أريد رجلآ

ج١١

فجأة تجي غيمة سودة تخيم على حياتك بلحظة توك جنت فرحان ومرتاح والامور تمام وبلحظة تخطف الحياة سعادتك وسكونك وراحة بالك ..

اني ولطيفة صرنا اكثر من الاخوات ومثل مافتحت گلبها الي اني گتلها عن مشاعر المراهقة وكتلها انو هواي تقدمولي وجنت اتحجج ومااقبل لحد ميأسوو اهلي مني بس اخر سنوات من سالي تقربت الي وحچتلي اسلوبه وتعاملة وياها حمدت الله مايكون زوجي رغم بعدها مشاعري اتجاها سالي اخر سنتين حيل هدت وحيل تقربت الي حتى زواج ابوية مدخلت روحها جانت مهمومة وكل بالها تضمن شي جهالها واضافة الى ذلك چنت احسها بدت تحس انو هي اختي الكبيرة ..
وبدون تخطيط حملت رغم زوجها ميريد وهي هم بس الله كتبلهم وحملت وهذا الحمل حيل تعبت وگامت مابيها حيل تروح وترجع ..

جانت تسويلي سلف وجمعلي يمها رغم اني جنت احسب فلوسي راحت بس اعرف سالي ساعة مااگللها جيبيهم جيبهم ..
جانت تجمع وتشتغل بدون علم زوجها ..

وبيوم جتني وحطت فلوس كدامي ودلتني ع القطعة الي مفروض نشتريها اني وياها مناصفة ..

صابرين: هاي شنو سالي؟

سالي: مابيه حيل احجي وهسة تجي هاي مرة ابوج قبل لاتجي هاج هذا العنوان وهذا الدلال باعي اعرف بيچ ثوله وماتفتهمين اذا ميشوفج السند وتتأكدين عقار مابي شي يلا تشترين ..
تنطي عربون وتتكاتبين ..وتگوليلة من تسجلي احولك بقية الفلوس فهمتي ..

صابرين: كل شي مافهمت اني ..انتي شوكت صارت عندج هالفلوس وشون جيبيهم هنا تعرفين كم نفر هنا وبس يشتمون الفلوس شرح يصير ..
سالي : لهذا اني جبتهم بجنطة الطفل عمود لا احد يشك ..
من ارجع للبيت اراسلج وادزلج كل شي بس ظمي هاي الفلوس وحرصي عليهم هاي تعبي وفلوس جمعتهم الج اعرف ثولة وكل عندج متلفستهم ..

صابرين: سالي مااريد ..
صاابرين ..هاي امانة الله عندج فلوس جهالي ..
اذا گمت بسلامة ان شاء الله تروحين تسويلي بيع بنص الارض وخلصنا ..
يلة ياثولة ضمي الفلوس ...
ظميتهم وقفلت الكنتور بس طول الليل اتحلم فلوسي ضاعت وفلوس سالي وتجي تذبحني ..

ولأن مااكدر احفظ السر كلت لطيفة ..
وهي شوي شجعتني ..

الحمدلله عندج اخت تخاف ع مصلحتج وتخاف عليج من الزمن الاغبر ..
بس اني اگول لو تخابرين الدلال ويدزلج السند وتروحين تسالين وبنفس اليوم تتكاتبين وثاني يوم تفتحين بيان ..

لاتنتظرين ..احسن ..

طبعا اني سويت كل الگالتة لطيفة ماانتظرت صدك ورحت كملت الاجراات وفتحت بيان وگلتلها سالي ..
وامنتني لو شما يصير كاع جهالها ماابيعها ولو شما يصير گوليلهم فلوسي ..
صابرين: سالي ..انتي شمصخمة..متاكدة هاي فلوسج ..
شبيج قابل بايگتهم ..

شو مامرتاحة ..سالي ...جنج مسوية دگة..

اني حلفتج بروح ماما لو شما يصير ابد لاتفرطين بدينار هذا حقي وحق جهالي ..