أمواج العشق

الفصل الثامن

-مقصدش حاجة بس مش متعودة على كدة
-متقلقيش واتعرفي على ليلى واتكلمو،بس متتعرفوش أوي يعني أنا اللي هافضل صاحبتك -اصلا محدش يقدر ياخد مكانك
ثم اكملت بتوتر
-عايزة أكلمك في موضوع
-سمعاكي يا حبيبتي
-أُنكل محمد هيسافرو في الـ Week end بلدهم
-الصعيد؟!
-ايوة أنا مفهمتش أوي بس ليلى بتقولي إنهم عمرهم ما راحو هناك وجدهم طلب يشوفهم
:-طيب وانتي كده هاتعملي ايه؟
-ايوه ما انا بكلمك عشان كده ليلي قالتلي انهم مش عارفينهم هناك فـ طلبت مني اني اروح معاهم بصفتي أختهم
-واللي هاتعملوه ده صح؟
-أمال أنا بكلمك ليه يا ليان
صمتت ليان لعدة ثواني ثم صاحت
-روحي واهو تكوني غيرتي جو، وانتي بتقولي مش عارفينهم وكمان الحرس لسه بيدور عليكي
-إفرض عرفو هناك إني مش أختهم حاسة الحوار فاكس أوي
-متقلقيش أكيد عمو هايتصرف وقتها،وبعدين يابنتي والله الناس هناك طيبة هتتبسطي يعني
-اتمنى يا ليان عشان الدراما اللي بتحصلي دي كتير والله
-أنا ممكن اجيلك يا إيلي
-طيب وبابا اكيد بيراقبك؟
-هحاول أفلت منهم وبعدين اكيد مش هايجي في دماغه إنك هناك
-ربنا يُستر
-خلى بالك من نفسك يا إيلي
اغلقت إيلين مع ليان ثم قامت برمي الهاتف بجوارها وذهبت في ثبات عميق..
مرت الايام الى أن اتى موعد السفر، وبسبب ذهاب  إيلين معهم فقد اضطروا للسفر عبر السيارة باستثناء محمد قام بالسفر عبر الطائرة وعندما عِلم مراد بذهاب إيلين معهم بصفتها شقيقتهم انزعج كثيراً ولكنه فضّل الصمت..
إستيقظت إيلين على صوت المنبة فوجدت الساعة الخامسة فجراً فقامت بوضعه على خمس دقائق أُخرى وأكملت نومها
___________
كان مراد مستيقظاً مُنذ زَمن  فقام بالتوجه نحو المرحاض ليستحم وارتدي ملابسه ثم اتجه نحو غرفة ليلى وقام بطرق الباب الى ان سمحت له بالدخول
-صباح الخير
ليلي بنعاس وهى تجلس علي الفراش:-صباح النور
-مجهزتيش ليه؟
-شوية وهبقى جاهزة
اتجه مراد نحو الخارج بينما قامت ليلى بارتداء ملابسها لتتجهز بينما في غرفة إيلين إستيقظت لتوها ونظرت للمنبه فوجدت انها تأخرت عن الموعد المحدد لكي تجهز فتأففت بضيق وبدأت بتجهيز نفسها لترتدي ملابسها على عجالة واتجهت نحو الاسفل بعد أن أمسكت حقيبتها لتجد ليلى ومراد بانتظارها
-صباح الخير
-صباح النور
-أُنكل خرج؟
-أيوة يا حبيبتي مشي من بدري
مراد بنبرة يشوبها الضيق: يالا
قام مراد بـ إخبار الحارس أن يحمل الحقائب بينما جلست إيلين بالخلف وليلى بجوار مراد الذي بدأ بقياده السيارة متجهين نحو أسيوط..
جلست إيلين في السيارة ومع برودة الجو وانتظام حركة السيارة أكملت نومها وكذلك غفت ليلى هى الاخرى بينما أكمل مراد طريقة وهو يحتسي قهوته
إستيقظت ليلى بعد مرور ساعتين وهي تنظر حولها فقامت بتعديل هيئتها لتصيح بتساؤل ناعس
-فاضل قد ايه؟
-أربع ساعات
-اربع ساعات ده كتير أوي!!!
