أمواج العشق

الفصل الثاني عشر

-ولا يهمك يا ست ندى هتلاقي سيرتها زي اللبان على لسان الناس في خلال ساعة
-مستنية أسمع الخبر الحلو وليكي الحلاوة يابت
ابتسمت إيلين بسخرية على تلك المغفلة واتجهت نحو الاسفل مجدداً لتذهب خلف تلك الفتاة وما أن اصبحو بالخرج قامت إيلين بالنداء عليها قائلة
-بقولك يااا...
نظرت الفتاه لها وما أن رأتها شعرت بالتوتر وقالت
-أيوه عايزة حاجة
قامت إيلين بفتح هاتفها لتعبث به ثم أتجهت نحوها وقالت
-أنا سمعت كلامك انتي والبنت دي، واللي متعرفيهوش إني أبقى بنت أكبر رجال الأعمال في مصر وأكيد شوية الهبل اللي سمعته من شوية مش هايفرق معايا،ومحدش هيضّر غير سمعة الغبية اللي قالتلك تروحي تنشري الكلام السخيف ده،وكمان مراد يقدر يحبسك لمجرد إنك إتكلمتي عني بطريقة وحشة وأنا حالياً هاروح أقول لـ جِد مراد عن اللي حصل وسمعت إنه شديد جداً ومحدش عارف ساعتها ايه اللي هايحصل ليكِ انتي وهى
إتجهت الفتاة نحوها سريعاً لتقول برعب ممسكة بيديها
-لا ياست هانم احب على يدك الله يخليكي أنا ماليش صالح بـ ده كله ندى هانم هى اللي قالتلي كل حاجة وأنا مقدرش أرفضلها طلب، ده أكل عيشي وعندي خوات بصرف عليهم
قامت إيلين باغلاق هاتفها ثم نفضت يديها بعيداً عنها لتقول
-دلوقتي هنشوف ايه اللي هيحصلك انتي وهى
إتجهت إيلين نحو الداخل وصعدت نحو الاعلى لتبدأ بتجهيز حقيبتها
___________
-مش ناوي تقول في ايه
رغم عِلم مراد بمقصدة إلا أنه قال مراوغاً
-علي ايه؟
-يعني إنك هاتخطب، وكمان إنت متعرفش ايلين ولسه عارف كل حاجة عنها امبارح
-عادي يا أسر أُعجبنا ببعض، وكمان المعلومات اللي جبتها ناقصة كتير أنا كلفت واحد يجيب كل حاجة من الحرس بتاعهم
ورُغم عِلم أسر بكذبة إلا أنه تصنع اللامبالاه حول إخفاء مراد لسبب خطبته عله يعلم السبب وراء كذبة وتصرفاتة الغريبة فقال مختصراً
-طيب
__________
كانت إيلين تشعر بالغضب يعتريها لتقول بعدم تصديق وهى تحزم أمتعتها
-بقا شويه جهلة ومتخلفين يعملو معايا كده، ومراد بيهددني كمان، طيب يا مراد أنا هاسبلك كل حاجه وإلبس إنت في الحيطة بقا
دلفت ليلى في ذلك الوقت لتقول
-إيلين طمنيني عليكي
إلتفتت إليها إيلين لتقول بغضب
-أخوكي ده طلعلي من أنهي داهية يا ليلى بجد هى كانت ناقصة قرف في حياتي، جه هو وزودها أكتر
ظلت ليلي صامتة دون تحدث الى أن أردفت إيلين بهدوء وهى على وشك البكاء
-يا ليلى أنتِ عارفة أنا مريت بـ ايه في حياتي، وأكيد ليان حكتلك كل حاجة عني أنا تعبت أوي ونفسي استريح من كل اللي أنا فيه ده، عايزة استقر وأعيش من اللي باقي في حياتي بسلام من غير كل المشاكل والأكشن الزيادة دي
قامت ليلى باحتضانها لتقول بخفوت
-كل حاجة هتعدي وهتبقى تمام وهتقدري تعدي المِحنة اللي انتي فيها دي وهتبقي أحسن من الاول صدقيني أتحملي شوية بس
ظلت إيلين صامتة وهى تحتضنها ولكن فجأة صرخت الفتاتان عند استماعهم لصوت ارتطام الباب ودخول فتاة تصرخ بتهكم
-أجبلكو إتنين لمون وشجرة يا حبايبي؟
-ليان !!!!!!!
-أيوة يا حبيبتي ليان ولا فكراني هسيبك ومش هاعرف باللي بيحصل هنا لا تبقي غلطانة أول ما حسيتك بتخونيني جيت علطول
إتجهت إيلين نحوها لتقوم باحتضانها قائلة ببكاء
-وحشتيني أوي
-و إنتِ كمان وحشتيني ياحبيبتي
___________
-عملتي ايه يابت يا جهاد
كانت جهاد على وشك البكاء وهى تقول
-دي سمعتنا وأحنا بنتكلم عليها وقالت هتقول للجد الكبير وهتبلغ مراد بيه بالكلام اللي قولناه وكمان إنها من بنت كبار البلد وهيودونا في داهية
شهقت ندى كـ حركة شعبية مشهورة لتصيح مهلهلة
-تودي مين في داهيه العقربه دي، ده أنا اللي هوديها في داهية هى ونسلها كله
ثم صرخت بصوت عالى وهى تتجة نحو الاعلى
-إنتِ يا عقربه يا بنت الخواجة بنضيفك عندنا وبتعيبي فينا يا بت دخلناكي بيتنا وبتتأمري علينا
...................
