أمواج العشق

الفصل الحادي عشر

-إنت اللي طلبت كده وكنت هقولك بس لقيتك قفلت، المواصفات اللي قولتلي عليها مطابقة لنفس المعلومات اللي طلبتها لمراد باشا
-متأكد يا علي
-ايوة يباشا
-تمام
اغلق أسر معه ليقوم بفتح الملف مجدداً وبدأ بقرائته
ولم يجد شئ يثير الريبة فوجد أنها قامت بإكمال دراستها، كما أنها قامت ببعض من المقابلات الصحفية مع والدها والتي تنص على حنانة معها فشعر بالدهشة عندما تذكر ما أخبرته به إيلين  وأن والدها غصب عليها الزواج
امسك أسر هاتفه ليتحدث مع مراد وقد اتاه الرد سريعاً من الجهه الاخرى حيث تسائل مراد
-ها عرفت حاجة؟
-إنت تعرف البنت دي منين؟
-موضوع كبير هقولك عليه لما أشوفك
-تمام عموماً أنا بكرة الصبح هبقى عندك
-عرفت عنها ايه؟!
-بنت رجل أعمال في اسكندرية، عملت كذا لقاء صحفي مع والدها وقد ايه هو حنون وكويس معاها، مَكنتش بتروح المدرسه والجامعة غير في الامتحانات بس وملهاش أي علاقات مع حد غير واحدة اسمها ليان الوالي ووالدها يبقي شريك ماجد البحراوي مفيش حاجة مُريبة يعني
-حاول تعرف حاجة من الحراسه بتاعتهم أكيد في حاجه ناقصة يا أسر
-ماشي بس هنتكلم بكرة لما أشوفك
-تمام هبعتلك لوكيشن المكان بتاعي عشان تيجي عليه 
اغلق أسر معه واتجه نحو الاعلى لتجهيز حقيبته ثم غفى بعمق..
______________
صباحاً،إستيقظت إيلين وظلت تنظر للسقف بشرود وما أن تذكرت احداث البارحة نهضت بغضب واتجهت نحو الخارج لتبحث عن ليلى في الممر وعند عدم رؤيتها إتجهت نحو الخارج بخطوات أشبه للركض غير مبالية بألم رأسها بينما على الجهه الاخرى اتجه كلاً من ليلى ومراد نحو غرفة إيلين بعد احتسائهم القهوة ليجدوا الغرفة فارغة لتتسائل ليلى بقلق
-راحت فين؟
اتجه مراد نحو الاسفل سريعاً وليلى تسير خلفه 
____________
كان إيلين تسير سريعاً واثناء نظرها خلفها إصطدمت بأحد الاشخاص لتقول معتذرة
-أسفة
-ولا يهمك
كاد أن يكمل طريقة بلا اهتمام ولكنه توقف ما أن إنتبه لملامح وجهها قائلاً بدهشة
-هو انتي !!!!!!
نظرت إيلين لوجهه محاولة تذكره إلى أن صاحت
-ايوة ايوة افتكرتك، فين الجيتار؟
-هو ده كل اللي يهمك يعني؟
نظرت إيلين خلفها خوفاً من ان يعلمو بغيابها ثم قالت سريعاً بنبرة يشوبها التوتر
-أكيد يعني المهم هو فين
-في حاجه ولا ايه؟!
-لا هيكون في ايه !!
نظر أسر لـ الشاش الملتف حول رأسها وإلى ملامحها المرهقة فتسائل
-مالك؟
-مفيش ممكن الجيتار عشان لازم امشي دلوقتي
إنتبهت إيلين لنظراته وكادت ان تلتفت لترى ما الذي ينظر له
-فينك مستنيك من بدري؟
ما أن رأت إيلين مراد ومعرفة أسر به لعنت حظها بينما صاح مراد بغضب
-ايه اللي طلعك من اوضتك
-حاجة متخصكش
تجاهلها مراد لينظر نحو أسر قائلاً بسخرية
-عنيفة أوي
-إنت هتقولي
-تعرفو بعض؟
-دي صاحبة الجيتار
نظر مراد لكلاهما، بينما همت إيلين بتركهم والذهاب ولكن أوقفها صوت مراد وأسر بنفس الوقت
-إستني
أتت ليلى بذلك الوقت لتقول بتساؤل
-إيلين انتي كويسة
-لا مش كويسة،وياريت تبعدوا وتخرجو من حياتي بقا
- تؤتؤ ينفع واحدة محترمة تكلم خطيبها بالاسلوب ده؟ ٠
نظر له أسر مدهوشا ليتسائل
-خطيبة مين !!
