system 091

(1.1)Arc 1

Unicode

ရှောင်ကျန့်ဟာ နာကျင်နေတဲ့ခေါင်းနဲ့အတူမျက်လုံးဖွင့်ကြည့်လိုက်သည်။ သို့ပေမယ့် သူအရင်ဆုံး မြင်လိုက်ရတာက အလင်းရောင်အပြည့်ဖြင့်ပတ်ဝန်းကျင်ကိုမဟုတ်ပဲ နက်မှောင်သည့် အမှောင်ထုဖြစ်နေသည်။

ရှောင်ကျန့် : "....."

အမှောင်ထု??။ လာနောက်နေတာလား။ သူက မျက်မမြင်တော့မဟုတ်ပါဘူးနော်။

"ဟေ့....အုန်းသီး....ဒါဘယ်လိုဖြစ်တာလဲ..."

ရှောင်ကျန့် systemအုန်းသီးကိုစကားလှမ်းပြောလိုက်ပေမယ့်လည်း ထွက်လာတာက ဂီးဂီးဂါးဂါးဆိုတဲ့အသံတွေဖြစ်နေသည်။

ရှောင်ကျန့် : "....."

[အဟမ်း....စိတ်ထဲကနေ လှမ်းပြောလို့ရပါတယ် host....]

မဟုတ်ရင် တစ်ခြားသူတွေ သူ့ရဲ့အသစ်စက်စက် ​host ကို ​ေ*ာက်ရူးလို့ထင်နေကြအုံးမယ်။

'အစထဲကပြောလေ....အရေးကြီးဆုံးက အခုငါကဘာကြီးထဲ ရောက်နေတာလဲ...'

[ဟီး....ဘာကြီးလဲမဟုတ်ပါဘူး host ရဲ့....ဘာလေးလဲပါဗျ...hostကအခု မွေးကင်းစအမြှီးကိုးချောင်းမြေခွေးပေါက်လေးရဲ့ ခန္ဓာကိုယ်ထဲရောက်နေတာ....မွေးဖွားပြီးတာ မိနစ်ပိုင်းပဲရှိသေးတာကြောင့် ဘာမှမမြင်ရတာမထူးဆန်းပါဘူး....]

'မွေးကင်းစအရွယ် မြေခွေး??'

[ဟုတ်ပါတယ် host...]

ရုတ်တရတ်ကြီး စိုစွတ်ပြီးနူးညံ့တဲ့ရှည်မြောမြောအရာတစ်ခုက သူ့ရဲဲ့မြေခွေးပေါက်စခန္ဓာကိုယ်ကို ထိတွေ့လာသည်။ ရှောင်ကျန့်ခမျာထခုန်မတတ်လန့်ဖြန့်သွားရ၏။ ကံကောင်းစွာဖြင့် ရှောင်ကျန့်ဟာမွေးကင်းစအရွယ်ခန္ဓာကိုယ်လေးထဲကို ရောက်နေတာကြောင့် အနည်းငယ်တုန်တတ်သွားရုံက လွဲ၍ဘာမှတော့မဖြစ်သွားခဲ့ပေ။

'အုန်းသီး!...အဲ့တာဘာကြီးလဲ...'

[မူလပိုင်ရှင်ရဲ့မွေးအမေမြေခွေးပါ host....host ဆီကနေ ဂီးဂီးဂါးဂါးအသံတွေ ထွက်လာတာကြောင့်စိုးရိမ်ပြီး လျှာနဲ့လျက်ပေးနေတာပါ...]

ရှောင်ကျန့်အနည်းငယ် စိတ်အေးသွားသည်။

'ဒါနဲ့ မင်းငါ့ကိုဒီကမ္ဘာအကြောင်းပြောပြဖို့ အစီအစဥ်ရှိလား'