايوصي ع شي و هوا ايدكلة الصدر و يتعهد هيج حسيت
أنت تقرأ
اعلان جريمة عشق
Ficção Geralخمس بنات و خال مغتصب , قلوب تطلب الحرية , و واقع قذر ..... ؟؟؟ .. قصه حقيقيه ذات طابع رومانسي( فاطمة العبادي ) ( جرئتهة للعقول الراقيه ) ..
