One Shot of Yesterday's Candlelight

Chapter 8: Behind Valerie's Massacre (Past: Part 3)

*Continuation of flashback*

Sniper

Kasalukuyan kaming nasa Affogato Ancient Forest para sa plano na aming isasagawa mamayang gabi. Naging usap-usapan ang celebration ng paaralang Aristocratic State University na gaganapin mamayang gabi sa plaza ng Cappucino. Mas mapapabilis ang aming pagpatay, lalo na't hindi ito napapaligiran ng mga guards at kapulisan na magiging balakid sa aming plano na paghihiganti.

Pinaka perfect na araw para pumatay.

"Kayo na ang bahala kung anong baril ang sa tingin niyo ay mapupuruhan nang husto ang tinatarget niyong patayin. Huwag na huwag kayong magpapakita sa akin, hangga't hindi ako nakakakita ng mga mata na nagmula sa mga demonyong magdidiwang mamayang gabi."

Natahimik kaming lahat sa biglaang pagsasalita ni master.

Naalala ko pa noong pinanood namin ang video habang unti-unting pinapatay at binababoy ang kanyang asawa. Nahuli niya kaming pinapanood ito, kaya naman nakatanggap kami ng tig isang daang latigo mula sa kanya. Ayaw na ayaw niyang nababanggit ang pangalan ng asawa niya.

Valerie Veles.

Makikita sa video na masayang nagtuturo si Mrs. Veles sa mga estudyante niyang may masama pa lang binabalak sa araw na yun. Lahat ng mga estudyanteng nasa loob ng silid na iyon ay may kanya-kanyang hawak na siyang gagamitin nila sa guro. Barena, balisong, kutsilyo,baril, at iba pang mga bagay na kayang makapatay ng isang tao.

"Ma'am! Birthday niyo raw po ngayon?" tanong ng isang estudyanteng may hawak na plies.

"Kung 'wag ka na kaya magturo ngayon, ma'am? For us to celebrate it!" sabat ng isang estudyante na may hawak na camera.

"Don't stress yourself out, ma'am."

"Actually, we have a surprise for you later ma'am!" ngisi ng estudyanteng may matinding galit sa guro, dahil minsan na siyang napalabas nito.

"We will promise to make your birthday memorable for you-- for us!" tugon ng isang babaeng tuwang-tuwa na naglalagay ng bala sa kanyang baril.

"Ang sweet niyo naman mga anak. Binola niyo pa ako para hindi na ako magturo, ha? Alam na alam niyo talaga ang kahinaan ko!" mababakas ang saya ng guro habang nakikipagtawanan siya sa mga estudyante niya na tinuring na rin niyang anak.

Sinarado ni Mrs. Veles ang pintuan at kinuha ang mga pagkain na niluto niya para sa pinakamamahal niyang mga estudyante. Tulong-tulong nilang pinagdikit ang mga lamesa upang mailagay dito ang mga handa na mamaya'y mababahiran ng sarili niyang dugo.

"I-celebrate na rin natin ang successful na panganganak ko kay Pyong na bunso ko at ang nalalapit na pagtatapos ng panganay kong anak na si Akuji! I'm sure that my birthday this year will be the most happiest birthday in my life. Let's eat!" napapalakpak ang guro at napaluha sa labis na kasiyahan.

Isa-isang niyakap ng mga estudyante ang kanilang guro at nginitian siya.

"Let the program begins!" sabay-sabay na sambit ng mga estudyante.

Kasabay nang pagsisimula nilang kumain, ay siya rin simula nang pagpatay nila sa kalunos-lunos na guro.

Tinanggalan ng isang mata at pinagpasa-pasahan hanggang tuluyan na itong malusaw.

Kinalbo ang kanyang buhok at binarena ang noo, walang pakialam sa pagmamakaawa ng guro.

Salit-salit na binaboy ng mga kalalakihan sa loob ng silid.