أريد رجلآ

ج٢٩

وبرغم كل الذي احسسته تجاهك كان ضعفا كنت اهوى وقلب العاشق لايبصر ، كان كل همي ان حبي هالمرة يتوج بعلاقة مستمرة تعبت من العلاقات الموقته تعبت من خيبات الامل وكبرت اي كبرت ورح ابقى وحيدة ..

رفعت دعوى وصاية ع حسين ورفضت رغم ان يزن وزينة يريدون يجوون وياي بس رفضت وماكو اشياء ثابته ع شذى كله حچي الناس ..

القاضي : تم رفض الدعوى ويتحمل المدعي كافة النفقات المالية ...

اسماعيل : كتلج هاي دعوى محسومة انتي ليش تعبين نفسج ..

صابرين: اسماعيل ..ذولة ولد اختي ورا كل الگلته الك وبعدك تگلي ابوهم ..

اسماعيل : نصيبهم هذا انتي عبالج الدنيا شونها بعدين ذولة مسؤولية انتي مرح تكدرين تربيهم ومرح تكدرين تفرضين رايج عليهن فكري .

صابرين: انت ..متريد يكونون جزء من حياتنا ..
وحياتنا ليش ..انتي خالتهم اني شنو دخلي اني نفسي مامتحملها..

صابرين: لحظة اسماعيل ..اللي بيني وبينك شسمي ..

اسماعيل : صاابرين شنو لازمة السؤال ..لأن اجة وكته صار اشهر نطلع سوا ونطب ونحجي وتلفون ومراسلات لازم اكو فد تبرير ..

يزعجج انتي كل هذا ..

صابرين: انت تعرف احنا مو اصدقاء احنا اكثر الاصدقاء علاقتهم محدودة واكو اوقات محددة لكل شي ..

اسماعيل: انتي ليش تلحين ياصابرين انتي غالية عليه ..

اني غالية عليك ..ليش؟

هيج انتي غالية وبس..

صابرين: كلمة غالية ماموجودة بقاموس العلاقات يااسماعيل ..واني بصراحة اريد مسمى لهذا الارتباط والا اعوفك وامشي ..

جان بارد مثل الثلج ..ماكو مشاعر ..تركته ورجعت للبيت كان كلبي شاب نار منا خسرت الدعوى ومنا موقف اسماعيل ..دگ عليه مرديت دز رسايل مجاوبت ..

لطيفة: حرام عليج الولد صار ساعة يدك ومتجاوبين شنو صار ..

صابرين: لطيفة عوفيني بحالي ..الله يخليج..

شنو صار ؟ غير افهم....

صابرين: اسماعيل يريد يخليني معلگة لااني بالسما ولااني بالكاع صار خمس شهور كله حجي ومراسلات وصباح الخير ومساء الخير وشونج وشااجيبلج اوصلج ، لاتطلعين ، يحسسني هو حارس شخصي ..ماكو اي تقدم بهالعلاقة ..
صرت اشك انو هو يريدنا هيج ..

لطيفة : عوفي خ يولي يجيج الاحسن منه ..

صابرين : لاتضحكيني واني مااريد اضحك ع اساس الخطابة مصفطين باب البيت ..

اني خلص اقتنعت اني عمري مرح ازوج واصير مثل الاوادم ..

لطيفة: شنو هالحجي كلمن يجي نصيبة..