၁၅. အရိုင်းတုံးလေး နင်ယန် ပေါ်လာပြီ။
'ဝေ့ကျိုးနန်' ဖုန်းချပြီးပြီးချင်း သူ့ဘေးကခုံမှာ လူတစ်ယောက် ၀င်ထိုင်တယ်။ အဲ့လူက အနုပညာရှင်တစ်ယောက်ရဲ့သားဖြစ်ပြီး ကောလိပ်ကနေ ဘွဲ့ရ,ထားတာ မကြာသေးဘူး။ အနုပညာလောကထဲ၀င်ချင်စိတ်မရှိလို့ မိခင်ဖြစ်သူရဲ့ကုမ္ပဏီမှာ စီမံခန့်ခွဲရေးပိုင်းတွေ သင်ယူနေတဲ့သူတစ်ယောက်လည်း ဖြစ်တယ်။
ကာရာအိုကေမှာ သူ့အလှည့်ဆိုပြီးသွားတော့ ဘီယာတစ်ငုံ မော့သောက်ပြီး ဝေ့ကျိုးနန်ကို မေးတယ်။
" တစ်ယောက်ယောက်လာမှာလား? ဘယ်သူလဲ? "
ကလပ်ထဲမှာ လူများများစားစားမရှိဘူး။ ရှိတဲ့သူတွေကလည်း အသိုင်းအ၀ိုင်းတစ်ခုထဲကပဲ။ ဆိုတော့ သူတို့ရဲ့ပျော်စရာအချိန်တွေကို သူစိမ်းလူတွေကြောင့် မပျက်စီးစေချင်ကြဘူး။
ဝေ့ကျိုးနန်လည်း ဒီအချက်ကိုသိပြီးဖြစ်တာမို့ အနုပညာရှင်ရဲ့သားက လူမှုရေးအရ မေးလိုက်တာပါ။
ဝေ့ကျိုးနန်က သူ့လက်ကိုရမ်းပြီး : " ကျွန်တော့် 'နင်-ကော' လေ"
အနုပညာရှင်ရဲ့သားက သူ့ကို အံ့အားတသင့်ကြည့်ရင်း ပြောတယ်။
" မင်းပြောတော့ သူ အိမ်မှာနားနေတယ်ဆို၊ ဖုန်းလည်းပိတ်ထားတယ် မဟုတ်ဘူးလား? အဆက်အသွယ်ပြန်ရပြီပေါ့? "
" ဟုတ်တယ်၊ ကျွန်တော့်ရဲ့ 'နင် - ကော' နဲ့ တစ်ခေါက်တွေ့ရဖို့အရေး တော်တော်မလွယ်ဘူးဗျ ! "
ဝေ့ကျိုးနန်က သနားစရာလေသံနဲ့ ပြောတယ်။
အနုပညာရှင်ရဲ့သားက သူပြောတာနားထောင်ပြီး သေမတတ် ရယ်တယ်။ ပြီးတော့ တစ်ခုခုကိုသတိရပြီး သူ့မျက်နှာမည်းပုတ်သွားတယ်။ အသံနှိမ့်ရင်း ပြောလိုက်တယ်။
" နေဦး... ငါကြားတာ လောင် 'လင်း' က ဟေးချုံရှင်းကို ခေါ်ထားတယ်တဲ့။ အဆင်ပြေပါ့မလား? "
ဝေ့ကျိုးနန်တစ်ယောက် သောက်နေတဲ့ဘီယာတောင် သီးသွားတယ်။ သူ့နှုတ်ခမ်းတစ်ဝိုက်သုတ်ပြီး မျက်လုံးပြူး မျက်ဆန်ပြာနဲ့ ပြောတယ်။
YOU ARE READING
After Being Turned Into a Dog [Translation - U+Z]
RomanceMC က ခွေးတစ်ကောင်အဖြစ် ပြောင်းသွားပြီးတဲ့နောက် သူ့ပြိုင်ဘက် ML ရဲ့အိမ်မှာ လိုက်နေရတယ်။ MC က ေခြးတစ္ေကာင္အျဖစ္ ေျပာင္းသြားၿပီးတဲ့ေနာက္ သူ႔ၿပိဳင္ဘက္ ML ရဲ့အိမ္မွာ လိုက္ေနရတယ္။ [After all of the Unicode parts, there are also Zawgyi parts.] Full credi...