Unicode
ရှောင်ကျန့်၏မျက်ဝန်းလေးတွေမှာမှေးမှိတ်သွားရင်းလတ်ဆက်သည့်ပင်လယ်ရနံ့ကိုသဘောကျစွာရှုရှိုက်လိုက်သည်။
သူ့ရဲ့ခန္ဓာကိုယ်အစစ်မှာရေသူထီးတစ်ယောက်ဖြစ်တာကြောင့်သူ့ရဲ့မူရင်းဗီဇကိုကရေကြိုက်တတ်သည်။ရှောင်ကျန့်လည်း၎င်းဗီဇကိုဖျောက်ဖျက်မရပေ။
ရှောင်ကျန့်ကပင်လယ်စပ်နားတွင်တည်ရှိနေသောကျောက်ဆောင်တစ်ခုပေါ်သို့တတ်သွား၏။ကျန်လူလေးယောက်ကလည်းရှောင်ကျန့်အနောက်ကနေလိုက်တတ်လာသည်။
ရှောင်ကျန့်ဟာအတော်အတန်မြင့်မားသည့်ကျောက်ဆောင်ထက်ကနေတစ်ဆင့်ပင်လယ်ရေပြင်ကိုငုံ့ကြည့်လိုက်သည်။ပင်လယ်ရေမှာသိသိသာသာပြာလဲ့ပြီးကြည်လင်နေပေမယ့်ရှောင်ကျန့်ကတော့ပင်လယ်ရေထဲမှာရောနှောနေဲ့အနက်ရောင်ချီမျှင်သေးသေးလေးတွေကိုသတိထားမိသည်။
တကယ်ကိုသူထင်ထားတဲ့အတိုင်းပါပဲလား....
ရှောင်ကျန့်သူ့နှုတ်ခမ်းလေးတွေကိုကိုက်လိုက်မိသည်။
ရေနဂါးတစ်ဖြစ်လဲဗီလိန်ဖူလင်းရဲ့အချစ်ဆုံးသောသူငယ်ချင်း'လံုဖုချန်'.....
'လုံဖုချန်'ကဒီဇာတ်ကြောင်းတွင်အရေးကြီးနေရာ၌ပါဝင်သည်။မူလဇာတ်ကြောင်းအရဇာတ်လိုက်လဲ့ချင်းယန်ဟာဗီလိန်ဖူလင်းကိုရှင်းထုတ်ပြစ်ဖို့အတွက်မဖြစ်နိုင်သလောက်ကိုခက်ခဲခဲ့သည်။ထို့အတွက်ဗီလိန်ဖူလင်းရဲ့အတော်ကြာပျောက်ဆုံးနေတဲ့အချစ်ဆုံးသူငယ်ချင်းဖြစ်သူ'လံုဖုချန်'မှာအကောင်းဆုံးလက်နက်ဖြစ်လာသည်။
အမှန်တကယ်တွင်'လုံဖုချန်'တွင်မွေးကတည်းကဆန့်ကျင်ဘက်စိတ်ဝိဥာဥ်နှစ်မျိုးပါလာခဲ့သူဖြစ်သည်။စိတ်ဝိဥာဥ်တစ်ခုမှာဖြောင့်မတ်ပြီးရိုးသားသည့်အပြာရောင်ရေနဂါးဝိဥာဥ်ဖြစ်သည်။နောက်ထပ်စိတ်ဝိဥာဥ်တစ်ခုမှာဆိုးယုတ်မည်းညစ်ပြီးအတ္တကြီးကြမ်းကြုတ်သည့်အနက်ရောင်နဂါးဝိဥာဥ်ဖြစ်သည်။
အပြာရောင်နဂါးဝိဥာဥ်မှာအဓိကစိတ်ဝိဥာဥ်ဖြစ်ပြီးငယ်စဥ်ကတည်းကဆိုးယုတ်တဲ့အနက်ရောင်နဂါးဝိဥာဥ်ကိုဖိနှိပ်ထားခဲ့သည်။
YOU ARE READING
system 091
Romancewang yibo 💞 xiao zhan [ကျေးဇူးပြုပြီးအုန်းသီးကိုလေးစားပါ] ^^^^^^^^^^^ ^^^^ [ေက်းဇူးျပဳၿပီးအုန္းသီးကိုေလးစားပါ]
