البارت 29
نور الصعيد
صدمت نور الجميع عندما صرحت بحملها ثم تركتهم وسط ذهولهم وصعدت لغرفتها وجدت ثريا أمامها
- تفتكري خطتنا ممكن تنجح ونقدر نوقف بحر الدم ونعيش في سلام بقا ...
لم تكمل نور حديثها حتي تفاجئت بدخول أسد دون أستئذان ، يبدو علي وجهه الغضب كأنه سيرتكب جريمه الأن .....
- أمي أطلعي برة بعد أذنك
= أسد ......
- لو سمحتي بره
خرجت ثريا و وقفت نور مكانها تنظر لها بحزن .....
- يعني ايه انتِ حامل .....
= عادي حامل اي الصعب في الكلمه ....
أقترب منها و أمسكها من زراعها بقوه .......
- حامل ازاي ......
= اسأل نفسك ...
- متجننيش انتِ عارفه كويس اني ملمستكيش ....
= انا قولت كدا عشان عشان بحبك ومش عايزه أبعد عنك ، لما جدك يعرف اني حامل مش هيبعدني عنك يا أسد .....
- وانا قولت مش هكمل حتي لو بحبك مش عايزك
= بس أنا بحبك ومش هسيبك ........
صمتت قليلاً وقالت ببكاء .....
- أنا خسرت كل حاجه فاجأه حياتي أدمرت ، خسرت أهلي ، اني وحيده ، حتي بعد ما عرفت أبويا وأخويا الحقيقين بس أنا معرفهمش ومقدرش أعيش معاهم انت الحاجه الوحيده الحقيقيه في حياتي مش عايزه أخسرك
= وأنا مقدرش يانور كل ما هبص في وشك هفتكر الدهشوري اللي قتل أهلي لو كملت معاكِ هكرهك ........
صمتت ولم تعرف ماذا تقول ليكمل
- انا هنزل دلوقتي أقول لجدي انك مش حامل وانك قولتي كدا بس عشان تخلي الدهشوري يمشي .....
دفعته بغضب
- روح ، أنزل ، أنزل قول لجدك كدا ، قول للناس كلها بس شوف شكلك انت وحدك هيكون ازاي قدام الناس لما يعرفوا الحقيقه ويعرفوا ان جوازنا كان تمثيليه وشوف شكلك انت هيبقي ازاي قدام جدك .....
= يعني ايه انتِ بتهدديني ، متنسيش أن دا كان كلامك من الاول وان انا اللي وفقت عليه عشان خاطرك ....
- أعتبرني بهددك
= تمام أستحملي بقا ....
تركها وغادر الغرفه وهو يتوعد لها ، جلست تفكر هل ما فعلته صحيح وهل هي تتمسك بحبها ام أنها تجبره علي هذا الحب ، لم تعرف إذا كان هذا التصرف هو الصحيح ام لا ، دخلت عليها ثريا سريعاً بعد رؤية أسد يغادر الغرفة
- اي اللي حصل ...
= كان عايز يقول لجدي علي الحقيقه بس أنا قولتله انه لو قال علي حقيقة حملي أنا كمان هقول علي حقيقة جوازنا من الأول
- متخافيش هنكمل خطتنا ، عز لازم يقنع جدك يكتبلك 15٪ من أسهم الشركه وبكدا تبقي مع أسد في البيت والجامعه والشركه وحاولي تخلي ينسي الماضي
= اللي أحنا بنعمله دا صح ولا غلط ...
- هدفنا خير هدفنا ان انتِ تحفظي علي جوزك وعلاقتك بيه وان أنا أحافظ علي ولادي وولاد عمه
في غرفة عزام طرقت نور الباب وسمح عزام لها بالدخول ...
- تعالي يا نور ....
= من ساعة اللي حصل مقعدناش وأتكلمنا سوا ....
- هنتكلم نقول ايه المهم انك بخير واي كلام تاني ملوش لازمه ....
=هو انت ممكن تسبني للدهشوري ياخدني منك ....
- اللي حصل واللي عملته فريده هي والدهشوري كان صدمه كبيره بالنسبالي كان نفسي أتكلم معاها وأعرف منها هي عملت كدا ليه ، أما بالنسبه ليكِ ، فأنتي بنتي مهما حصل ، بس أنا مقدرش أمنعك عن أبوك لو عايزه تمشي ، مش من حقي وانتِ من حقك تعرفيهم ، انتِ بس اللي تقرري تكوني مع مين بس أعرفي وتأكدي من حاجة واحدة انتِ بنتي وأنا في ضهرك مهم كان الوضع .....
= أنا مليش اب غيرك انت ، مقدرش أبعد عنك وأسيبك
أخذه في حضنه
- وانتِ بنتي اللي مقدرش علي بعدها مهما الظروف أتغيرت ، مفيش حاجه هتغير حقيقة انك بنتي
في غرفة الزايد كان عز يكمل المخطط لنور وثويا
- بعد اللي حصل يا جدي صعب أسد يطلق نور مش ممكن يسيب دمه يتربي عن عدوه ...
= الحمل غير كل مخططاتي وخلاني أعيد تفكير في كل حاجه ، وأهم حاجه أسد ميطلقش نور ، لازم أربطهم ببعض
أبتسم عز لانه نجح في توصيل فكرته للجد ونجح أيضاً في تنفيذ مخططه
- هتعمل ايه عشان تربطهم ببعض أسد مش طايقها
= هكتب لنور نص أسهم أسد في الشركه بتاعته بس مش عايزك تقول لحد المحامي بيجهز كل حاجه دلوقتي وفاضل بس أمضت نور لما تنزلوا القاهره وانا اللي هخبر الكل النهارده علي العشاء بالفعل أجتمع الجميع وأخبرها الجد
- انتِ خلاص بقيتي شريكة أسد بالنص في الشركه بتاعته وده هديتي لابنك أدعيله أنه أدلك فرصة وسطينا تاني
قامت نور وذهبت للجد وأمسكت يده وقبلتها بكل حب علي قبوله لها بين عائلته وقبوله لها كزوجة حفيده وفرحه بحملها ثم نظرت لجميع
- ممكن طلب محدش يقول لـ أسد أنا هاقوله بكره في الشركه .....
أنت تقرأ
نور الصعيد
General Fictionعاشت عمرها لم تعرف أن لها أهل موجودين في الصعيد ..وفجئه تكتشف أهلها وتجبر علي الزواج بابن عمها ولكن ماذا اذا كانت هي في الحقيقه تزوجت من أكبر عدو لها وليس ابن عمها ..نور الصعيد
