البارت 30
نور الصعيد ....
صعد الجميع لغرفتهم بعد تناول العشاء و أنتظرت نور أسد كثيراً في شرفة غرفتها ولكنه لم يعد ، أقتربت الساعه من الواحده منتصف الليل لم تسطيع النوم دون أن تتكلم معه ولكنه لم يعد ، شعرت بالضيق لتأخره وكأنه يتعمد عدم العوده لكِ لا يرها ، قررت أن تذهب لمنزل المزرعه ولن تنتظر حتي يعود ، بل ستذهب اليه بنفسها ، ولكن كيف ، الوقت متأخر جداً ، فطلبت المساعدة من فارس ، بعد مرور الوقت وصل فارس ونور للمزرعة و رأي فارس الغفير فسأله هل أسد هنا
- ايوه ، بس هو أخد الحصان بتاعه وبقاله بتاع ربع ساعه بيجري .....
طلبت نور من فارس ان يعود وتنتظر هي أسد مر كثير من الوقت ولم يعود فسألت الغفير بقلق
- هو أتأخر صح ...
= زمانه جاي ياست نور متقلقيش ، أتصلي عليه ...
- برن بس هو مش بيرد .....
= دلوقتي يجي ، أعملك شاي أو حاجه تشربيها ....
- لا شكراً .....
ظلت نور منتظره وهي تتأمل تلك الأشجار والحشائش ورائحة الخضره مع هدوء الليل وصفاء الهواء ونور القمر المكتمل هذه الليله حقا انها ليله هادئه جميله ينقصها هدوء البال وقرب الحبيب تستمتع بالجواء الهادئه الجميله .....
- ممكن أطلب منك طلب ...
نظر له الغفير
- طبعاً يا ست نور أؤمريني .....
= عايزه أركب حصان ...
- دلوقتي !! الجو ليل
= انا مش هروح بعيد انـ..
- أهو أسد باشا جه أهو ....
أقترب أسد منها عندما رأها و نزل من الحصان سريعاً
- انتِ جيتي هنا ازاي دلوقتي ....
= جيت زي ما انت جيت ..
- عايزه تفهميني انك جيتي لوحدك من البيت الكبير لهنا في الوقت دا ...
= اه وفيها ايه ...
حاول ان يتحكم في غضبه
- انت بتهزري صح ، مش وقت هزار خالص ...
= خليت فارس هو اللي جبني خلاص ارتحت ...
- وهو فين فارس...
= طلبت منه انه يرجع لاني صحيته من النوم ...
- انا مش هتكلم معاكِ ، كلامي مع الغبي اللي سمع كلامك وجابك هنا في الوقت دا
= أنا مش جايه عشان أشوفك ولا أتكلم معاك ....
- جايه ليه
= عايزه أركب حصان ....
- متستفزنيش ، أخلصي قولي عايزه ايه عشان أروحك ....
= عايزه أركب حصان بجد أنا مش بهزر ....
- يلا قدامي علي العربيه عشان أرجعك وانا كمان أنام ورايا سفر الصبح ...
= مليش دعوه عايزه أركب حصان ..
- ليكِ عين تهزري بعد اللي حصل النهارده ، انتِ غريبه اوي ...
= اسد انت عايز ايه ...
- انا بردو اللي عايز ايه ، انتِ اللي عايزه ايه من كل اللي بتعمليه دا ...
= عايز أكون معاك ، أنا بحبك وانت كمان بتحبني وأحنا متجوزين ، أنا صريحه وعرفه انا عايزه ايه كويس انت بقا عايز ايه ...
- عايز نطلق بسيطه ننفذ الأتفاق اللي كان بينا من الاول ....
