البارت 9
نور الصعيد
في منزل الدهشوري قرر كريم ان يسأل والده عن خالته
- بابا في موضوع عايزك فيه
= خير يا كريم في أي مشاكل في الشغل ...
- الشغل تمام ، بس ...
= بس ايه ، مالك متوتر كدا
- انت تعرف حاجه عن عمتي فريده ....
= فريده !!! لا بتسأل عنها دلوقتي يا كريم ....
- أنا عارف انها سابتنا من زمان وهربت مع عزام الزايد لما أتجوزها وبعدها عرفنا أن عزام الزايد أتوفي ومن بعدها أنقطعت أخبرهم ....
= ايوه يا بني وجدك الله يرحمه مات غضبان عليها بسبب اللي عملته ، مات مقهور ، فضحتنا في البلد كلها لما أتجوزت من ابن الزايد ، أكبر عدو لجدك بنهم دم وطار ......
- أنا النهارده عرفت أن عزام الزايد لسه عايش مامتش ، وكمان عنده بنت أسمها نور ، والبنت دي موجوده هنا في الصعيد ، عند جدها الزايد .....
= يا مرار طافح ، عرفت كيف يا ولدي ....
- خبطها أمبارح بالعربيه وأنا راجع من القاهره ، وكانت هربانه من جدها وعايزه ترجع القاهره وكنت هجبها هنا لولا أسد اللي ظهر فاجاه.....
= الكلام اللي انت بتقوله دا هتقع فيه أرقاب يا ولدي ، عزام لو رجع البلد هنا تاني موته هيكون علي يدي المره دي .....
في منزل عزام بالقاهره ...
- السلام عليكم دا بيت عزام الزايد
= ايوه ، مين حضرتك ...
- أنا رفعت المحامي اللي شغال في شركات الزايد ، والد حضرتك ....
أنتفضت فريده من مكانها
- أسمع أنا مش هسكت ، وهبلغ البوليس انكم خطفتوا بنتي ..
= بنتك عند جدها في الحفظ والصون ، وهو عايزكم تروحوله الصعيد ، وأنا أنصحكم أنكم تروحو وتسمعوا منه وتعرفوا هو عايزكم ليه بالظبط ...
- أحنا مستحيل ننزل الصعيد لا أهلي ولا أهل عزام هيسبونا في حالنا ، وأكيد هيقتلونا أول ما نوصل ....
= يا فريده هانم الزمن أتغير والزايد كبر ومحتاج كل أولاده وأحفاده يكونوا حوليه ، وأعتقد أن المشاكل اللي كانت بين العيلتين ماتت بعد كل السنين دي وبعدين لازم تعرفوا انتو هتكونوا في حماية الزايد ، يعني اللي مستغني عن عمره يقرب منكم ، أنا هستني هنا لما تجهزوا وأنا اللي هوصلكم بنفسي ....
- انت عايز تنزل الصعيد يا عزام
= عايز أطمن علي نور وأجيبها ونرجع ، مش ممكن أسيبها هناك لوحدها .....
في غرفة نور تدق ثريا علي بابا غرفة نور ومعها الطبيب للأطمئنان عليها ، كشف الطبيب علي قدم نور وأخبرهم أنها كدمه صغيره ولكن يجب أن لا تحمل عليها ، وربطها برباط ضاغط وكتب لها علي بعض الادويه ، خرج الطبيب مغادراً ومعه ثريا التي أرسلت أسد ليحضر الادويه ....
- حمدالله علي سلامتك ....
نظر نور لتلك الفتاة الجميلة
- الله يسلمك ، انتِ أسمك ايه ....
= يارا بنت كرم الزايد وأخت أسد وفارس وأمي تبقي ثريا اللي هي كانت معانا من شويه .....
- شكلها طيبه ربنا يخليهالك ...
= دي أحن واحده ممكن تشوفيها ، ومش بقول كدا عشان هي ماما ، لا ، انتِ لما تتعملي معاها هتعرفيها ....
وبعد مرور الوقت أحضر أسد الدواء لنور وطلبت منه ان تتحدث مع والدها فاهو مريض ومؤكد يقلق عليها وبالفعل سمح لها أسد بالحديث معهم وعملت نور بقدوم أهلها للصعيد وأخبرت أسد بذلك ، أندهش أسد وقد علم أن جده هو من طلبهم أو سمح لهم بالمجئ ، وهنا شعر أن جده يدبر شئ ما وعليه أن يعرف فيما يفكر ، نزل متوجها لغرفة جده
- جدي كنت عايز أتكلم معاك شويه ، أمبارح كريم أبن الدهشوري شاف نور وتقريباً عرف أنها بنت عمي عزام ....
= لازم يعرف ، البلد كلها لازم تعرف ، دي حاجه مينفعش تتخبي أكتر من كدا ....
- طيب ممكن أعرف حضرتك ناوي علي ايه بالظبط ....
= ناوي أجوزك بنت عمك يا أسد ، دا الصح ودا اللي لازم يحصل ....
أنتفض من مكانه
- مستحيل اللي انت بتقوله دا ....
= أحترم نفسك وأنت بتتكلم معايا ومتعليش صوتك ....
- أسف بس مستحيل أتجوز نور ، أنا معرفهاش ولا بحبها ، انا لسه يدوبك عارف انها بنت عمي من يومين يبقا ازاي أتجوزها ، دا أنا حتي معرفش عنها اي حاجه غير انها بنت عمي ...
= دا مش طلب دا أمر ولازم يتنفذ...
- أنا طول عمري تحت طوعك وبنفذلك اي طلب أو أمر من غير نقاش ، بس دا جواز وانا اللي هتجوز ، دي حياتي انا يا جدي مش شركه ولا شغل عشان حضرتك تاخد فيه قرار بكل سهوله كدا .....
= هطلع دلوقتي أقول لابوك وللعيله كلها أن فرحك علي نور بنت عمك هيكون بكره وخلص الكلام
خرج أسد من غرفة جده بغضب ،خرج حتي لا يفقد شعوره أمام جده ليصتدم بأبيه وهو خارج
- اي دا مالك فيه ايه ....
= أسأل جدي ....
أنت تقرأ
نور الصعيد
Ficción Generalعاشت عمرها لم تعرف أن لها أهل موجودين في الصعيد ..وفجئه تكتشف أهلها وتجبر علي الزواج بابن عمها ولكن ماذا اذا كانت هي في الحقيقه تزوجت من أكبر عدو لها وليس ابن عمها ..نور الصعيد
