أريد رجلآ

ج٢١

ساعات اندب حظي السيئ مو اندبة عاللحظات او الساعات الي تناسيت ومشيت الخيبات  اندب حظي اني خليت نفسي وضميري وحسن نيتي بالناس عمود يكافئوني بهذه الخيبات كان لازم اعرف ان اني والسعادة مننجمع بجملة وحدة مو عاد بالحياة هذه بيوم واحد انهد حيلي هد واني اسمع كلام يشيب واني أكول اني الحذرة اني النبيهة طلعت لاني حذرة ولا فاهمة والمي يمشي من جوايا مو بس اني، اني ولطيفة ..

هاااا لطيفة انتي بشنو رح تصدميني بشنو...
خنتيني انتي ..

لطيفة : قبل شهر ..قبل لايجي كرار من الاساس ..

بيوم وانتي جنتي بالدوام وحسين چان توا نازل من الواجب ..

شنو صار ...

لطيفة : ابو زينة..ابو زينة ..

حسين: هااا عيني لطيفة ؟اسف ماانتبهت دتصيحيني ..

لطيفة: خيرك ابو حسين ..شكلك مهموم وضايج شصاير گول ترة احنا مثل الاخوة ..

حسين: شااگلج يالطيفة مصيبة وكعت ع راسي ومااعرف شون احلها ..

خير ياستار شنو السالفة ...

المرحومة..حسبي الله ونعم الوكيل عليها..

عافتني بنص هاي الكارثة ..جنت اعرف چان لازم اگول لخالي واطلعها من حياتي وخل اهلها يحيرون بمشاكلها مو ناس تجي عليه ..

لطيفة: غير افتهم سالي شمسوية ..

مصيبة يالطيفة مصيبة ..
ماخذة فلوس من ناس واعدتهم ترجعها مضاعف ومرجعتها وااحجي ويا صابرين تكلي ماانطتني لعد الفلوس وين ودتهم عاد اني ماعندي غير هالراتب وكوة ديكفيني ويكفي جهالي وأمي ..

ومااعرف شسوي هسة زوج وحدة من البنات خابرني وهددني وكال رح اروح لدوامك واشتكي عليك مرتك ماتت انت المفروض تقيم بديونها..

حسين: هسة لو يقبل مصرف ينطيني قرض بس اسكت حلوگ الناس..
ماكو اني ماخذ قرض ع سيارة وراتبي ميكفي ..

حسبي الله ونعم الوكيل ..
حسبي الله ونعم الوكيل...

كول لصابرين بلكي تحلها هي ..

حسين: صابرين خلف الله عليها شايلة البيت وداينت عمود تسد اخوتها عمود نكعد كعدتنا شون اگللها هسة ع مصيبة اختها تروح بيها خطية خليني اني احلها عسى ماانحبس ..

لطيفة : الشر برة وبعيد ليش تفاول ع روحك ..

ثاني يوم دگو اثنين الباب وسألو ع حسين خفت منهم ..

فااقترحت علي ياخذ قرض ع راتبي ..وانتي ممقصرة لحد ماالله يفرجها بس المشكلة الراتب ويا القرض ميتناسبون لازم عقار يلة رهن ..

والله ياصابرين نيتي جانت طيبة ع نيتي سويت وكلت مااريد اضوجج ..

صابرين: ضوجيني ..ضوجيني يالطيفة ..