၁၃. (လိင်စိတ်ခံယူချက်နဲ့ ပတ်သက်ပြီး) မိမိကိုယ်ကို ဆန်းစစ်ခြင်းကာလ။
နင်ယွဲ့ အိမ်ပြန်ပြီး 'ရန်သူတော်' ရဲ့ အဓိပ္ပာယ်ဖွင့်ဆိုချက်ကို အဘိဓာန်စာအုပ်ထဲ ရှာလိုက်ချင်တယ်။ ပြီးရင်တော့ အဲ့အဓိပ္ပာယ်ရှင်းလင်းချက်နဲ့ နင်ယန် မျက်နှာကို ပစ်ပေါက်ပေးလိုက်မယ်။
နင်ယွဲ့တစ်ယောက် နဖူးပေါ် လက်ဝါးအုပ်လျက်သား ကျီရှောင်းအိမ်ကနေ ခပ်သုတ်သုတ် ပြန်သွားတယ်။
လင်းရုန် မေးစရာကျန်သေးပေမဲ့ တစ်ဖက်လူက သုတ်ချီတင် ထွက်သွားပြီမို့၊ သူ့မှာ ပြန်မသွားဖို့ကို လက်ဆန့်ပြီး တားရင်းသာ ကျန်ရစ်ခဲ့တယ်။ [1]
".........."
အပြန်လမ်းတစ်လျှောက်လုံး လင်းရုန် တစ်ခုခုကို လေးလေးနက်နက် တွေးလာတယ်။
အိမ်ပြန်ရောက်လို့ တံခါးပိတ်ပြီးတဲ့အချိန်မှ သူ နင်ယန်ကို တိုးတိုးပြောတယ်။
" ယန်ယန်လည်း ယောက်ျားလေးတွေကို ကြိုက်တာလား? "
နင်ယန် ထခုန်ပြီး တစ်ဖက်လူကို အထိတ်တလန့် လည်ပြန်ကြည့်တယ်။
လင်းရုန်က တစ်ယောက်ယောက်ကို ရင်ဖွင့်ချင်ပုံရတယ်။ သူ နင်ယန်ကို စိတ်ရှုပ်ထွေးတဲ့ အမူအရာနဲ့ကြည့်တယ်။ ပြီးမှ ဩရှရှအသံနဲ့ :
" နင်ယွဲ့ အဲ့လိုပြောတယ်ဆိုတာ သူ ဟေးချုံရှင်းရဲ့မွေးနေ့မှာ လုပ်မဲ့ 'အစီအစဉ်'ကို ကြိုသိထားတဲ့ သဘောပဲ။ ပြီးတော့ ငါ ယန်ယန့်ကို ကြိုက်တာလည်း သူသိတယ်"
" ဒါသာ လိင်စိတ်တိမ်းညွှတ်မှုနဲ့ ဆက်စပ်တယ်ဆိုရင်... မေးစရာပေါ်လာပြီ။ ဘာလို့လဲဆိုတော့ 'ယန်ယန် က လိင်တူစိတ်မ၀င်စားဘူး' လို့ နင်ယွဲ့ ငြင်းခဲ့သင့်တာ။ လွန်ခဲ့တဲ့ နှစ်နှစ်က ယန်ယန်ကိုယ်တိုင် ငါ့ကိုပြောသလိုပေါ့။
ဒါပေမဲ့ 'ယန်ယန်က ဟေးချုံရှင်းကို စိတ်မ၀င်စားဘူး' လို့ပဲ သူပြောလာတယ်"
အဖြေနှစ်ခုက ကွဲပြားတဲ့ အဓိပ္ပာယ်ကိုယ်စီနဲ့။
နင်ယန် : "....."
မင်းက ဒီလိုကြီး ကောက်ချက်ချလိုက်တယ်? ငါ... ငါတောင် အဲ့လိုမတွေးမိဘူး။
YOU ARE READING
After Being Turned Into a Dog [Translation - U+Z]
RomanceMC က ခွေးတစ်ကောင်အဖြစ် ပြောင်းသွားပြီးတဲ့နောက် သူ့ပြိုင်ဘက် ML ရဲ့အိမ်မှာ လိုက်နေရတယ်။ MC က ေခြးတစ္ေကာင္အျဖစ္ ေျပာင္းသြားၿပီးတဲ့ေနာက္ သူ႔ၿပိဳင္ဘက္ ML ရဲ့အိမ္မွာ လိုက္ေနရတယ္။ [After all of the Unicode parts, there are also Zawgyi parts.] Full credi...