-كان زمانا وصلنا لو سافرنا بالطيارة فـ مسمعش صوتك وروحي كملى نوم
تجاهلت ليلى حديثه لتقول
-أنا زهقت
-أعملك ايه يعني مش فاهم
-متعملش يا مراد
مرت ما يقارب النصف ساعة لتستيقظ إيلين وهي تضع يديها على رقبتها متأوهه بألم
-ايلين
-نعم
-انتي كويسه ؟        
-ايوه
-في استراحة كمان عشر دقايق
بعد مرور عدة دقائق نزل الجميع من السيارة وجلسو على أحد الطاولات ثم قامو بطلب الطعام
لاحظت ليلى توقف إيلين عن تناول الطعام فتسائلت -مبتاكليش ليه؟
-شبعت
بعد انتهاء ليلى ومراد من تناول الطعام قام مراد بدفع الحساب ثم اتجهو نحو الخارج واكملو طريقهم لتمر الساعات عليهم ليصلو إلي القرية التي تقيم بها عائله محمد
شعرت إيلين بالرهبه ما أن رأت هذا الكم من الاشخاص بأنتظارهم فصاحت بتوتر
-ليلى أنا خايفه
-متخافيش إحنا معاكي يا إيلين وزب ما اتفقنا محدش هايعرف حاجة
قام مراد وليلى بالنزول من السياره بينما ظلت إيلين تأبه التحرك وهي تشعر بالخوف من أن يكتشف أحد حقيقتها
قام مراد بفتح باب السيارة اها قائلاً بسخرية
-مستنيه حد يفتحلك الباب ولا ايه
تجاهلت إيلين سخريته ثم ارتدت نظارتها و قامت بالنزول من السيارة ممسكة بيد ليلى ما أن لاحظت نظرات الجميع المصوبة نحوهم..
اتجهت نحوهم أحد السيدات ترتدي جلباب أسود فضفاض ووشاح اسود على رأسها، تنظر لـ إيلين وليلى لتقوم بتقبيل ليلي بحُب وأتجهت نحو ايلين فشعرت إيلين بالخوف لهذا أمسكت يد مراد بعفوية بينما مال مراد عليها ليهمس
-مش هاتكلك دي هاتسلم عليكي
نظرت المرأه لـ إيلين قائله
-مش عايزه تِسلمي علينا ولا ايه وبعدين اجلعي اللي حطاه على عينك ده خلينا نشوفك زين
نظرت لها إيلين بتوتر محاولة الابتسام ولكنها فشلت واثناء هذا أتى محمد ليقول
-حمدلله على السلامة يا ولاد
-الله يسلمك يا بابي
صاحت أحد السيدات متعجبة
-بابي!!
نظرت لها ليلى وهى تشعر بالضيق قائلة في نفسها
-هي هتعلق على أي حاجة كده ولا ايه
محمد موجهاً حديثه للشباب:-دي مرات عمكو عادل اخويا الكبير، ثم اشار على أحد السيدات الاخرى ودي هدى أختي اللي بيني وبين عادل ودي مراة عمكو أحمد وإسمها رضا
بدأت هدى هى الاخرى بتعريف باقي الافراد عليهم بينما كانت كلاً من إيلين وليلى يوزعون ابتسامات عليهم
-تعالو جوا يا ولاد
اتجه الجميع نحو الداخل..
عادل"شقيق محمد الاكبر"
-خِدي البنات چوا يا أحلام وخليهم ياكلو ويجو جتتهم تلاجيهم هامدنين من السفر
-حاضر من عينيا
ثم وجهت حديثها لـ إيلين وليلى
-يالا يا بنات
نظرت ليلى لوالدها فقام بالإيماء برأسه وهو يحثها على الذهاب فقامت بإمساك يد إيلين وذهبوا معهم نحو الداخل..
قامت أحلام بإدخال ليلى و إيلين إلى مجلس النساء فوجدوا العديد من الفتيات والنساء ترحب بهم و إيلين وليلى صامتين
-إسمك ايه يا سنيورة انتي وهي
حاولت ليلي التحدث بهدوء رغم عدم راحتها لاسلوبها المتهكم
-انا اسمي ليلي وهى إيلين
-ميلين!!
