دعنا نُبرم عقدًا لا شروطَ جزائيةً فيه؛ لأن إمكانية فسخه مُحالة.
ستكون مستمعًا حسنًا يشاركني كل هذه التفاصيل المملة دون ملل.
ومُضيك قِدمًا نحو أول فصل هي إمضاؤك بالموافقة على جميع شروطي.
-تحديثٌ شِبهُ يَوميِّ، فصوله تكتب بعد منتصف الليل.
رقم واحد في...
دائمًا بيقولوا إنه الأطفال أحباب الله، وحقيقي أنا مش عارفة دي حقيقة ولا مجرد مزايدة شعبية؟
يمكن الأطفال بيعملوا حاجات عليها علامات استفهام كتير، لكن براءتهم بتبررها وممكن يتقلب الموقف بضحك.
بس أطفال اليومين دول حالة خاصة حرفيًا، بيعملوا حاجات عمري ما فكرت فيها حتى.
أول إمبارح كنت قاعدة مع عمتي وبنتها البالغة من العمر أربع سنين، كنا بنتكلم على فساتين الأفراح وكيف إنه التفصيل مريح والموديلات حلوة وهكذا، وبنت عمتي قاعدة ساكتة على غير العادة، وفجأة سابت الأكل إللي كان في إيدها وصرخت بصوت عالي: «ماما! أنا عايزة أتجوز!»
أنا مقدرتش أمسك نفسي من الضحك وانفجرت ضحك زي ما هي انفجرت، بعدين والدتها سألتها ليه عايزة تتجوزي؟ قالت لها كدا عشان زهقانة! قالت لها طيب مش أنت قلت لي أنك عايزة تروحي تتعلمي؟ غيرت طموحاتك فجأة كدا؟
على طول افتكرت عمل سينمائي قديم كانت أحد الشخصيات بتقول: «ورد مش عايزة تتعلم، ورد عايزة تقعد في البيت.»
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
وابن عمتي البالغ من العمر ست سنوات، وعنده علاقات سابقة مع واحدة اسمها سوسو، وحسب تصريحات أخته هو الآن مصاحب أختها شوشو، والمرة الجاية يصاحب أو توتو أو كوكو، بما إنه بيميل للي أسماءهم كدا
وحاليًا الولد اسمه «بتاع سوسو»، رغم إنه فركش مع البنت عشان خانته مع واحد اسمه عمر، وهو قلبه مجروح لكنه راح لأختها وقرر يقهرها.
لما بسمع الحكايات دي بدخل في حالة ضحك هستيرية.
بعد إللي شفتوه دا، هل الأطفال أحباب الله فعلًا؟ أنتو إيه رأيكم؟
+وهتعرفوا سبب غيبتي الطويلة بعد كام يوم. + وحشتوني حقيقي.✨
