Hiwaga

#22

"ပေါင်ပေါင်းကိုချစ်ဖို့ မွေးဖွားလာပါတယ်~~"

သီချင်းလေးဆိုပြီး ဗီရိုထဲက အဝတ်တွေကို ကုတင်ပေါ်တင်ကာအလုပ်များနေသူကတော့ နတ်သားလေးရိပေါ်ရဲ့ နှစ်ယောက်မရှိတဲ့ချစ်ရသူ ရှောင်ကျန့်ပင်။

"မာမားဟာ အားကြီး စိတ်ပုတ်ပါတယ်လေ~~"

စာသားနောက်တစ်မျိုးပြောင်းဆိုချိန်မှာတော့ မျက်နှာလေးကအနည်းငယ်စိတ်မကောင်းနေဟန်လေး ပေါက်လို့သွားသည်။

"ပါပါးဟာ သိရက်နဲ့ ဝင်မပါခဲ့ပါလေ~~"

ဒီတစ်ခါတစ်မျိုးပြောင်းသွားတဲ့စာသားကို ဆိုလို့အပြီးမှာတော့ ဗီရိုတံခါးကို ဂျိမ်းခနဲမြည်အောင်ပိတ်လိုက်ပြီး ခါးလေးထောက်ခါ နှာမှုတ်ပြီး မကျေနပ်ကြောင်းတွေ စတင်ပြသတော့သည်။

"ရှောင်း"

မ​ကျေနပ်တဲ့မျက်စောင်းလေးဟာ အပေါက်ဝမှာရပ်နေသူ နတ်သားလေးဆီသို့ဒိုင်းခနဲရောက်ရှိလို့သွားသည်။

"ရှောင်းရယ် စိတ်မဆိုးရဘူးလေ"

"ဒါကြီးကစိတ်မဆိုးသင့်ဘူးပေါ့လေ ဟုတ်လား"

အိပ်ရာပေါ်မှာတင်ထားတဲ့ လက်ဆွဲအိတ်နဲ့အတူ အခုလေးတင်မိမိကိုယ်တိုင်ရွေးထုတ်ပေးထားတဲ့ ရိပေါ်ရဲ့အင်္ကျီလေးစုံကို လက်ညိုးထိုးကာပြသည်။

"ရှောင်းမိဘတွေဆီကနေ အသိအမှတ်ပြုခံရဖို့သွားတာပဲလေရှောင်းရယ်"

"အဲ့တာ မားမားတမင်သက်သက်လုပ်တာ"

ဟုတ်သည်လေ သားမက်ကိုဆွေပြမျိုးပြခေါ်လာတုန်းကကျသဘောမတူဘဲနဲ့ သားမက်ကသူ့နည်းသူ့ဟန်နဲ့ မျက်နှာရအောင် ဆိုင်မှာရော ကျန်တာတွေရောအကုန်ကူလုပ်ပေးတော့ကျ သဘောတွေကျနေလိုက်တာများ။

အခုလဲ အပတ်စဥ္သောကြာနေ့ညနေတိုင်းချုံချင်းပြန်ပြီး ဆိုင်မှာလာကူပေးဖို့သဘောတူညီချက်ကြီးလုပ်ခဲ့တယ်တဲ့လေ။

ဘယ်မှာလဲ ရှောင်းရှောင်ကျန့်လေးအတွက်တရားမျှတမှု။

"ရှောင်းရယ် မောင်ကနှစ်ရက်လေးသွားတာပါ တနင်္ဂနွေညနေအရောက်ပြန်လာမှာလေ"