After Being Turned Into a Dog [Translation - U+Z]

49. Thirty-four Likes

၄၉. လိုက်ခ် သုံးဆယ့်လေး ခု။

နင်ယန် Weibo မှာ ခွေးမျက်နှာပုံ တင်အပြီး ဆယ်မိနစ်အကြာ__

တင်းတောင် ! တင်းတောင် ! တင်း__

လူခေါ်ဘဲလ်က အဆက်မပြတ် မြည်လာတယ်။

နင်ယန် ထောင့်တစ်ထောင့်မှာ ကပ်ပြီး အပြင်ဘက် ချောင်းကြည့်လိုက်တယ်။ လင်းရုန်က တံခါးသွားဖွင့်ပေးတယ်။ တံခါးဖွင့်ဖွင့်ချင်း နင်ယွဲ့က မျက်နှာတည်နဲ့ အထဲ၀င်လာတယ်။ ပတ်၀န်းကျင်ကို စေ့စေ့စပ်စပ်ကြည့်လို့ ပစ်မှတ်ကို တွေ့တာနဲ့ နင်ယန်ဆီ တန်းသွားတယ်။

နင်ယန် : ( အူလိုက် )

ကိုကြီး... ဘာလုပ်မလို့လဲ ? !

" အကိုကြီး ! "

လင်းရုန် နင်ယွဲ့ရှေ့ အမြန်ကာရပ်ပြီး သတိနဲ့ ရှင်းပြလိုက်တယ်။

" ယန်ယန် အကောင့်မှားသွားတာပါ"

" အကောင့်မှားသွားတာ ? "

နင်ယွဲ့လေသံက ရေခဲပျော်ကျတဲ့အလား အေးစက်လွန်းနေတယ်။

" သူ အဲ့ခွေးမျက်နှာကြီး တင်တာကရော ဘာအဓိပ္ပာယ်လဲ ? ဒါလည်း အကောင့်မှားတာပဲလား ? "

သူ လင်းရုန်ကို တွန်းဖယ်ပြီး ရှေ့ဆက်သွားဖို့ လုပ်တယ် !

"........" လင်းရုန်က သူ့ကို ပြန်ပိတ်ရပ်ပြီး တည်တည်ငြိမ်ငြိမ် ပြောတယ်။

" ကိုကြီး၊ ကျေးဇူးပြုပြီး ယန်ယန့်ဖင် မရိုက်ပါနဲ့ "

နင်ယန် : " အာဝူးးးးးးး ! "

နင်ယွဲ့ က ခပ်တည်တည် ဆိုတယ် : " ဘာလို့လဲ၊ မင်း မရိုက်ဖူးလို့လား ? "

လင်းရုန် : "........."

ဒါကတော့ မေးခွန်းသတ်တာပဲ။

နင်ယွဲ့က ရှေ့ဆက်သွားဖို့ လုပ်ပြန်တယ်။ ဒီတစ်ခေါက်မှာ နင်ယန်ကအရင် လက်ဦးမှုယူပြီး လင်းရုန်ဆီ ပြေးလို့ပစ်၀င်တယ်။ လင်းရုန်က ချက်ချင်း ထိုင်ချပြီး ခွေးလေးကို ချီလိုက်တယ်။ နင်ယန်ရဲ့တင်ပါးလုံးလုံးတွေကို လုံအောင် ဖုံးတယ်။

နင်ယွဲ့ ခြေလှမ်းတွေ ရပ်သွားတယ်။ သူ အသက်ပြင်းပြင်း ရှူသွင်းတယ်။ နှစ်ယောက်လုံးကို အေးစက်စက် ကြည့်ပြီး ပြောတယ်။