-ده في أحلامك أنا مستحيل إتخطب لواحد زيك
-هنشوف
بدأت إيلين تشعر بالالم يداهم رأسها وان أعصابها تحترق لتصرخ بغضب
- واحد مريض روح إتعالج
قام مراد بإمساك معصم يديها ليقول موجهاً حديثه لاسر
-هاخد إيلين ونمشي محتاج اتكلم معاها، خلصو انتو الاجراءات
حاولت إيلين إفلات يديها ولكن بدون فائدة بينما  توجه مراد إلى السيارة، ثم ذهبوا من إمام المشفى وبعد مرور دقائق توقف مراد بالسيارة ليمسك يديها ضاغطاً عليها بقسوة
-أخر مرة تتكلمي بالأسلوب ده معايا إنتِ لسه متعرفنيش كويس
-سيبني
مال مراد عليها لتلتصق بالباب تلقائياً بخوف بينما تحدث مراد محذراً
-هانرجع وإيدينا في أيد بعض وأنتِ مبسوطة، ومفيش أي حد هايعرف بعلاقتنا حته ليان وليلى،
كل اللي هيعرفوه إن أحنا بنحب بعض إنتي فاهمة
قامت إيلين بدفع صدرة بيديها المحررة لتصيح بحدة
-مش هايحصل إنت شكلك مجنون، وبكررها تاني أنا مستحيل اتخطب لواحد همجي ومتخلف
اعتدل مراد بجلسته متجاهلاً انها قامت بالتطاول عليها ليقهقه بنبرة لا تمت للمرح بصلة ثم قال
-لو خلصتي يالا بقا عشان نرجع بيتنا ياحبيبتي
صرخت إيلين بغضب وقد بدأت تبكي من شدة انفعالها
-إنت مبتفهمش !!!
-انتي اللي خلتيني أعمل كده، ودلوقتي إحنا هانرجع وهنتخطب ولو لقيتك بتعارضيني، هاكلم والدك ماجد البحراوي وهبلغى بمكانك وهاسلمك ليه بنفسي، وهقوله إنك على علاقة بيا وكده العريس اللي أبوكي جايبة هايضيع من إيدة وهايخسر الصفقة وهيستلمك انتي بقا وياعيني إنتى متعرفيش الصفقه دي كانت مهمة بالنسبالة قد ايه و رد فعله هتكون عاملة إزاي!
كانت تنظر له بذهول تام من حديثة ومعرفتة بـ كل شئ لتقول وقد بدأت دموعها بالهطول
-إنت مش طبيعي 
مراد مكملاً حديثه غير مبالي بها
-مش هتقولي أي حاجه لحد عن الموضوع ده انتى فاهمة؟
نظرت له إيلين بحقد وكرهها يزيد نحوه اكثر وقد قررت في نفسها أنها ستهرب منه الليلة..
___________
-هو مراد خطب؟
-معرفش تقريباً كده!
-ايه اللي حصل يا ليلى؟
-جدو طلب من بابا إن مراد يخطب واحدة قريبتنا عشان يرجعو يقربو من بعض أكتر بس مراد رفض طبعاً وعشان ميحرجش بابا قالهم إن هو خاطب ايلين
-وإيلين بتعمل معاكو ايه هنا في الصعيد!
-إنت تعرفها أساسا !!
-شوفتها في إسكندرية
-هى صاحبة ليان وقالتلي إن هى محتاجة مساعدة وإنها لازم تخرج من اليكس لمدة كام يوم...
-ما تكملي يابنتي انتِ هتنقطيني بالكلام !!
