اعلان جريمة عشق
بقلمي #فاطمة_العبادي
قرائه ممتعة كيكاتي 🖤.
رِدنيّ رِدنيّ
يالبِگتني
بليله أجًيتك
دورتَ روحَي أعله روحيّ
لا شَفتها ولا لِگيتك؟
مرح
أتمايل بمشيتي بكل رقه و أنوثه
وصلت يم مروة ما باوعت بوجهة , لزمت ايدي
باوعت بوجهه
همست: - شعندج يم قيصر
مرح :- مممم ابن عموووو سوالي الفيس ليش تسئلين؟
مروة: - ماكو غير ابن عمج يسوي الفيس يعني ما رحتي الرفل تسوي الج هيه خوب خبرة بهاي السوالف لو ركضتي ع قيصر جنج سعلوة
مرح: - سعلوة شنو؟!!!! و بعدين ماكو اشكال احنه اخوان بكل حااالاتنه
مروة: - اي بس يحرم عليج مو مال هيج تلزكين بي
مرح: - تدرين انتِ جاي تدوخيني ترا ردة فعلج مبالغ بيهة والله
مروة: - لا توصلين الرجلي
مرح: - ما واصله اله خلي عندج ثقه بي
و غمزت الهة
مروة: - والله عندي ثقه ان هو يحبني انيييي و بسسس
مرح: - و العلاقات
مروة: - كحاب يتسله بيهن ما يوصلن الظفر ايدي
مرح: - هههههاااايييي لزمي من الكحاب لأن اني مو مثلهن و تخافين مني
مروة بهمس : - ستر الله عليهن
مرح , و اني خصم عيوني : - ما سمعتج
_ كتلج الله يستر عليج
مرح: - ماشي عيني و بستهة بالهوي
انسحبت من يمهة و خليتهة حايرة بزمانهة
ما تدري هسه اني عيني ع رجلهة لو تصرف عادي أخوي
شفت رفل خصمت عيونهة و كورت شفايفهة بحركتهة المعتادة
تقربت مني رفع تك حاجب و كالت: - حمرة! انها معجزة ياااا سادة
مرح: - اووو لتصيرين عكرة هيج حطيت شوية
رفل: - شلون شفايف اله شگاگيات
مرح: - لج هاي انتِ شلون تحجين خررب بيومج احجي زين مثل العالم
هزت كتفهة بدلع و كالت: - السادس مأثر بيه
مرح: - ليشوفج اربعه و عشرين ساعه مكابله الكتب
رفل: - هوا صعب بدون سبب شسويله يضغط و يأثر ع نفسيه عود هاي ما أدرس
مرح: - انتِ حي ع صلاة سنه ثانيه
رفل: - اصلا بابا كال داومي السنه حتى تتقوين و تاخذين ع مواد و السنه التجي داومي و شدي حيلج
اوي مرح صعب حيل يخوف يخوف مو كتب ليكول فلم رعب
مرح: - اني اساعدج عود بالعطله ادرسج
رفل: - ماله داعي حدخل دورات بكل المواد بس الي يصعب عليه اجيلج ما اكول لا
أنت تقرأ
اعلان جريمة عشق
Ficción Generalخمس بنات و خال مغتصب , قلوب تطلب الحرية , و واقع قذر ..... ؟؟؟ .. قصه حقيقيه ذات طابع رومانسي( فاطمة العبادي ) ( جرئتهة للعقول الراقيه ) ..
