Unicode
"ကိစ္စမရှိပါဘူး.....ခေါက်ဆွဲကြော်ကသာမန်လူစားတဲ့အစားအသောက်တစ်ခုပဲ....သာမန်မဟုတ်တာဘာမှမပါဘူး.....တကယ်လို့မင်းမစားချင်ရင်ငါ့မှာအစာပြေမုန့်တစ်ချို့ပါတယ်....."
ရှောင်ကျန့်မှာဇိုင်းကိုဖွဖွလေးပြုံးပြလိုက်ရင်းသူ့အရှေ့ကအစားအသောက်တွေကိုတစ်ခုမှမထိတော့ပေ။သူ့အနေနဲ့တစ်ခြားသူတွေကိုအမှန်တိုင်းသွားပြောရင်သူ့ကိုအရူးဇာတ်သွင်းသွားနိုင်သည်။သူပြောသည်အားမည်သူကယုံမည်နည်း။
ဘယ်လိုပဲဖြစ်ဖြစ်ဇိုင်းကဒီအစားအသောက်တွေမှာအန္တာရာယ်မရှိကြောင်းပြောထားတာကြောင့်အတော်လေးတော့စိတ်အေးရသည်။
ရှောင်ကျန့်ရဲ့တွန့်ဆုတ်နေသောအပြုအမူကိုသတိထားမိသွားသည့်ပိုင်မင်ကစားနေရင်းတန်းလန်းနှင့်ပင်မေးလာသည်။
"ရန်ဖန်း....မစားဘူးလား"
ရှောင်ကျန့်ကသူ့လက်ထဲကမပါမဖြစ်စာအုပ်လေးထဲ၌စကားလုံးတစ်ချို့အားရေးလိုက်ရင်းပိုင်မင်တို့ဘက်စာအုပ်လေးထောင်ပြလိုက်သည်။
""'ငါရင်နည်းနည်းပြည့်ချင်နေလို့""'
"ကားထဲကငါ့အိတ်ထဲမှာအစာကြေဆေးဘူးပါတယ်.....ငါသွားယူပေးမယ်လေ...."
စကားနည်းသည့်ဝေဝေကဝင်ရောက်ဆိုလာသည်။
ရှောင်ကျန့်မှာချက်ချင်းထယူတော့မည့်ဟန်ဖြင့်ဝေဝေအားမနည်းဆွဲထားလိုက်ရ၏။သူ့မှာဘာမှသိပ်ထွေထွေထူးထူးဖြစ်တာမဟုတ်ကြောင်းအတော်လေးရှင်းပြလိုက်ရသေးသည်။
ကျောင်းသား၊ကျောင်းသူတိုင်းကပျော်ရွှင်စွာစားသောက်နေကြသည်။၎င်းနှင့်ဆန့်ကျင်စွာရှောင်ကျန့်ဟာတော့ပြတင်းပေါက်ကနေတစ်ဆင့်အပြင်ဘက်ရှိညှို့မှိုင်းနေသည့်ကောင်းကင်ကြီးကိုသာနားလည်ရခက်သောမျက်ဝန်းနက်လေးတွေဖြင့်စိုက်ကြည့်နေသည်။
စားသောက်ပြီးစီးသွားသည်နှင့်ဆရာမင်ဟာကျောင်းသားတွေကိုကြည့်ကာအသံကျယ်ကျယ်ဖြင့်မေးမြန်းလိုက်သည်။
"ကျောင်းသားတွေ.....စားပြီးသောက်ပြီးသွားကြပြီလား"
"ဟုတ်...."
YOU ARE READING
system 091
Romancewang yibo 💞 xiao zhan [ကျေးဇူးပြုပြီးအုန်းသီးကိုလေးစားပါ] ^^^^^^^^^^^ ^^^^ [ေက်းဇူးျပဳၿပီးအုန္းသီးကိုေလးစားပါ]
