البارت 11
نور الصعيد
بعد الاتفاق الذي تم بين نور وأسد ، أخبروا الجميع بموافقتهم علي هذا الزواج وأخبرت نور والديها ليرفض والدها
- أنا مش موافق ، انت طول عمرك بتقولي مش هتتجوز غير عن حب انسان تكوني عارفه كويس وبتحبيه ، ازاي بقا توفقي علي أسد دا وانتِ متعرفهوش أساساً غير من كام يوم ...
= أنا طول عمري بسألكم عن أهلي وكان نفسي طول عمري يكون ليا قرايب وأعمام وولاد عم وكدا ، ودا حصل ، بصراحه انا وفقت علي الجوازه لسببين ، الاول اني أكمل عمري الباقي وسط أهلي ومكنش وحيده وأحس بالوحده طول عمري ، والتاني أن أسد فعلاً انسان كويس ولازم أنفذ كلام جدي منعاً للمشاكل ، ولو مرتحناش مع بعض عادي نطلق ....
- أنا مش مقتنع بالكلام دا
= خليني أجرب يا بابا الحياه تجارب ...
- هو ايه اللي تجربي هي لعبه ، دا جواز ...
= وايه يعني دلوقتي غير زمان دلوقتي اي اتنين متفقوش مع بعض بيطلقوا علي طول ....
- نفترض أنه مرضاش يطلق .....
= أطمن يا بابا قولتلك أسد انسان كويس ومتفاهم مش زي دماغ جدي وأنا أتكلمت معه ، بصوا من الأخر كدا أنا موافقه ودي حياتي ، سيبوني أجرب وأتعلم من تجاربي ، وطول ما انتو جنبي انا مش هخاف من اي حاجه ....
في غرفة الابن الاكبر لزايد عبد الحميد وزوجته هدي
- انت عجبك اللي بيحصل دا ، دلوقتي أسد هيتجوز نور وكل حاجه في الأخر هتروح ل عزام ومراته وبنته، ده حتي متأكدناش أن نور دي تبقي بنته بجد ولا ثمثليه من عزام عشان يحصل اللي حصل ، ولسه ياعالم اي تاني اللي هيحصل ، بس أنا مش هسكت ابدا علي المهزله دي قدامنا كتير لازم نعمله
الجميع في منزل الزايد مجتمعون لتناول الغداء ليتحدث الجد
- دلوقتي بعد موافقة نور وأسد علي الجواز إن شاء الله يوم الخميس الجاي هيكون فرحهم وفرح جاسر علي يارا ....
ليتحدث عبد الحميد الابن الاكبر للزايد
- معلش يا بابا بس الفرح مش لازم يتم غير لما نصفي الحسابات القديمه مع عيلة الدهشوري وكمان بعد ما عرفوا أن فريده و عزام رجعوا البلد أحنا منضمنش هيعملوا ايه ...
تدخلت فريدة في الحوار
- أنا لازم أروح أتكلم مع أخويا ونصفي اللي بينا ....
= كل دا هيحصل بس الفرح الاول
- انت ليه مستعجل كدا علي جواز أسد ونور ...
= البنت لازم تكون في حماية جوزها اللي هوأاسد الزايد ...
- انت عايز تقول انك هاتحميها من أخويا ...
= بحميها من أخوكِ وغيره وزي ما قولت الفرح ف معادة
أنتهي الجميع من تناول الغداء وصعد كل واحد لغرفته بينما ذهب كرم وعبد الحميد ليستعدوا لتجهيز الزفاف كما طلب منهم الزايد أنه لابد أن يكون زفاف كبير ويعزم فيه كبرات البلد وأهل البلد جميعهم وفي أثناء تلك التحضيرات أرد جاسر يري حبيبته يارا ويتحدث معها ولكن كيف وسط هذا الزحام فكان يفكر في حيلة ما ، أتصل ب يارا وأخبرها أن أسد يريد أن يتحدث مع نور في شئ مهم وأخبرها أيضاً أن تأتي بها للمزرعه دون أن يراهم أحد وبالفعل وافقت يارا دون أن تعلم انه مخطط من حبيبها ليراها ذهب جاسر وأسد للمزرعة لعمل ما
- فيه ايه يابني جبتنا هنا علشان نشتغل وسبنا الناس ومتنح مشتغلناش
= ياعم أصبر بس علي رزقك ، هما اتأخروا كدا ليه
- هما مين اللي اتأخروا ...
في مكان ما
- اللي أتفقنا عليه تم
= برافو عليكِ تعجبني بس خدي بالك لسه الفرح متمش يعني أحنا لسه ف خطر لو اي حاجه أنكشفت .....
- متخافش انت اللي أحنا عايزينه هيتم...
أنت تقرأ
نور الصعيد
General Fictionعاشت عمرها لم تعرف أن لها أهل موجودين في الصعيد ..وفجئه تكتشف أهلها وتجبر علي الزواج بابن عمها ولكن ماذا اذا كانت هي في الحقيقه تزوجت من أكبر عدو لها وليس ابن عمها ..نور الصعيد
