البارت 10
نور الصعيد
جمع الجد الجميع وأخبرهم عن زفاف أسد ونور ليسأل جاسر بأندهاش
- نور مين يا جدي
= نور بنت عمك عزام الزايد
تحدث والد جاسر الابن الاكبر لزايد
- مستحيل دا يحصل ...
= أنا خلاص قررت ومفيش رجوع في كلامي واللي قولته هيتنفذ غصب عن الكل ، حتي لو نور واسد نفسهم مش موافقين ....
- أحنا مش متأكدين أن نور تبقا بنت عزام ، يمكن هو عمل كدا عشان يعرف يدخل وسطينا تاني ...
= بس أنا متأكد انها بنت عزام ابني ....
تحدثت والدة أسد بعتراض
- بس ياعمي مستحيل أبني الكبير يتجوز بالطريقه دي من بنت منعرفش عنها حاجه ولا حتي شافها إلا كام مره بس من ساعت ما جت هنا ....
= خلاص خلصتوا كل واحد قال اللي عنده...
أشار بيده ليدخل رفعت المحامي اولاً ومن خلفه عزام وفريده تمسك بزراعه ، وقف الجميع بذهول وخاصة كرم وعبد الحميد الذين يرون أخوهم مره آخري بعد كل هذه السنوات ، أمرهم الجد بالترحيب علي أخوهم الغائب مُنذ اعوام ، جلس الجميع وبدأ الجد في الحديث
- قبل ماتيجي يا عزام كنت بتكلم عن موضوع يخص بنتك ، أنا قررت أن أسد ابن أخوك كرم هيتجوز بنتك
= أنا مش موافق علي الكلام دا ، أنا هاخد بنتي ونرجع
- أسمعوا كلكم سواء وفقتم أو لا أسد هيتجوز نور ومافيش رجوع القاهره لاي حد فيكم غير بعد الفرح ما يتم ....
= أنا عايز أشوف بنتي
أمر الجد ثريا بأخذهم لغرفة أبنتهم أسرع الاب والام يحتضنون صغيرتهم باشتياق وخوف وتبادل الحديث بينهم لتشعر هي بشئ ما يحدث
- في أي مالكم ..
= جدك عايز يجوزك ..
- يجوزني ازاي يعني دا مش ممكن يكون أبداً ، بابا لازم نرجع القاهره ودلوقتي
* بنتك عندها حق مينفعش أبوك يتحكم فينا بالطريقه دي أبداً ، مستحيل اوافق أن بنتي تتجوز اللي أسمه أسد دا ....
- أسد !!!!!
بينما أسد في المزراعه مع حصانه الخاص به الذي يلجاء له عندما يكون حزينا أو غضبان ويسميه أسد أيضا علي أسمه ، ركب حصانه وركض بسرعه كبيره ليخفف من غضبه حتي هدء قليلاً و عاد الحصان مره آخري إلي الاسطبل ليخبره الغفير أن جده أتصل به أكثر من مره ويريده في المنزا حالا
في غرفة الزايد سمع زايد طرق علي الباب فسمح لمن بالخارج بالدخول كانت تلك نور ويبدو علي وجهها الغضب ....
- تعالي
= ممكن تفهمني حضرتك ازاي تاخد قرار يخص حياتي بالطريقه دي وبالشكل دا ....
- أنا عايز مصلحتك وصدقيني أنا بعمل كل دا لمصلحتك وبكره هتفهمي ....
= أنا عارفه مصلحتي كويس ، ومصلحتي اني أرجع القاهره لجمعتي وبيتي وأعيش مع بابا وماما زي ما كنا عايشين ، أعتبر انك ملقتناش ، انت أصلاً مكنتش بدور علينا وكمان أقنعت الناس ان بابا ميت يبقي ازاي دلوقتي بتقول انك عايز مصلحتي ....
- لو عايزه فعلاً ترجعي القاهره وتكملي جمعتك لازم توافقي علي كلامي .....
= ولو قولت لا...
- أنا معنديش حاجه أسمها لا الجوازه هتم بس بدل مايكون بمزاجك وترجعي مع أسد القاهره وتكملي جمعتك هيكون غصب عنك وهتفضلي هنا قدام عيني ومش هترجعي القاهره تاني ابداً ......
= يعني ايه ....
- يعني الجوازه دي هتم هتم ، بس ياريت برضاكِ بدل ما يكون غصب عنك وعليكِ تختاري .......
لم ترد وشعرت بالحزن الشديد والختناق فذهبت من أمام الزايد متوجه لغرفتها وعندما فتحت الباب وهي تخرج أصتدمت بأسد الذي كان يريد الدخول لجده ، لاحظ غاضبها وحزنها ، نظر في عينيها ليري الدموع تسيل علي وجهها فعرف أن جدها قد أخبرها وعلم أيضا ردها علي كلام جدها ، فتنحي جانباً حتي يفسح لها المجال لتخرج ودخل هو لجده
- قولتلها صح ؟!
= واظن عرفت ردها من وشها...
- طيب ودا اللي انت عايزه ، تجوزنا لبعض غصب عننا ، انت كدا بتظلمها وبتظلمني ....
= بكره هتفهم اني لما عملت كدا كان قاصدي أبعد الظلم عنك وعنها ، وبكره إن شاء الله تحضر نفسك لكتب الكتاب والفرح ....
- بكره !!!!
= ايوه وياريت تطلع لنور تحاول تهديها وتتكلم معاها ....
- ماعتقدش هعرف لأن أنا عايز اللي يهديني ، بعد اذنك ....
خرج متوجهاً لغرفته ولكن توقف أمام غرفتها فأراد أن يدخل لها ليعرف فيما تفكر أو ماذا قال لها جدها ليجعلها في مثل هذه الحاله وما كان ردها فدق علي الباب ثم دخل بسرعه ...
- اي دا أنا مقولتلكش تدخل ، ولا خلاص بتتعامل معايا علي أساس اني مراتك من دلوقتي.....
= أسف بس كنت عايز أعرف جدي قالك ايه بالظبط خلاكِ تعيطي لحد دلوقتي ....
- أنا مش بعيط ...
= أومال ايه الدموع اللي في عيونك دي ، عايز أعرف جدي قالك ايه وليه مرفضيش ..
- وانت ليه مقولتلوش لا ورفض ولا الموضوع علي هواك ....
= محدش فينا يقدر يقول ل الزايد لا علي قرار هو اخده ....
- لا والله وعايزني أنا بقا اللي أقول لا....
= علي الأقل قوليله انك مش موافقه زي ما أنا قولت
- قولت بس هو قالي حتي لو مش موافقه الجوازه هتم و ساعتها مش هرجع معاك القاهره ولا هكمل جمعتي
تنهد بحزن وهم للخروج ولكنها مسكت يديه
- أسمع ، جدك عايز يجوزنا لبعض تمام ، وانت مش موافق ولا انا صح ؟؟؟ بس الجوازه لازم تتم عشان أرجع جمعتي من غير مشاكل خصوصاً ان بابا تعبان ومش حمل مشاكل ...
= الملخص
- الجوازه هتم ، بس هنعيش مع بعض زي الاخوات لحد ما أخلص جمعتي أو تقوله أننا مرتحناش مع بعض ولازم نطلق
أنت تقرأ
نور الصعيد
General Fictionعاشت عمرها لم تعرف أن لها أهل موجودين في الصعيد ..وفجئه تكتشف أهلها وتجبر علي الزواج بابن عمها ولكن ماذا اذا كانت هي في الحقيقه تزوجت من أكبر عدو لها وليس ابن عمها ..نور الصعيد
