أريد رجلآ

ج٢٣

صابرين: لطيفة ..لطيفة ..وينج يالطيفة ...

يووو..بعدج نايمة تعرفين بيش الساعة هسة ..

لطيفة : صابرين ..تعبانة مابية حيل عوفيني رحمة لااهلج..

صابرين:كومي تغدي تريگي الى متى تظلين هيج ..

لطيفة : صابرين ..شتريدين مني الغدا وطبخته قبل لاانام بيت نظيف  ، وهدوم غاسلتهم ومرتبات بالكنتور .

صابرين : كومي صبيلي الغدا ...

لطيفة : ماااااشي ..
صابرين: لطيفة ...اوگفي انتي شگاعد تسوووين..انتي مو خدامة ..

لطيفة: هذا الشي الوحيد الي افتهم بي ..

صابرين: تعااالي ..تعالي گعدي ...كافي يالطيفة كافي باوعي حالتج باوعي شون صرتي ..
لااكل ولانوم وضحكتج راحت ..مو كافي ..

لطيفة: صاابرين ..خل اصبلج غدا وارجع انام احسن ..

صابرين : لا متنامين ..

لطيفة : صابرين انتي تعبانة گومي خل اصبلج غدا وارتاحي...

صابرين : اتغدى بشرط تاكلين ويايا ..
لطيفة : مو مشتهية ..صدك ..مامشتهية ..

لازم تطلعين تغيرين جو ..ميصير هيج تبقين ..
لطيفة : مين اكدر ..احس روحي تعبانة ومااعرف شي ياكلني من جوا ..

صابرين : ليش تسوين بروحج هيج احنا مو كعدنا وحجينا وكتلج رب العالمين مرادنا اني وياج ناكل حرام وخلصنا ..
لطيفة: كسرت ظهرج انتي ياصابرين لو غيرج وحدة جان طردتني بالشارع ..

ليش حگ الجزة وانتي مردتيني انقهر وحسين اكل حقج بكذبه تريدين الحق اني الفشلانة منج هذولة اهلي واختي الخلونا بهالموقف ..

والحمد لله احنا قويات وكدرنا نوگف ع رجلنا وبيتنا مو قاصر وخلصنا من دوخة الحوالينا جان مفروض من اول هيچ نسوي اني وياج ..

لطيفة : ليش اني شسويت غير بس كعدت اتفرج وانتي تركضين منا ومنا والفلوس الاخذها حسين اكثر من حصتي حتى ..

صابرين: ميخالف ..الحمدلله فلوسنا حلال وهو اخذ الحرام وهسة تطلع بي وهسة تشوفين ..
لطيفة : مكفى سوا بيج نوب يجي يكمز عليج لان كاعدة وحدج وفضحنا ينص الجواريين ..

اني هم مقصرت ويا اني اعرف شذى مرح تتحمل عمتي وولدة خلي يضوگ الجحيم مو بس هو ومرته يشبع ن ونسة ع حساب غيرهم ..