أريد رجلآ

ج٤٤

بمرحلة متاخرة من مراحل الحياة ومن توصلين مرحلة عمرية تكونين شفتي كل شي بالحياة الحلو والمر وتبدين ترتبين اولوياتج وتنسين اشياء وگفتي عليها ، وترجعين بذاكرتج لاامور لو مسويتها ،بنهاية حياتنا وع كد الاخطاء الي ارتكبناها والفرص ضيعناها صح مقدر ومكتوب بس رب العالمين وهبنا وميزنا بالعقل بس منعرف نستخدمة الا بعد مايكون الوقت عدى وراح ونتذكر ان الخوف من الجاي هو الي خلانا مترددين ومو گادرين ناخذ قرار، بنهاية عمرج رح تندمين عالاشياء الي مسويتيها وجانت متاحة الج .

وأني أودع كرار لحياة جديدة مااعرف حسيت اكو اشياء بدت تتساقط مني ومو عارفة المها جزء مني يگلي ابقي وجزء يانبني لرغبتي بالبقاء ..
اخر مرة گعدنا اني ودنيا وطلبت مني اتزوج كرار بس عمود تكدر تربي اولادها بيئة هادئةكرهت كرار لأن خلاها توصل مرحلة تضحي بخصوصيتها في سبيل تعيش بكرامة وهواي مثل دنيا بمجتمعنا مظلومين وماخوذ حقهم بالاكراه ..

دنيا: عبالج هو گلي او حاچاني بعالموضوع ..
لااابد ..بس اني مرة وااحس اعرف لمن يتعصب معناها ذكرى مرت ومو كادر يتخطاها واذا معجبه اكلي ولاشربي ولاملابسي معناها شافج عالفيسبوك او الانستكرام اكلكم وطلعتكم ..هواي مرات اگول خل اغير من نفسي اصبغ شعري اسود اسمن شوي بس نسيت ان الي بالروح يبقى بالروح ومتغيرة الاشكال ،ارجع اتعارك ويا واريدة بس يگلي شنو فرقچ عني اني اصغر واحلى منج ..
اگله اني أحبك ..انتي ماحبيتي ..اني الي رسمت تفاصيلة بمداراتي ..جنت اسوي المستحيل عمود يگول هاي مرتي الزينة المعدلة ..

سمعت ..اسفة منج خوات كرار انو انتي مو ذيج الي واو لبس ومكياج حتى مو ام بيت ..
ماتعرفين تسوين شغلة..ماصدگتهم ..
گلت لا يكذبن اكيد بيج شي ازود مني احلى مني ريحتج يمكن تختلف وتعبت اول ماشفتج شون تلاسنينه وعينج بعينه ..

شوكت شفتينا؟

ذاك اليوم بيت احلام شفتكم من الشباك ...عرفت ان الگلب سلطان اني الي كل شي يگولة اگله حاضر وتم ،تجي وحدة تحجي ومو خايفة منه وتراددي مين جتي هالجرأة والثقة ..
اكيد تعرفين كرار يحبج ويريدج وكل يومية تحرگين كلبه اكثر ..كرهتج..كرهت اسمج ..

بس شما سويت مانقص حبج بگلبه ..

صابرين: أنتي ماعرفتي تحتوي ، اني مثل ماگلتي اني مابية شي احسن منج انتي احلى واصغر وانتي ام اولادة وعمود تكونين مطمنة كرار جان اله ٣فرص يخطبني وفي مرة اني حاولت اقربلة المسافة مو حب لا ضعف حسيته مرحلة من حياتي وبهال٣ مرات خذلني ..لأن امه وخواته واخو مارادو هالارتباط يصير ..

فبعد هالعمر شنو فائدة الارتباط كرار مرح يلگة بيه شي يكملة ..

دنيا: انتي مثل امه ..يمكن مو گادرة تقدميلة شي بس تبقين مكان امه اي هاي الحقيقة اكتشفتها واني بيتج وطريقة كلامج ويا تأكدت من هالشي ..محتاجج ترتبين فراغاته ..