البارت 20
نور الصعيد
بعد مرور أسبوع عند الطبيب شوقي
- انت هتفضل حابسني هنا لحد أمتي ، كدا كدا الحقيقه مسيرها هتتعرف والزايد أكيد هيعرف أن نور مش بنت عزام
= زي ما عرفت أخبي السر دا طول السنين اللي فاتت ، هعرف أخبيه لحد أخر العمر ، وغصب عن الكل .....
- مافيش فايده من اللي بتعمله ، هيجي اليوم والكل هيعرف حقيقتك انت وأختك .
أخرج الدهشوري سلاحه وقتله بدم بارد ونفس شيطانيه ، وأمر رجاله أن يأخذونه بعيداً في الصحراء .........
أقتربت يارا من جاسر وأحتضنته وقبلت رأسه بحب وحنان لكِ تواسيه فهو رغم أنه لا يظهر حزنه إلا أنه مازال حزينا وبشده علي وفاة أبيه وهذا طبيعي ولكن ليس من الطبيعي انه يكتم في قلبه ويجلس طيلة الوقت صامتاً لا يريد التحدث
في غرفة أسد
- يا ضهري ، من يوم ما أتجوزتك وانا يأما أنام في الأرض يأما علي الكنبه .....
= وأنا مالي أعملك ايه ....
- كدا هيجيلي عاهه مستديمه في ضهري وبسببك ...
رفع وجهه ويديه للأعلي وكأنه يدعي عليها
- نهارك مش فايت انت بتدعي علياا
= حرام عليكِ ياشيخه ، اه يانا يا ضهري ....
- طيب أعملك ايه ....
= انا يوم وانتِ يوم ...
- قولت ايه سمعني كدا تاني .....
= انتِ علي الكنبه يوم وانا يوم ، هو انا هشيل الليله لوحدي وحشتني نومة السرير نفسي تجربي نومة الكنبه ، وبعدين انتِ جسمك صغير وعلي قد الكنبه يعني مش هتتعبي زيي ....
- انت بتحلم انا مليش دعوه وبقولك ايه قصر بقا بدل ما طلعك بره خالص ولا هيبقى كنبه ولا ارض. أقولك روح نام جنب جدك
= جدي ، دا كان أقام عليا الحد انا وانتِ ، خلاص أمري لله خليها كنبه وربنا علي المفتري ......
- ايوه خليك شاطر كدا ويلا عشان ننزل نتعشي
= أمال لو مش ابن عمك كنتِ عملتي فيا ايه
الجميع يجتمعون علي طاولة العشاء تحدث جاسر بجديه
- جدي أحنا لازم نرجع القاهره أنا والشباب في شغل مهم جداً ومتأجل .....
= تمام شوف الوقت المناسب وجهزوا نفسكم للسفر ....
تحدث أسد أيضاً
- اه ياريت لأن الأجازه بتعتي في الكليه خلصت وكمان نور ترجع كليتها عشان تلحق تلم اللي فاتها ......
وجدت فريدة هذة فرصتها للهروب من هنا
- وأحنا كمان لازم نرجع القاهره....
دق الزايد بعصا الأرض
- لا ، طالما مفيش حاجه مهمه يبقي عزام يفضل جنب أخواته وولاد ، ملوش لزوم تبقوا لوحدكم في القاهره ....
= بس أنا عايزه أفضل جنب بنتي ....
- بنتك خلاص بقيت مع جوزها يعني أطمني ومتخافيش عليها ومع أول فرصه هيجولنا هما .....
أنهي الجميع العشاء وخرج الشباب للحديقه يتناولون الشاي ، ليخففوا عن بعضهم حزنهم ويتحدثون معاً ، تحدث فارس بملل
- يعني كلكم هتسفروا وهتسبوني لوحدي هنا ....
نظرت له ريهام
- يسلام وانا اي هوا مانا هفضل مرزوعه هنا معاك لوحدي مش هلاقي حد أقعد أتكلم معه وندردش سوا
= ليه مانا موجود أهو في اي وقت تحتاجيني هتلقيني جنبك أجميل ....
نكزه جاسر في كتفه
- أحترم نفسك ياض وبطل تسبيل ...
ضحك الجميع علي فارس الذي خجل من كلام جاسر لتكمل ريهام
- لا انت متعرفش قعدة البنات بقا والدردشه ...
= قصدك النميمه
ربت نور علي كتفها
- أحنا معاكِ علي طول ياقلبي ، في اي وقت تحتجينا كلمينا فيديو كول عطول .....
في اليوم التالي
وصل الجميع للقاهره وأتجه كل منهم لمنزلهم الخاص
في منزل أسد
- وأخيراً هقدر أنام في أوضه لوحدي علي سريري ....
= أهو شوفت أخرت الصبر جبر
- بصيلي فيها بقا عشان أدخل الاقي السرير مولع ولا حاجه
= كدا بردو يعني أنا عيني وحشه ، طيب يااارب تدخل تلاقيه بايظ فعلاً وتنام علي الأرض تاني
- لا وعلي ايه خلاص ياستي حقك عليا ، المهم دي هتكون أوضتك ودي أوضتي كدا أفضل عشان تاخدي راحتك أكتر
= تمام وانت كمان تعرف تنام علي سرير وضهرك يخف
- دي أهم حاجه ....
أنت تقرأ
نور الصعيد
General Fictionعاشت عمرها لم تعرف أن لها أهل موجودين في الصعيد ..وفجئه تكتشف أهلها وتجبر علي الزواج بابن عمها ولكن ماذا اذا كانت هي في الحقيقه تزوجت من أكبر عدو لها وليس ابن عمها ..نور الصعيد
