Sylvestre's Wedding

CHAPTER 18

PUTOK na putok na ang mga braso ko sa sando kong ginupit lang ang manggas hanggang sa bewang. Sumisilip ang mga guhit sa ilalim ng aking dibdib at ang namumukol na mga abs, paminsan. Nagsuot din ako ng cap at shades, para kunwari, ayoko magpakilala. At syempre, malaking gym bag at tumblr na may chocolate protein shake para mukhang seryoso talaga ako.

Hindi ko naisip na ganito lang kadali ang pagbawi ko kay Sylvestre. Isang sex lang sa kanya, hiwalay na sila ni Camina. Akin na ulit siya.

Habang naglalakad papunta sa locker room, natanaw ko na si Sylvestre. Nasa mga machines siya at nagro-row. Back ang tinitira niya. Dahil nakasandong razor back, kitang-kita ang namumugtong mga muscles sa kanyang likod. Nakakailang workout na rin siguro siya.

Nagmadali na akong pumunta sa locker para makapagsimula na.

Pagbalik ko, nasa mga dumbells na si Sylvestre. Shoulders naman ang tinatarget niya. Pinapanood ang sarili habang itinataas ang mga weights. Nakita niyang nakatingin ako sa kanya. Ngumiti ako. Ngumiti naman siya pabalik. Pero tipid na tipid ang paggalaw ng kanyang mga ngiti, tapos ay muling pinanod ang ginagawa niya sa salamin.

Sapat na sa akin na na-recognize niya ang presensya ko sa lugar.

Nagsimla akong mag-workout sa mga cables. Hindi ko inaalis ang tingin ko sa kanya. Hindi ko na naman talaga kailangang mag-workout. Gandahan lang to. Kaya naman pansin kong kahit hindi nakatingin si Sylvestre eh maraming nagpi-piyestang mga mata sa katawan ko.

Tumayo si Sylvestre na hindi tumitingin sa akin. Pumunta siya sa treadmill. Tumakbo. Nagku-cool down na. Alam na alam ko na ito, iiwasan ako. Kadarating ko lang, aalis na siya. Pero parang nagpapahiwatig pa eh, syempre, kung nairita siya sa akin, e di sana, umalis na lang siya at hindi na nag-cool down. Nagpapa-yummy.

Itinuloy ko lang ang pagbubuhat, pero pinakikiramdaman ko pa rin ang galawan niya. Nakailang buhat din ako nang tumigil si Sylvestre at naglakad patungo sa locker room.

Tinapos ko muna ang set ko para hindi rin halatang sinusundan ko lang siya. Tapos ay sumunod na ako sa locker room.

Nakatapis ang mga lalaking nandoon. Pero wala si Sylvestre. Ayos, malamang, nasa steam bath na siya or sa sauna.

Pero baka rin nakaalis na siya. Kung iiwas siya, umalis na siya. Kung may pag-asa pa, nasa isa sa dalawang mainit na silid lang yon.

Hinubad ko ang lahat ng suot ko at iniwan ang bikini brief. Bikini brief talaga para kitang-kita ang v-line ng katawan ko na bababa patungo sa nagpapakilalang bukol. Pero syempre para demure kunwari, kaya itim ang brief ko.

Nakatinginan ko na sa gilid ng mga mata ko ang mga tumitingin sa katawan ko. Hindi ko naman sila masisisi, kahit ako, tinitingnan ko ang sarili ko pagdaan sa salamin.

Pumunta muna ako sa shower area, na medyo kalahati ay may laman na. Naghanap ako ng cubicle at nag-shower muna, bawas asim at alat sa balat. Hindi namin gusto ni Sylvestre ang lasa ng katawan, maliban na lang kung galing sa sex. Kaya naman tinanggal ko lahat ng pawis mula sa workout.

Una kong pinasok ang steam bath. Mausok ang puting silid na iniilawan ng puting ilaw. Naka marmol ang upuan at ang paligid ay finished with tiles. Mahirap maaninag ang mga nasa loob dahil sa kapal ng steam. May tatlong lalaki sa loob na nakatapis ng twalya. Ngumiti ang isa sa akin nang baybayin ng mata ko ang lahat ng sulok ng silid. Wala si Sylvestre. Agad akong umalis.

Lumipat ako sa sauna. Gawa naman sa kahoy ang madilim na kwarto, kung saan ang dilaw na ilaw na nakatago sa isang sulok ang tanging liwanag. Sa sulok katabi ng pinto, mayroong kahon na may batong umuusok. Dito galing ang init, hindi sa kung sinong tao, dahil walang tao sa loob.