Unicode
"ဒီကောင်....ငါ့ကိုအရေးကြီးဧည့်သည်ရှိတယ်ပြောပြီးသူကိုယ်တိုင်ကျအရိပ်တောင်ရှာမရအောင်ပျောက်သွားတယ်....ကျစ်..."
အယ်ဗင်ဟာသူ့ဆံပင်တွေကိုဖွလိုက်ရင်းသူ့ရဲ့ချောမောတဲ့မျက်နှာမှာတင်းမာနေသည်။ဆိုဘတ်ကသူ့ကိုအရေးကြီးဧည့်သည်ရောက်လာကြောင်းလာပြောပြီးပြီးချင်းမှာပဲဘယ်ချောင်ပျောက်လို့ပျောက်သွားမှန်းတောင်မသိလိုက်ချေ။
ပြီးတော့ကြောင်တောင်တောင်ဖြင့်စံအိမ်ဘေးကတောင်ကုန်းလေးဆီမှာအနှီးဧည့်သည်ကစောင့်ဆိုင်းနေကြောင်းပြောသွားသေးသည်။
ဘယ်မအေဘေးဧည့်သည်ကများအဲ့ဒီနေရာမှာအိမ်ကြီးရှင်ကိုစောင့်ဆိုင်းဖို့တွေးမိသွားတာများလဲ။ဟမ်။သူ့ကိုယ်သူလျှို့ဝှက်ဆန်းကျယ်ချင်ယောင်ဆောင်နေရအောင်ရုပ်ရှင်ရိုက်နေတယ်များထင်နေတာလား။
အယ်ဗင်ကဒေါသတကြီးဖြင့်သူ့ဆံပင်သူဆောင့်ဆွဲလိုက်မိသည်။
စံအိမ်ဘေးကတောင်ကုန်းမှာအတော်လေးရှုခင်းလှသည်။စိမ်းစိုနေတဲ့မြက်ခင်းပြင်တွေရယ်။တောင်ကုန်းထိပ်ကစိမ်းလန်းအုံ့ဆိုင်းနေသည့်ဧရာမသစ်ပင်ကြီးရယ်ကြောင့်အယ်ဗင်အနေနဲ့တစ်ခါတစ်လေတော့ထိုနေရာတွင်လာရောက်အပန်းဖြေဖြစ်သည်။
"ငါ့ကိုအရေးကြီးဧည့်သည်ကဘယ်သူလဲဆိုတာတောင်ပြောမသွားဘူး....."
အယ်ဗင်ဟာစဥ်းစဥ်းစားစားဖြင့်အိမ်တော်ထိန်းဆိုဘတ်ကိုဒီလအတွက်သွေးအိတ်တွေလျှော့ပြစ်ရမည်ဟုတွေးလိုက်သည်။သူတောင်ကုန်းထိပ်သို့ရောက်သည့်အခါတွင်သစ်ပင်ကြီး၏အောက်ခြေ၌သူ့ကိုကျောပေးရင်းစောင့်ဆိုင်းနေဟန်ရသည့်အရပ်မြင့်မြင့်ကိုယ်ဟန်တစ်ခုကိုတွေ့လိုက်ရသည််။
အယ်ဗင်ကမျက်မှောင်တင်းတင်းကြုပ်လိုက်မိသည်။သူ့အသိမိတ်ဆွေတွေထဲမှာဒီလိုကျောပြင်နှင့်တူညီသည့်ပုံသဏ္ဍာန်မရှိပေ။
"ဘယ်သူလဲ...."
အယ်ဗင်၏တင်းမာအေးစက်သည့်အသံကိုကြားသည့်အခါတွင်ထိုသူကလှည့်ကြည့်လာ၏။လှပတဲ့အညိုရောင်မျက်ဝန်းပိုင်ရှင်အနှီးချောမောတဲ့သူဟာအယ်ဗင်ကိုမှင်သပ်စွာငေးကြည့်လာသည်။ထိုအခိုက်အတန့်လေးတွင်ညင်သာသောလေညှင်းတစ်ရပ်ဟာသူတို့နှစ်ဦးကြားဖြတ်တိုက်သွားသည်။
YOU ARE READING
system 091
Romancewang yibo 💞 xiao zhan [ကျေးဇူးပြုပြီးအုန်းသီးကိုလေးစားပါ] ^^^^^^^^^^^ ^^^^ [ေက်းဇူးျပဳၿပီးအုန္းသီးကိုေလးစားပါ]
