أريد رجلآ

ج٤

كلمات ابوية جتي مثل الرصاصة ع اذن سالي والكل سمع وهذا الشي يهم سالي اكثر من وقع خبر الطلاق ع اذانها ..وردها كان وقح ونست انو الي تتكلم معاه ابوية ..

سالي: بابا شنو هالحجي مالتك اكيد انت متوهم لو مخربط بالفهم اني وزوجي متفقين وماعندنا بس شوي سوء فهم اختك العقربة وخواتها وتحريضهم ميخلوني اعيش مرتاحة اني وزوجي ..

عادل: انتي ماتحترمين نفسج اللي دتحجين عنها هي عمتج وام زوجج وهذا الحجي تحجي كدام جهالج ..

ساعة السودة الي ورطت اختي بيج كتلها ..كتلها ماسمعت مني ..
بهالاثناء امي نطت من يمها وردت ابوية هم..

انت خو من جهة اهلك صير اعمى واطرش يعني ياهو الاهم بنتك لو اختك اذا اختك وبناتها مايتعاشرن شنو ذنب بنتي باوع شون صايرة حسرة عليها الونسة والطلعة دراستها مخلاها تكملها وخواته كلهن الي كملت ماجستير واللي دكتوراه ميريدها يصير براسها خير ..
سالي: گوليلة ماما گوليلة عالقهر ..

عادل: حجيتي خليتي نفسج عبالج هذا عادل  رح يصبر ويمشي ..

لا ..عيني لا هذا الرجال يريد يفارگ بااول الطريق بنتج لادايرة بالها ع جهالها لا ع رجلها تحججت بيت طلعها ,طلعت بيت وحاطة راسها من راس رجلها اكو مرة بنت اوادم واصول تقول رجلها تصادق اصادق ،اطلكك واتزوج غيرك ..ولج لو غيرة رجال جان دفنج جواج واحد وتحجين هيج ..

سالي: بابا ..شتحجي اني اشرف من اختك وبناتها ..

عادل: ولج انطمي لاجيبين سيرة اختي وبناتها  شوفي كل وحدة بيهن اخذن رجالهم فكر وكل وحدة بيت وسيارة وانتي بس حايرة بالسوالف تعبانة كالت صديقتي وحجت بنت خالتي ..

لج اني تالي عمري اتوسل بواحد كد ولدي عمود لايطلك مرته الخايبة لج عمتج اللي تحجين عليها شبت وانطفت من سمعت وحلفت علي ميفوت بيتها اذا شرد جهاله ..

سالي: طبعا ..بيها حيل تربي جهال حسين ..

عادل: شفتي يامرة شفتي هاي بنتج اكو وحدة تشمر جهالها شنو من مرة انتي ..

سالي: جهالي مو صغار ..اني بعدني بعز شبابي شنو عبالهم هيج يطلعوني خل يتحملون الي مخططيلة..

عادل: لاحول ولا قوة الا بالله..

باعي بنتي ..اذا بقيتي هيجي رح تهجمين بيتج ومتفلحين وهذا البيت بس احط راسي ينباع وتظلين بيت الجناين الي كاعدة تتعاركين وياهم..

سالي: ليش تحجي هيجي بابا ..قابل اني صابرين ..

عادل: لج شفايتلج تصيرين مثل صابرين ..

سالي : اي اكعد انت ماخلفت بس صابرين ..
ظالة ع قلبك محد يقلبها ليش متقوللها الحجي تقولة الي ..

صابرين عندها وظيفة ودايرة بالها ع البيت وامج وتساعد اخوتج شوفي انتي جيتي ساعتين هجمتي انتي وجهالج..