-هي مبتتكلمش ولا ايه؟
-اسمي إيلين..ايلين
رضا بتساؤل اغضب كلاً من ليلى و إيلين
-بعدين ايه الخلجات'هدوم' اللي انتو لابسينها دي ما تستروا نفسكو
رغم شعور إيلين بالغضب الشديد إلا انها حاولت التحدث برُقي
-لِبسنا مفهوش حاجة اللبس واسع ومش مُلفت واسفة لان مش من حق أي حد يعلق على هدومي سواء كان أنا أو ليلى
شعرت هدى بالضيق من حديثها فصاحت بتأنيب لزوجة شقيقها
-ملكيش صالح يا رضا سبيهم على راحتهم
-مش شايفه جتتهم باينه إزاي يا هدى
-لو سمحت ممكن أطلع الأوضة اللي هنستريح فيها أنا مرهقة ومحتاجة أنام
نظرت هدى بحدة لرضا لتصمت ثم صاحت بهدوء
-استني الوكل جاهز يابنتي عشان تاكلو
إيلين بنبرة يشوبها الضيق
-معلش مش عايزة اكل
-مينفعش يابنتي عيب، لازم تتغذي انتي جايه من سفر وطريق طويل
مالت ليلى على إيلين لتقول
-خلاص يا إيلي 
-الوكل جاهز يا مرات عمي
أبتسمت هدى لكلاً من إيلين وليلى ثم قالت
-يالا يا بنات
اتجهت إيلين وليلى نحو الداخل لتناول الطعام
نظرت إيلين للطعام الموضوع على المائدة لتجده ملئ بالنشويات والدهون فشعرت بالغثيان لتميل على ليلى هامسة
-ليلي انا مش باكل الاكل ده بتعب منه انا Vagtarian "نباتيه"
-كُلي سلطة
إيلين بتساؤل وهي تشير على احد الاطباق التي لفتت انتباهه وما كان إلا *ليمون معصفر*
-هو ايه ده؟؟
انفجرت النساء بالضحك في ذالك الوقت فقالت أحلام بعد أن تمالكت ذاتها
-عرفت دلوجت إنتي عامله زي الخِلة كده ليه بس متجلجيش هاخليكي عامله زي البطة
-مش هاقدر أستحمل أكتر من كده يا ليلي أرجوكي عايزة أطلع
ليلي بهمس مماثل
-معلش استحملي شويه يا إيلين عشان ميقولوش حاجه
قامت إيلين بتناول السلطة فقط وهى تشعر بالضيق
بينما نظرت لها ليلى بابتسامه وبدأت بتناول الطعام هى الاخري وبعد مدة وضعت إيلين يديها على معدتها قائله
-شبعت
ثم قالت بتساؤل: لو سمحت فين التواليت؟
-ايه اللي انتي بتجوليه ده ياختي
نظرت ليلى لتلك المدعوة رضا فقالت موضحة
-الحمام
-ما تقول دوغري إنها عايزه تروح الحمام وريها يابت يا بطة دُورة المايه..
اومأت فاطمة برأسها ثم قامت بإرشاد إيلين للحمام وبعد أن إنتهت من غَسل يديها توجهت نحو الخارج
-عن اذنكو عايزة استريح
-أنا كمان         
-وديهم على الاوضة بتاعة الضيوف يا ندى
اومأت ندى برأسها ثم قاموا بالذهاب نحو غرفة الضيوف
استلقت إيلين على الفراش وهى تشعر بالتعب ثم غفت وتوجهت ليلي للفراش هى الاخري ونامت بجوار إيلين و ذهبت في ثبات عميق من تعب الطريق..
في صباح اليوم التالي إستيقظت ليلى فوجدت إيلين مازالت نائمه فنظرت لهاتفها لتجد الساعة الثانية ظهراً
-ينهار إحنا نمنا ده كله ومحدش صحانا
قامت ليلى بتبديل ملابسها ثم اتجهت نحو الاسفل بعد ان وضعت هاتفها بجيب البنطال وما ان وصلت للاسفل وجدت زوجة عمها أحلام فقالت
-صباح الخير
-جولي مساء الخير
-هو فين بابا أنا مشوفتهوش من امبارح
-ابوكي بيدوب التلج اللي بينه وبين جدك..
ثم اكملت بتساؤل
-بجولك يابتي هي مين البت اللي فوق دي؟
ليلي بتوتر حاولت اخفاؤه:-مش فاهمه
-قصدي إن انتي ومراد ولاد محمد مين دي بجا!!!
متنسوش الڤوت و ومستنية رأيكو في الفصل ❤