Unicode
"ကွမ်ကျိုးကရှု့ခင်းတွေက တကယ်လှတာလား"
"အင်း....ကိုယ်တစ်ခါမှတော့မရောက်ဖူးပေမယ့် ညီလာခံကအမတ်တွေအမြဲတမ်းပြောပြောနေတာကြားဖူးတယ်....ကွမ်ကျိုးရဲ့ ညဘက် ကောင်းကင်ပေါ်ကရှု့ခင်းကအရမ်းလှတယ်တဲ့....ချစ်သူတွေအတူတူကြည့်ဖို့အတွက်အသင့်တော်ဆုံးလို့လည်း ပြောတယ်...."
"ဒါဆိုကောင်းတာပေါ့...."
"အင်း....ပြီးတော့ကွမ်ကျိုးက ညဈေး ကခရီးသွားတွေအများကြီးကိုဆွဲဆောင်နိုင်တယ်လို့လည်းပြောကြတယ်...."
"ခင်ဗျားကစီစဥ်တတ်လိုက်တာ"
"ဒီ....ဒီလိုပါပဲ....အဟမ်း"
ဝမ်ရိပေါ်၏မျက်နှာချောချောမှာအနည်းငယ်နီရဲတတ်လာပြီးကျေနပ်စွာချောင်းဟမ့်လိုက်သည်။အခုသူတို့နှစ်ယောက်ဟာ သာမန်ခရီးသွားမြင်းလှည်းတစ်ခုထဲမှာဖြစ်ပြီး ဟန်းနီးမွန်းအတွက်လည်ပတ်လို့ကောင်းမည့်နေရာကို ရိပေါ်ကကြိုးစားပမ်းစားရှာဖွေထားသည်။
နိုင်ငံရေးကိစ္စအရပ်ရပ်တွေကိုတော့......အမတ်တွေကငတုံးမှမဟုတ်တာ။နှစ်ရက်သုံးရက်လောက်တော့ ဧကရာဇ်မင်းမရှိလဲ ကိုင်တွယ်ဖြေရှင်းနိုင်သင့်တယ်။
မြို့တော်မှာကျန်ရစ်ခဲ့သည့်အမတ်အပေါင်းမှာတော့ ငိုကြီးချက်မဖြင့် ရင်ထုမနာဖြစ်နေကြရရှာသည်။ဧကရာဇ်အရှင်က ပြဿနာအားလုံးကို ဝှီးကနဲဆိုပြီးသူတို့ခေါင်းပေါ် ပြစ်တင်၍ အသစ်စက်စက်ဧကရီလေးနှင့်အတူ ပျော်ပျော်ရွှင်ရွှင်ခရီးထွက်သွားသည်တဲ့လေ။
အော်.....အရမ်းတွေတရားကျဖို့ကောင်းပါလား။
ရှောင်ကျန့်ကယခုအချိန်တွင်သူ့ရဲ့မူရင်းယောက်ျားလေး သဏ္ဍာန်ကိုသာဖော်ပြထားသည်။ ဒီလိုအခြေအနေမျိုး၌ မိန်းကလေးတစ်ယောက်လိုရှုပ်ရှုပ်ခတ်ခတ်ဝတ်စားပြီး သွားလာချင်စိတ်မရှိပါချေ။
အခုကသူနဲ့သူ့ယောက်ျားတို့နှစ်ယောက်၏ ဟန်းနီးမွန်းခရီးစဥ်ဖြစ်တာကြောင့် မည်သည့်အစောင့်ရဲမက်ကိုမှခေါ်မလာခဲ့ပေ။မြို့တော်က အမတ်မင်းတွေတောင်မှ ဧကရာဇ်နှင့်ဧကရီမှာ မည်သည့်နေရာကိုဦးတည်နေမှန်းမသိကြတာကြောင့်အတော်လေးအခက်တွေ့ရင်း ကျန်ရစ်ခဲ့ကြသည်မဟုတ်ပါလား။
YOU ARE READING
system 091
Romancewang yibo 💞 xiao zhan [ကျေးဇူးပြုပြီးအုန်းသီးကိုလေးစားပါ] ^^^^^^^^^^^ ^^^^ [ေက်းဇူးျပဳၿပီးအုန္းသီးကိုေလးစားပါ]
