Unicode
ညအချိန်တွင်တစ်လောကလုံးတိတ်ဆိတ်ငြိမ်သက်နေသလိုအခန်းထဲတွင်နှစ်နှစ်ခြိုက်ခြိုက်အိပ်ပျော်နေသည့်အသက်ရှုသံတစ်ချို့တလေသာသိသိသာသာထွက်ပေါ်နေသည်။
ရှပ်...ရှပ်.....
အခန်းပြင်ရှိကော်ရစ်တာတွင်ခြေသံတစ်ရှပ်ရှပ်မှာကျယ်လောင်စွာထွက်ပေါ်လာသည်။
လူတိုင်းဟာနှစ်ခြိုက်စွာအိပ်မောကျနေကြပြီး၎င်းခြေသံအားမည်သူမှသတိမထားမိကြချေ။ချင်းထန်ကအရမ်းအအိပ်မက်သည်။သို့ပေမယ့်ထူးဆန်းစွာပင်ယခုလိုညသန်းခေါင်အချိန်၌ထိုခြေသံကြောင့်မျက်မှောင်ကြုတ်ရင်းမျက်လုံးဖွင့်လာသည်။
ဘာသံလဲဟ.....
ချင်းထန်ဟာသူ့ခေါင်းကိုကုတ်လိုက်ရင်းပတ်ဝန်းကျင်ကိုအကဲခတ်ကြည့်လိုက်သည့်အခါတွင်လူတိုင်းကနှစ်နှစ်ခြိုက်ခြိုက်အိပ်မောကျနေကြပြီးသူတစ်ယောက်တည်းသာကွက်ပြီးနိုးနေခြင်းဖြစ်ကြောင်းတွေ့လိုက်ရသည်။
တိတ်ဆိတ်ငြိမ်သက်နေသည့်ပတ်ဝန်းကျင်၌ကျယ်လောင်ထင်ရှားသည့်ခြေသံမှာထပ်မံထွက်ပေါ်လာသည်။
ရှပ်....ရှပ်.....
"ဘယ်သူလဲ"
တိတ်ဆိတ်နေသည်။
ချင်းထန်ဟာမျက်မှောင်ကြုတ်လိုက်ပြန်ရင်းကုတင်ထက်မှဆင်းကာတံခါးနားသို့သွားသည်။အခန်းတံခါးအားဖွင့်လိုက်သည်နှင့်ပုံမှန်ထက်ပိုမိုမှောင်မဲနေသည့်ကော်ရစ်တာကြီးကသူ့ကိုစီးကြိုသည်။
ချင်းထန်ကဘယ်ညာကြည့်ပေမယ့်လူနှင့်တူသောတစ်စုံတစ်ယောက်မှရှိမနေခဲ့ချေ။
ရုတ်တရတ်ကော်ရစ်တာလမ်းဆုံးတစ်နေရာတွင်အလင်းရောင်တစ်ချက်လက်ကနဲဖြစ်သွားသည်အားသေသေချာချာမြင်တွေ့လိုက်ရသည်။
"အဲ့မှာဘယ်သူလဲ"
ချင်းထန်ဟာသိချင်စိတ်ဖြင့်အခန်းထဲမှ၎င်းနေရာသို့လျှောက်သွားသည်။
တစ်ဖက်တွင်ရှောင်ကျန့်၏ကုတင်ပေါ်ရှိဇာမဏီသဏ္ဍာန်အစိမ်းရောင်မျက်ဝန်းတစ်စုံမှာမျက်လွှာပင့်ရင်းချင်းထန်ထွက်ခွာသွားရာတံခါးဆီသို့တစ်ချက်မျှစိုက်ကြည့်လာသည်။
YOU ARE READING
system 091
Romancewang yibo 💞 xiao zhan [ကျေးဇူးပြုပြီးအုန်းသီးကိုလေးစားပါ] ^^^^^^^^^^^ ^^^^ [ေက်းဇူးျပဳၿပီးအုန္းသီးကိုေလးစားပါ]
