البارت 25
نور الصعيد
صدمت عندما علمت أنه ليس أبن كرم الزايد وان كرم هو عمه وان أبوه الحقيقي أحمد الزايد وهو الاخ الرابع لـوالدها ، قتل هو وزوجتة علي يد خالها غدراً وان كرم هو من أعتني به وأصبح والده الذي رباه هو وثريا ، مكانها بصدمه من هذه الحقيقه ولأنها علمت سبب العدوان بين الدهشوري والزايد ....
- ليه مقولتليش علي الحكايه دي .
= مجتش فرصه وبعدين أنا مش بحب أتكلم في الموضوع دا ، كل ما أفتكر اني وصلت للعمر دا من غير ما أخد حق أبويا وأمي الدم يغلي في عروقي وأبقي عايز أروح أقتله هو وأبنه ......
قامت من جواره تداري حزنها وضيقها من هذا الحديث
- متنساش أن دهشوري يبقى خالي ....
= ودا كان سبب رفضي لجوازك من الأول لكن معرفش جدي ليه كان مصر علي جوازنا وهو عارف كويس الكره اللي في قلبي تجاه العيله دي ........
- لما انت بتكره أمي وخالي كل الكره دا وندمان علي الجوازة دي ليه قربت مني ، ليه خلتني أحبك وانت بتكره أهلي ، ليه قربت مني وأحنا مكتوب علينا نبعد ....
= معرفش أنا كمان حبيتك ومن غير ما أفكر في اي حاجه ، انتِ ملكيش ذنب أن دهشوري يبقى خالك وانا مش ممكن أبعد عنك في يوم من الايام ...
- بس عمرك ما هتنسي وهيفضل الموضوع دا حاجز بينا طول العمر ....
جلست علي الاريكه تبكي بحزن علي حبها وقلبها المحكوم عليهم بالحزن والفراق و جلس هو بجوارها
- أنا مش هسيبك مهما حصل ، أفهمي ، أنا بحبك ومش ممكن أبعد عنك أبداً ...
في صباح اليوم التالي عاد الشباب للصعيد وذهبوا فوراً إلي المقابر ليجدوا جميع العائله هناك وبعد مرور بعض الوقت من قراءه القرأن والادعيه طلب جاسر من الجد ان يذهب الشباب لبيت المزرعة لتنزه قليلاً فسمح لهم الجد
البنات يقومون بإعداد الطعام ....والشباب يتحدثون معاً بالخارج ويركبون الخيل أيضاً لتسأل يارا بشك ......
- حاسه ان العلاقه بينك انتِ وأسد مش تمام يعني لو في اي مشكله بينكم ممكن تحكيلي عشان أقدر أساعدك ...
= كل حاجه تمام بس موضوع خالي قتل أهله
- دي مشاكل مش سهل انكم تتجاوزوها بس لو فعلاً بتحبوا بعض بجد هتقدروا تعدوا اي حاجه صعبه
= بحبه بس جزء من الحب دا عباره عن خوف ، خوف من اللي جاي ، خوف انه يسبني بسبب العداوه اللي بين العيلتين ....
- معتقدش أسد بالعقليه دي وبعدين هو فعلاً واضح انه بيحبك والدهشوري صح بيكون خالك بس مفيش بينكم علاقه وانتو بعاد جداً عن بعض من زمان ، حاولي تحافظي علي علاقتك بأسد .....
- هاروح أقوله الأكل جهز هو مافطرش
خرجت نور لتنادي زوجها في ذلك الوقت كان يتحدث مع جاسر
- خايف أن حاجه تفرقنا في يوم ، حبيتها لدرجة أن مقدرش يوم يعدي عليا وهي ماتكونش معايا فيه ...
أقتربت نور منهم
- الغدا جهز
= أنا عن نفسي هموت من الجوع شوفي جوزك بقا ....
- أكيد هيموت من الجوع دا مرضيش يفطر الصبح ولحد دلوقتي من غير أكل ...
أنت تقرأ
نور الصعيد
General Fictionعاشت عمرها لم تعرف أن لها أهل موجودين في الصعيد ..وفجئه تكتشف أهلها وتجبر علي الزواج بابن عمها ولكن ماذا اذا كانت هي في الحقيقه تزوجت من أكبر عدو لها وليس ابن عمها ..نور الصعيد
