البارت 13
نور الصعيد
طلب الدهشوري من أبنه كريم أن يأخذه بسيارته لمكان ما حيث أتفق هو وشقيقته فريده علي المقابله - خير يا حج كنت عايزني
= عايزك توصلني بعربيتك لمكان كدا هقابل ناس ...
- ناس مين دول ..
= هافهمك كل حاجه لما نرجع....
- حاسس انك مخبي عني حاجه ...
= فعلاً يا بني في سر وآن الأوان انك تعرفه ، انت كبرت خلاص ولازم تعرف الحقيقه وتكون سندي بس أخلص المشوار دا وأرجع أفهمك علي كل حاجه ...
- حاضر يا حج اللي تشوفه ...
أستعد كريم ودهشوري للذهاب و وصف له الطريق ، طريق غريب مهجور في أخر البلده لا يستخدمه أهل البلد
- ايه المكان الغريب دا ....
= مش لازم حد ياخد باله مننا لو حد شافنا هتبقي مصيبه وأركن العربيه هنا هنكمل مشي ....
- مشي ايه في الطريق دا بس ...
= انت خايف ولا ايه ...
- لا بس مستغرب هتقابل مين في طريق زي دا ....
= وقف العربيه هنا ....
أوقف كريم السياره ونزل منها هو والدهشوري وأكملوا طريقهم سيراً علي الاقدام ، طلب الدهشوري من كريم أن ينتظره بعيداً ولا يقترب ابداً ، ولكن دقق النظر ليري مع من يقف والده ....
- عمتي فريده !!!!!!
= بردو جبت كريم معاك يا دهشوري ....
- الولد كبر ولازم يعرف السر اللي بينا ....
= البنت خلاص فرحها النهارده ...
- وأخيراً اللي خططنا له السنين اللي فاتت دي كلها يتحقق النهارده ....
= دا حقي وحق جوزي ومكنش ينفع اتنازل عنه بعد اللي اخواته عملو فينا وطردونا بره البلد ....
- خلاص آن الأوان كل واحد ياخد حقه أهم حاجه خلي بالك من أخوات عزام مش هيسكتوا وخصوصاً عبد الحميد ....
= مش هتيجي الفرح ......
- ياريت كان ينفع .....
= بس ده فرح بنتك .......
- خلي كل حاجه لوقتها يا فريده يلا أمشي دلوقتي قبل ماحد يلاحظ غيابك ......
رجع دهشورري لـ كريم ...
- لااا أنا لازم أفهم دلوقت ايه اللي بيحصل انت قولتلي انك مقاطع عمتي فريده من ساعة ما فضحتكم وهربت مع عزام ابن الزايد ودلوقتي تقابلها بالمنظر دا ويكون بينكم أسرار .....
= قبل ما أتجوز أمك الله يرحمها كنت متجوز واحده تانيه وعمتك فريده في الوقت دا كانت لسه شابه صغيره حبت عزام ابن الزايد كان بين جدك والزايد مشاكل كتيره ودم ومحاكم الاتنين لما عرفوا اللي بين فريده وعزام زاد الكره في قلبهم لبعض وكل واحد أفتكر أن بيعمل كدا عشان يجيب العار لتاني وبعدوا بين عمتك فريده وعزام انا الوحيد اللي كنت بساعد فريده لأنها أختي وصعبت عليا وقالتلي لو متجوزتش عزام هتنتحر ساعدتهم واتجوزوا من ورا جدك والزايد لان جدك كان هيجوزها لواحد رجله والقبر ، و الست اللي كنت متجوزها قبل المرحومه امك ربنا يرحمهم الاتنين ، حملت في نفس الوقت عمتك فريده حملت ، الاتنين حملوا مع بعض وفي نفس الوقت ....عمتك فريده كانت بتقابل عزام ف السر ومكنش حد يعرف غيري انا وبس وكنا متوقعين لما جدك والزايد يعروفوا أن فريده حامل يهدي اللي بينهم ولكن حصل العكس الدنيا قامت نار محدش عرف يطفيها والزايد قتل جدك وكان عايز يقتل فريده وعزام وفعلاً أخواته وصلو لعزام وفريده في أخر لحظه وهما بيهربوا علي مصر وضرب عليهم نار ، بس عزام بس اللي أنصاب في يده بعد كدا الزايد قال لكل الناس أن عزام أبنه مات ، بعد شهور أمك وفريده أتحدد معاد ولادتهم في نفس اليوم فريده كانت علي أتصال بيا أول بأول من غير ما عزام يعرف عشان هو قطع علاقته بأهله وحكم علي فريده تقطع علاقتها بأهلها بردو ، أتصلت بيا وقالتلي أنها هتولد وقالتلي علي المستشفي اللي هتولد فيها أخدت مراتي تولد هناك في القاهره عشان أكون جنبهم هما الاتنين في نفس الوقت وبردو من غير عزام ما يعرف كنت بتابع من بعيد لبعيد ويشاء القدر أن مراتي تولد بنت وتموت ، سبتلي البنت ف ايدي وهي راحت وقت الولاده و البنت دي تبقى نور ، والقدر بردو خلي بنت فريده تموت بعيب خلقي بعد الولاده مباشر و فريده نزفت وكان لازم يشيلولها الرحم يعني مش هتخلف تاني خفت علي اختي أن عزام يطلقها وتترمي ومعرفتش أعمل اي بالبنت اللي في أيدي وحسيت انها رسالة من ربنا وده قدرهم ، قبل ما الدكتور يبلغ عزام كنت انا اللي عرفت الأول وطلبت من الدكتور أن انا اللي أبلغ عزام بطريقتي لانه عنده القلب وممكن ميستحملش خبر زي دا ، طبعاً كدبت علي الدكتور عشان عزام ما يعرفش ودفعت فلوس الممرضه عشان متبلغش عزام أن بنته ماتت وتديله نور علي أساس انها بنته ، ودفنت مراتي وبنت فريده وأتبدلت نور بنتي مع بنت عزام وأتكتبت علي أسمه وبقيت نور عزام الزايد ........
- اللي انت عملته دا حرام وتزوير ونصب
= كنت بضمن حق أختي عزام كان هيطلقها لو عرف انها مش هتخلف تاني وبنتها ماتت .....
- مين قالك ، مش ممكن كان يكمل معاها عادي بعد الحب اللي كان بينهم دا ...
= وكان ممكن يطلقها وترجع أختي مكسوره مذلوله ، مكنتش أقدر أسيبها
- يعني نور اللي فرحه النهارده هي وأسد تبقى أختي ، مفكرتش فيها مفكرتش فيا ، طيب هي لما تعرف ولا أسد ولا الزايد ، هيقتلها ويقتلك ويقتل فريده .....
= مش لازم حد يعرف السر دا ، السر اللي أندفن كل السنين دي هيندفن لأخر العمر .....
أنت تقرأ
نور الصعيد
General Fictionعاشت عمرها لم تعرف أن لها أهل موجودين في الصعيد ..وفجئه تكتشف أهلها وتجبر علي الزواج بابن عمها ولكن ماذا اذا كانت هي في الحقيقه تزوجت من أكبر عدو لها وليس ابن عمها ..نور الصعيد
