After Being Turned Into a Dog [Translation - U+Z]

12. We Can't Tell that We Can't Tell

၁၂. ပြောပြလို့မရတာကို မပြောပြနိုင်ဘူး။

လင်းရုန်ရဲ့အမေးကို နင်ယွဲ့က ခေါင်းညိတ်ပြီး ဖြေတယ်။

လင်းရုန်က ခွေးလေးရဲ့ခေါင်းကိုပွတ်ပြီး တိုးတိုးပြောတယ်။

" သူနဲ့ ယန်... နင်ယန်က စရိုက်အရမ်းကွာတယ်"

"....." နင်ယွဲ့ : " နင်ယန်ရဲ့ စရိုက်နဲ့ပတ်သက်ပြီး မင်း အထင်မှားနေတာလားလို့? "

လင်းရုန် ဇဝေဇဝါ ဖြစ်သွားတယ်။ နင်ယွဲ့က ဆက်ပြောဖို့ ပြင်တာမို့ ခွေးလေးက စိတ်ဆိုးမာန်ဆိုး ဟောင်တယ်။

နင်ယန် : " ဝုတ်...ဝုတ်.. ဝုတ်...ဝုတ်... ဝုတ်!"

အညာအတာမဲ့စွာနဲ့ နင်ယွဲ့ : " ခွေးတွေက သခင်တွေအတိုင်း လိုက်တုပြီးနေကြတာ"

ဒီကလေးက အပြင်ပန်းပဲ လှတာ။

"....." လင်းရုန် အတွေးထဲနစ်မြောသွားတယ်။

စိတ်တိုလွန်းတဲ့ နင်ယန်ဟာ လင်းရုန်ခြေထောက်ကို ပတ်ပတ်လည် ဝိုက်ပြီး အသံသေးအသံကြောင်နဲ့ အီတယ်။ လင်းရုန်က သူ့ခေါင်းကို ခပ်ဖွဖွပုတ်တယ်။ နင်ယန် အသံတိတ်သွားတယ်။ ဒါပေမဲ့ သူ့မျက်နှာက စူပုတ်ပုတ်ရယ်။

နင်ယွဲ့ : "......."

လင်းရုန် သူ့ကို လေ့ကျင့်ပေးပြီးပြီလား?

နင်ယွဲ့ကိုကြည့်ရတာ တမင် ဟန်လုပ်ပုံမပေါက်ဘူး။ ကျီရှောင်း ဖုန်းဆက်တုန်းကပြောတော့ နင်ယွဲ့က အဆောတလျင်လိုပါတယ်တဲ့၊ အခုကျ သူ့ရှေ့ကလူက သခွားသီးထက်တောင် အေးတိအေးစက်နိုင်သေးတယ်။

လင်းရုန် တစ်ခုခုကို မတင်မကျ ခံစားမိတယ်။ မနေ့က ကျီရှောင်းနဲ့တွေ့တာကအစ အခု နင်ယွဲ့နဲ့ တွေ့ရတာအဆုံးကိုပေါ့။

နင်ယွဲ့ ပြောလာတဲ့ပေါ်မူတည်ပြီး သူ့ရဲ့ မတင်မကျဖြစ်မှုတွေ ပျောက်နိုင်ကောင်းပါရဲ့။

ဒါကြောင့် သူ ဖြေရှင်းချက်တွေ နားထောင်ဖို့ ပြင်ဆင်လာခဲ့တယ်။

သေချာပေါက် သူ့ရဲ့ပူးပေါင်းဆောင်ရွက်မှုက နင်ယန် ကြောင့်ပဲပေါ့။

ဒီကိစ္စမှာ သူရယ်၊ နင်ယွဲ့နဲ့ ကျီရှောင်းရယ်က သဘောတူညီမှုယူဖို့ တွေ့ဆုံကြတာပါ။