دعنا نُبرم عقدًا لا شروطَ جزائيةً فيه؛ لأن إمكانية فسخه مُحالة.
ستكون مستمعًا حسنًا يشاركني كل هذه التفاصيل المملة دون ملل.
ومُضيك قِدمًا نحو أول فصل هي إمضاؤك بالموافقة على جميع شروطي.
-تحديثٌ شِبهُ يَوميِّ، فصوله تكتب بعد منتصف الليل.
رقم واحد في...
طبعًا أنتو قريتوا عنوان الفصل من هنا وفكرتوا إني جاية أشتكي من صعوبة المادة وكثرة فروعها، لكن لا أنا مش جاية أعمل كدا دلوقتي، عشان بيني وبينكم أنا بعمله طول الوقت أصلًا😂
هحكي لكم حكاية طفولية ويرد كدا...
كالعادة في بداية أي سنة لازم بنحدد من المدرسين إللي هنحجز معاهم ونشوف مواعيدهم وأماكن تواجدهم ونظامهم وهكذا، وشيء زي دا بيكون صعب خصوصًا إنه في ناس مش بتكون أمينة في ترشيحاتها للمدرسين.
العبد لله المسكين اختار مدرس رياضيات أو ماث زي ما بدرسه وقرر خلاص إنه يروح له، ومجهزة نفسي إني أحجز والدنيا تمام.
بعدها قالوا لا مش هينفع ننزل المكان دا عشان المستر جدوله مليان والترم الجاي هيجي، وهو بيدي في أماكن بعيدة عني، وحاجة زي كدا مش هتنفع في الشتاء وضيق الوقت على أخر الترم، وأنا إنسان كسول صراحة. :(
فقولت أما أشوف حد غيره يكون قريب وشاطر في نفس الوقت، وعملت كدا بالفعل وخلاص ضبطت الدنيا وعدلت مواعيدي والدنيا تمام.
المهم وأنا قاعدة براجع افتكرت حاجة خطيرة...
من حوالي تلات سنوات كدا مدارس الإدارة التعليمية كلهم كانوا عاملين مسابقة للطلاب في المنهج إللي بندرسه، أسئلة صعبة شوية بنحلها بشكل جماعي والمدرسة الفائزة بتكون هي إللي جمعت أكبر عدد من الدرجات في المواد كلها، وبعدها بتتأهل عشان تمثل الإدارة دي على مستوى المحافظة.
أنا كنت واحدة من الناس إللي راحت مع مدرستي المسابقة دي، كنت قائد فريقي وكنا شغالين بشكل عالي جدًا، رحنا نشارك في المدرسة المنافسة لينا، وهم كلهم ثقة إنهم هيكسبونا لإنهم معروفين بمستواهم الجيد، خاصةً في الرياضيات.
لكن حدث ما لم يتوقعه أحد غيرنا😂، فزنا عليهم، وإللي زعلهم إننا تفوقنا عليهم في الرياضيات على ما أفتكر، إللي هي الحاجة إللي بيعولوا عليها.
جدير بالذكر إني كنت حالة نص الامتحان لوحدي خاصة فرع الهندسة، وبعد ما خلصنا وهم بيهنأونا دا اتذكر قدامهم.
المهم افتكرت إنه المدرس دا هو إللي بيدرسهم الرياضيات! وإللي غلبناهم دول طلابه، وأنا رايحة لهم في عقر دارهم!😂
مظنش إنهم ممكن يفتكروا حاجة زي كدا إلا لو عرفوا اسم مدرستي، ووقتها أنا هيتم تعليقي على مسطرة حرف الT، عارفينها؟ إللي هي في الصورة دي:
هتصلب بالأحرى😂
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
الموضوع مضحك جدًا ومقلق في نفس الوقت، ومعرفش إيه إللي خلاني افتكر فجأة إللي حصل، بس أنا خايف، لو اختفيت فجأة اعرفوا إنهم علقوني، واترحموا علي، بس قبلها ادعو ما يفتكروا من الأصل.
ولا تنسوا تطلعوا على روحي إكلير بالشوكولاتة عشان بحبه.😢
