أريد رجلآ

ج٢

شايف بلحظات يتوقف العالم عندك لمن تشوف شخص كان كل شي حلو مربوط بي نجاحك وسعادتك وتوفيقك بالحياة وحتى صفاتك الحلوة مربوطة بي خيالك الواسع وسعادتك المزيفة كلها مرسومة بي بس ليش احنا نظل عايشين هذا الضعف ومستمرين بي ليش مو كادرين ننسى كسرتنا العشناها يوم ونصير نتخبى مكان بعيد خاف لا يلحظ ضعفنا وتخبطنا ليييييييش ..خصوصا انو هذا كان حب من طرف واحد ..

ها حسين ...انت هنا..شونك ..عبالي انت ويا سالي دتروحون ..

وين اروح؟

هاااا...لا هيج.. أمي كالت ..سالي دتجينا ومن شفتك..
عبالي ...

حسين: لا وين اروح هي دتطلع ويا صديقاتها يتريكون شسوي بنصهم..

استغفر الله ..

صابرين: كلتلي فطور صباحي...
اني الج سالي ..طلعي وتونسي ..وذبي جهالج براسي بيوم العطلة ..
عموما خل امي تحير هم جهالها هم مو صغار شرح يصير..

عمتي: هاي منو حسين ؟

حسين ؛ يوم هاي صابرين وخالي اجوي ..

عمتي: هلا ..يمه هلا بغلاتي ..هلا بريحة هلي هلة بشيلتي وعباتي ..

هذا كان ترحاب عمتي لاابوية..
حيل علاقتهم قوية واكو ترابط بينهم حتى لو شايفته قبل شوي ..

ولا واحد من اخوتي هيج كل واحد حاير بروحة ...حتة من يجون خواتي ونلتم مااحس لاحب ولا شي اصلا احس اخوتي بس ينتظرون الوقت يمشي عمود كلمن تروح بيتها هي وجهالها..
واني مرات انطيهم الحق ..البيت صغير وهم اصلا مضغوطين بيت صغير هم وجهالهم وجهال خواتي بس تبقى هذه الرابطة الي بين ابوية وعمتي ماانتهت رغم كبرو وخلفو وزوجو اولادهم وابوية من يضوج يجي يمها رغم هي مو على وفاق هي وأمي وحتى زواج سالي من ابنها مجان عاجبها بس اظطرت خوفا ع سالي اختي من عدم الزواج وكونها مشاغبة ودائما جيب لاامي المشاكل وحتى دراستها مكملتها واختارت تزوج وتكون عائلة بس للأسف خيارها مكان موفق يومية هي وزوجها مشاكل وصرنا نعرف بالبيت انو جية سالي تغير جو مو زعل بمرور الوقت حب حسين وعشقه لااختي قل بسبب مشاكل والاطفال واطباع اختي الصعبة ..
واهم فقرة كرهة لااهله وعدم تقبلها الهم ..
مااعرف اذا كانت هاي الصفات تورث بس اعرف انو المثل يقول اقلب الجدر ع فومها تطلع البنت لاامها ...

وسالي جانت نسخة أمي متحب عيالها ودائما مشاكل وياهم ومن اخر مشكلة عمتي حلفت ماتفوت بيتهم وجهالها الي عمتي مربيتهم مالها علاقة بيهم لهذا سالي تجيب جهالها يمنا ومااعرف ياطرف صح الي اعرفه عمتي طيبة وتحبنا وبناتها هم صديقاتي كلش ووحدة من بناتها بعمري وجنا سوا بالجامعة وجان حسين يدرسنا واحنا صغار ..

حسين: صابرين ...صابرين ..

صابرين: هاااا..

تعاي فوتي جوا ليش واكفة بالطرمة ..