البارت 21
نور الصعيد
في منزل جاسر
- عايزك تجهزي نفسك للشغل ..
= شغل اي !
- في الشركه بتاعتنا ، انتِ معاكِ دكتواره في إدارة الأعمال
= انت عارف جدي مش بيحب البنات تشتغل ...
- الوضع أختلف انتِ دلوقتي مراتي وأنا عايزك قدامي علس طول ...
= قول كدا بقا انت عايزني أنا مش عايز شغلي
أقترب يجلس جوارها مبتسماً
- عايزك وعايز شغلك وعايزك جنبي علي طول متبعديش عني ثانيه واحده و محتاجك معايا في الشغل بجد ...
= اممم طيب عروضك اي يا فندم عشان يارا الزايد توافق تشتغل عند حضرتك ...
- اللي انتِ عايزه ياقلبي ....
وقفت تتصنع الغرور
- أفكر وأرد عليك ....
قام وجذبها بين أحضانه بحب
- أمرك يارا هانم
وضعت يديها حول عنقه برقه
- إذا وفقت وعينك جت علي اي بنت ولا أتكلمت مع اي بنت انت حر
= اوباااانا شكلي جبته لنفسي ولا ايه
في منزل عز دق حمدي البواب جرس المنزل ليعطي عز الطعام الذي طلبه
- أهلاً ياعم حمدي تعالي كل واحد متهني وانا وحيد ياعيني ....
= بتقول حاجه يا بني
- بقولك اي يا عم حمدي معندكش عروسه حلوه ليّ
= انا بردو اللي أدورلك علي عروسه ، ده انت أصحابك كلهم حلوين ومعرفك ماشاء الله ...
- لسه مش عارف الاقي البنت اللي تخطفني
= وه تخطفك كيف يعني
- ترش مخدر في وشي وتخطفني علي بيتهم
= انت بتتريق عاد
- يعني أهو بنضحك شويه
= ربنا يسعدك ويرزقك ببنت الحلال
- أحلي دعوه منك يا راجل يا طيب
= وإن شاء الله تكون من نصيبك ، تؤمرني بحاجه تاني
في صباح يوم جديد أستعدت نور للذهاب للجامعه فهي الآن تعود بعد غياب طويل كم تشتاق حقاً لجوها الممتع في الجامعه مع صديقاتها، متحمسه بشده ، تدق علي غرفة زوجها
- يلا بقا هنتأخر ، الفطار جاهز
= شكلك فرحانه ومتحمسه اوي ، لدرجه دي بتحبي الكُليه
- دي حلمي وحلم بابا من زمان ، هو ديما كان بيشجعني أدخلها ....
= في حد من أصحابك عرف أننا أتجوزنا......
- الأخبار عندهم من أول يوم ...
= ماشاء الله مافيش تضيع وقت ، حاجات كتير أتغيرت في الفتره اللي عدت دي
- وياعالم لسه في أي كمان
= إن شاء الله خير خليكِ متفائله ...
- بعد كل اللي حصل أنا بقيت متوقعه اي حاجه تحصل في اي وقت ، حياتي كلها أتغيرت في شهر واحد ....
=حاجات كتير ممكن تحصل أو تتغير بين يوم وليله
شهقت بفزع
- اتأخرنا .
= براحه في أي خضتيتي
وصل أسد ونور للجامعه والجميع ينظر إليهم ، أسرعن هايدي وياسمين لنور أستئذن أسد منهم ليتركهم بمفردهم
أنا معنديش محاضرات النهارده ، هدخل أقابل العميد وبعدين أروح الشركه وأرجع أخدك بعد ما تخلصي ، لو أحتاجتي حاجه كلميني علي طول ....
ذهب أسد لتردف هادي بمزح
- يعيني علي الحب ياعيني
نكزتها ياسمين بخفه
- الله أكبر في عينك هتحسديهم ، نور هي مين دي اللي واقفة مع جوزك
نظرت نور لهم
- مش عارفه
= يادي الخيبه مش عارفه جوزك واقف مع مين البت دي شكلها هبله وجوزها هيتسرق منها في يومين هنا ....
- ما يقف براحته أحنا في الجامعه وسط ناس كتير يعني مش لوحدهم ....
= مش لوحدهم ااه المراره هتتفقع ، يا بنتي البنات هنا أشكال والوان ومش كلهم هبل زيك كدا وجوزك ماشاء الله تبارك الله جميل في الشكل والجسم الرياضي وغني وابن عيله وكمان دكتور في الجامعه وهو لسه في السن دا يعني تخلي عينك وسط راسك يا هبله .....
- أزيك يا دكتور أسد حمدالله علي سلامتك
= اهلا يا لارا عامله ايه وعمر عامل ايه ...
- كويسين سمعت انك أتجوزت الف مبروك ....
= عقبالك ....
- ممكن بعد أذنك أنا محتاجه لحضرتك جداً تشرحلي حاجات في الماده بتعتك صعبه عليا ...
= تعاليلي المكتب في اي وقت ميكونش عندك محاضره ، بس مش النهارده عندي شغل مهم بره الجامعه ....
- ممكن بكره حضرتك ؟
= بلاش حضرتك وكدا انتِ أخت أعز أصدقائي يعني زي أختي ممكن تقوليلي أسد مفيش مشكله ....
ذهب أسد للعمل و دخلت لارا للمحاضره وتعمدت الجلوس بجوار نور .....
أنت تقرأ
نور الصعيد
General Fictionعاشت عمرها لم تعرف أن لها أهل موجودين في الصعيد ..وفجئه تكتشف أهلها وتجبر علي الزواج بابن عمها ولكن ماذا اذا كانت هي في الحقيقه تزوجت من أكبر عدو لها وليس ابن عمها ..نور الصعيد