-مش من حقي أكمل الباقي لو هى عايزة تقولك تبقى تحكي
اوقف أسر السيارة ليقول
-انتي عارفه اني أقدر اعرف كل حاجة عنها
قامت ليلى بفتح باب السيارة لتقول قبل نزولها
-إنت حر بس أنا ماليش حق أقولك على أي حاجة تخُصها
تنهد أسر بضيق وقام بالاتصال على علي
-أيوة يا علي في أي أخبار جديدة؟
-ايوة عرفت معلومات كتير عكس اللي جبناها امبارح، واحد من الحرس بتوعها عرفنا نتفاهم وقالنا إنها هربانة من البيت، بسبب إن ابوها بيعاملها بطريقة مش كويسة خالص وإنها حاولت تهرب كذا مرة واخر مرة هربت بسبب إنه كان هيجوزها لواحد هيعمل معاه صفقه كبيره هتخلية من أغنياء مصر بس عرفت حاجه كده تاني تخص مراد باشا
-حاجة ايه؟!
-كُنت بتكلم أنا وعاصم عن الموضوع ده وعرفت ان مراد جاب نفس الاخبار اللي جبناها
-إنت شاكك في حاجة ولا ايه؟
-أصل عاصم وقع بلسانة وقال إنه ناوي يخطب إيلين عشان في قضية شغال عليها وإيلين هتنفعة بس معرفتش حاجه تاني
-تمام يا علي عايزك تعرفلي أخر ملف مراد ماسكة وتبلغني
-تمام
اغلق أسر معه وظل شارداً بأفعال مراد الغريبه منذ أن اصبح رئيسة بالعمل
خرج أسر من شرودة على صوت سيارة مراد تدخل من البوابة الكبيرة لتقِف بجوار سيارتة وما ان ترجل مراد من السيارة تسائل
-لسه مدخلتش ليه؟
-كنت لسه هدخل
نظر مراد لـ إيلين التي مازالت بالسيارة فقام بالاتجاة نحو الباب ليفتحه قائلاً بابتسامة بدت سمجة لها
-يالا يا حبيبتي
تجاهلته إيلين لتتجه نحو أسر وقالت بهدوء
-ممكن الجيتار
أومأ أسر برأسة ليتجه نحو الحقيبة الخلفية للسيارة وأمسك الجيتار ليتجه نحوها قائلاً
-اتفضلي
أبتسمت ايلين عند رؤيتها للجيتار فهو الذكرى الوحيدة المتبقية من والدتها والتي قدرت على الاحتفاظ بها من يد والدها لهذا قالت بامتنان
-شكراً جداً إنت بجد مش متخيل أنا مبسوطة إزاي
-على ايه العفو!
قامت إيلين باخراجة من الحقيبة وبدأت بالعزف عليه وهى تبتسم بنقاء فنظر لها أسر بإعجاب بينما نظر مراد لها بضيق وعند ملاحظتة لملابسها، فـ مازالت ترتدي ذلك الشورت القصير فصاح بضيق
-اخلصي الغفر كلهم بيبصو عليكي
توقفت إيلين عن العزف وكادت أن تقم بالرد عليه ولكن نظرة مراد المهددة لها جعلها تبتلع حديثها لتتجه نحو الداخل بغضب بينما تسائل أسر
-هو ايه الحوار ده؟
نظر مراد لوجهه ليقول
-باركلي خطوبتي النهاردة
-من مين؟   
-إيلين
-ده بجد بقا!
-تعالى ندخل وهنتكلم بعدين
اتجهت إيلين نحو الداخل وكادت أن تصعد الدرج ولكنها توقفت عند استماعها لتلك المدعوة ندى وهي تتحدث مع أحد الفتيات
-عايزة سيرتها تبقى على كل لسان والبلد كلها تتكلم عليها خليها تمشي من البلد ونخلص منها وكمان مش هتتجوز مراد انا أولى بيه وهتجوزة عايزة أخلص من العيشة المعفنة اللي أنا عايشة فيها دي

متنسوش الفولو والفوت فضلا ♥