صمتت ثم التفتت للجهه الأخري لأنها شعرت بوخذه في قلبها عندما سمعت كلمة الطلاق منه ، دمعت عينها فلم ترد أن يري دموعها ، مسحت دموعها والتفتت مره آخري له
- انت ليه عايش في الماضي ليه بتخلي الماضي يسيطر عليك اللي حصل كان قضاء وقدر لا بإيدك ولا بإيدي ولا هيتغير لو بعدت عنك ليه انسان متعلم زيك ودكتور في كلية يبقي بالعقليه المتأخرة دي ، واحد زيك يبيع حبه ومستقبله عشان بس مجرد انه عايش في الماضي انا حقيقي زعلانه عليك
= أنا مش زيك أتخلي عن أصلي ، أتخليتي عن أبوكِ وبعتي أهلك كل دا ليه وعشان ايه كنت فاكر لما تعرفي أهلك الحقيقين هتجري عليهم ....
- مش عايز أبقي عدوتك أنا مابعتش أهلي هما اللي باعوني أنا ابويا الحقيقي هو عزام عمك مش الدهشوري هي دي الحقيقه الوحيده اللي أعرفها .....
= وانا كمان الحقيقه الوحيده اللي لازم أصدقها انك نور الدهشوري بنت اللي قتل أهلي ومن سابع المستحيلات أننا نكمل مع بعض
وصل أسد نور للمنزل، صعدت لغرفتها وأرتمت علي الفراش وكتمت وجهها في الفراش وبكت بحرقة شديده لشعورها بالفشل في كل محاولتها ولشعورها بالحزن لأنها علمت وأيقنت أنه لا يريدها وان كل ما تفعله لتصليح العلاقه بينهم بات بالفشل ، صعد هو الأخر لغرفته وبدء يجهز حاله للذهاب للقاهره ، قرر أن يأخذ قسط من النوم حتي يستطيع السفر مبكراً أما نور فبعد بكاء طويل قررت عدم الأستسلام وأنه مازال أمامها محاوله أخيره ، ولكن لن تسامحه أبداً علي ما قاله ، قررت انها ستعلمه كيف يكون الحب وكيف أن الحب يصنع المعجزات ويحقق المستحيل ولكن لمتي ستظل نور صامده أمام الأسد ..........
في الصباح كان الجميع مجتمعون علي طاولة الفطار فسأل الجد عن أسد لتجيب والدته
- سافر الصبح بدري جه سلم عليا انا وكرم وقالي انه مسافر ....
نظرت نور للأسفل بحزن فطلبت منها ثريا ان تنهي طعامها وتاتي لغرفتها
- أسمعيني يا نور أنا عارفه ان العلاقه بينك وبين أسد مابقتش كويسه بس كمان عارفه ومتأكده انك بتحبيه ، وبتحبيه حب صادق وكبير ، هو دلوقتي مش ف حالته الطبيعيه ودا محتاج منك قوه عشان تثبتيله حبك وانا كأمه اللي ربته بقولك انه هو كمان بيحبك بس جرح الماضي أتفتح ف قلبه من جديد ومحتاج وقت عشان يطيب وأنا معاكِ يا وبقولك أن الحب الكبير اللي بينكم يستاهل انك تحربي الدنيا عشانه
= أوعدك هعمل كل اللي أقدر عليه عشان أخلي الجرح اللي في قلبه يطيب وميكنش له أثر انا مش بتهزم بسهوله ....
- هي دي نور القويه اللي أول ماشوفتها قولت عليها هي دي اللي هتبقي مرات أبني....
= بجد كلامك ادني قوه كبيره عشان أقدر أكمل
- أمسكِ دي سلسلة بتاعة أم أسد الله يرحمها البسيها متقلعيهاش أبداً ، أسد بيحب السلسله دي
أنت تقرأ
نور الصعيد
General Fictionعاشت عمرها لم تعرف أن لها أهل موجودين في الصعيد ..وفجئه تكتشف أهلها وتجبر علي الزواج بابن عمها ولكن ماذا اذا كانت هي في الحقيقه تزوجت من أكبر عدو لها وليس ابن عمها ..نور الصعيد
