النهارده كنت ماشية في الشارع فشفت باب زجاج كدا مفتوح طالع من محل صغير وعليه صورة زين مالك، الصورة كبيرة أوي وواخدة الباب كله.
الفضول أخدني قلت أشوف المصريين إيه تصورهم عن الفرقة، رحت قربت لقيت صورة نايل على المحل كمان، استغربت فقمت ضربت عيني في لافتة للمحل لقيته صالون حلاقة!
لقيت راجل كدا قاعد بيحلق زيرو تقريبًا، الحلاقة الزيرو دي بيكون الشعر خفيف جدًا، مش عارفة أوصفه بصراحة بس بيكون زي جز العشب كدا الشعر متساوي ومستوي.
قلت في نفسي الله يعين الراجل إللي بيحلق، داخل المحل مفكر نفسه هيبقى زين أو نايل إللي على المحل هيطلع يلاقي نفسه عادل شكل.
بس قلت بصوت واطي طبعًا عشان لو كان الراجل إللي بيحلق سمعني كان حلق لي زيه.😂
حتى كان في محل في مطروح، (مدينة ساحلية في مصر) حاطط صور ون دايركشن وهم في البداية خالص، لما كان شكلهم بريء ولابسين لبس كيوت.
على أساس بيقول الناس إنه عنده اللبس دا،
وتدخل المحل تلاقيه لبس بنات أصلًا. والله عيب.
بس شغل ماركتينج وتسويق عالي دا.
والعبرة من تدوينة اليوم متصدقوش أي محل حاطط صور أجانب، خاصة لو ما يعرفهمش.
أنت تقرأ
تدوينة
قصص عامةدعنا نُبرم عقدًا لا شروطَ جزائيةً فيه؛ لأن إمكانية فسخه مُحالة. ستكون مستمعًا حسنًا يشاركني كل هذه التفاصيل المملة دون ملل. ومُضيك قِدمًا نحو أول فصل هي إمضاؤك بالموافقة على جميع شروطي. -تحديثٌ شِبهُ يَوميِّ، فصوله تكتب بعد منتصف الليل. رقم واحد في...