إبتعدت إيلين عن أحضان ليان لتتسائل بدهشة
-ايه الصوت ده؟
اتجهت الفتيات نحو الخارج ليروا مراد وأسر قد خرجوا من الغرفة ايضاً على آثر صوت ندى
إتجهت ندى نحو إيلين الواقفة بجمود
-مالك ومال البت جهاد يابت بتشتمي فيا أنا وهى ليه مالك محروقه مننا ليه كده وشاغلة بالك بينا؟
نظرت ايلين خلفها لعلها تتحدث مع أحد آخر ولكنها وجدتها تنظر لها فقامت بالاشارة على نفسها قائلة بدهشة ساخرة
-انتي بتكلميني أنا كده !!
-شوف البت البجحة وعاملة نفسها هبلة ومتعرفش في ايه
-ليان لو بتكلمني أنا فـ خليها تبعد عني
كانت ليان تقف بجوار صديقتها شاعرة بالغضب من أسلوب تلك 'البيئة'كما أطلقت عليها لتقول
-مالك بتكلميها كده ليه ما تتكلمي بأسلوب كويس بدل اسلوب الشوارع اللي بتتكلمي بيه ده
:-هاتعرفو دلوقتي بتكلم كده ليه
ثم صاحت بصوت عالى
-بت يا جهاد تعالي اطلعي
نظرت إيلين في ذالك الوقت لتقول ساخرة
-لما نشوف آخرة الـ Show "عرض" الهندي ده ايه!
-ايوة يا ست ندى
-البت دي قالتلك ايه قولي ومتخافيش
فلتت ضحكه ساخرة من إيلين فوضعت يديها على فمها وقالت متصنعة الجدية
-أسفة كملو
-بصراحة كده كنت خارجة أجيب لندى هانم شوية طلبات ولقيتها نادت عليا وشتمت فيا وفيكي يا ست ندى وبتقول إن مراد بيه عمره ما هيبصلك ومتفكريش تبصيله حته أو تحاولي تجذبي نظرة ليكي لأنه مش هايبصلك لإنهم بيحبو بعض
اتى والد مراد في ذلك الوقت وعادل شقيقه والذي تسائل بحدة
-ايه اللي بيحصل هنا !!
اخرجت إيلين هاتفها لتقول
-في إن البنت دي اياً كان اسمها بتتهمني بحاجات غير لائقة إنها تقولها عليا كوني ضيفه عندكو، في إنهم كانو هيطلعو عليا سمعه وحشة في البلد وهيخلوها كلها تتكلم عليا عشان البنت دي عايزة تتجوز مراد وتمشيني من البلد
-البت دي كدابة ولو مش مصدقني إسأل جهاد أهي
-أوكي أنا كمان هسأل جهاد
قامت إيلين بتشغيل مقطع صوتي وهى تبتسم بثقة بينما إستمع الجميع للحوار الذي دار بين إيلين وجهاد..
اتجه عادل نحو ندى ليصفعها على وجهها أمام الجميع صارخاً عليها
-إعتذرلها فوراً
وضعت ندى يديها مكان الصفعة لتقول بخوف من بطش والدها
-أسفة 
-يالا على أوضتك حالاً
اتجهت ندى نحو غرفتها بينما أردف عادل بحدة لـ جهاد
-وانتِ حسابك بعدين غوري
قامت ليان بوضع ذراعها على كتف ايلين قائلة
-سيبك منهم دول متخلفين
ابتسمت لها إيلين بينما صاح عادل موجهاً حديثة لإيلين
-حقك على راسي يابنتي
-متعتذرش علي حاجه حضرتك
-أنا هتكلم معاها يا عادل خلاص
-ماشي متنسوش الغدا هيبقى جاهز كمان نص ساعة
بعد ذهاب عادل أردف محمد بهدوء موجهاً حديثه للجميع
-تعالو جوا يشباب هتكلم معاكو
إتجه الجميع نحو غرفة إيلين وليلى ليقول محمد
-اياً كان اللي حصل يا إيلين حقك عليا أنا ، و آه عايز أخد رأيك وتجاوبيني دلوقتي
-اتفضل يا انكل
-موافقة تتخطبي لمراد؟
نظرت إيلين نحو مراد بينما قابل نظراتها ببرود تام لتقول إيلين
-أيوة يا أنكل موافقة ومتفقة أنا ومراد صح يا مراد
-صح يا حبيبتي
وضعت إيلين يديها على وجهها تغطي تعابير وجهها المغتاظة من هذا الغبي وهى تتوعد له بسرها
........................
-ها يا جاسر لقيتها؟
-في اسيوط يباشا...
يتبع..