أريد رجلآ

ج٣٠

بالبارت القبلةاسماعيل كال صابرين عن مفهوم المرأة للخطأ للسماح واكو بنات ضاجو من كلام اسماعيل خلي اوضحلكم الصورة ومفهوم الاية القرأنية (وَإِنْ تَعْفُوا وَتَصْفَحُوا وَتَغْفِرُوا فَإِنَّ اللَّهَ غَفُورٌ رَحِيمٌ﴾ التغابن: 14

طبعا هذا ميخص بس الازواج يخص اي علاقة صداقة حب اخوة رب العالمين مااختصر الاية القرانية بالعفو لان احنا مرات من تمر فترة زمنية نتناسى مو ننسى يجي يعتذر ويصير صلح بس مو صللح كامل الصلح الكامل ان تعفو الي هو يصير ويا كل اصحاب اقارب بس ماننسى الموقف الصار ونتذكره والصفح يعني اني خلص هاي الصفحة بعد مااذكرها شگيتها من ذكرياتي عمود الود يبقى والمقابل ميحس انت لازم علي زلة واخر مرحلة الغفران ومن نوصل هالنقطة نتذكر ان رب العالمين الي يغفر كل الذنوب الا الشرك طبعا منو احنا الناس الضعفاء منغفر ..ومع هذا رب العالمين ذكر ان من عفا واصلح فااجره على الله يعني مكانتج عند رب العالمين جكد عظيمة بس هم انتي مخيرة تتركين وتعيشين حياتج بعيد عن الشخص المسيئ وبالقانون اكو الچ حقوق تاخذيها وبما ان مجتمعنا اصبح مع احترامي للناس الزينة مكب نفايات يعني المرأة المطلقة امراة درجة ثانية ثالثة والي يخطبها نادرا مايتحمل اطفالها لان رح يكون متزوج او مطلق ، ارمل وجاي يرتاح مع احترامي لكل مطلقات اكيد هواي بيكم كل الطرق بينكم انسدت عمود توصلون هالمرحلة وتحية مني لكل أم اختارت اولادها واستقرارهم ع حساب سعادتها وراحتها بس خل العفو من الداخل والصفح ايضا كي تصفو حياتكم حبيباتي لان المجتمع بهذا الوقت ملوث وازواجكم او اخوانكم واولادكم معرضين للخطأ بسبب الناس السيئة دنشوفهم الي ميحبون يشوفون زوج مستقر ويا عائلته ويجرو للطريق الاعوج كل العليج وانتي وسط هاي الضغوطات ان تمسكين الدفة لااخر نفس لأن هاي حياتج وهذا ابو اولادج او اخوج او ابنج ادعو لهم بالهداية واحتضنوهم كي يرجعون طريق الهداية واي وحدة عندها مشكلة او أزمة تكدرون تراسلوني وكلي سعادة واني اساعدكم واوصلكم ان شاء الله بر الامان ..
تحياتي ..
نازك الملائكة...

كمل اسماعيل حچية ..وصلت للبيت وظليت افكر بي بس مااقتنعت ولاعفيت ولاسامحت ..داخلي رغبة مااعرف شنو هي صح اني احب اولاد اختي واريد اطلعهم من البيئة عايشين بيها بس نسيت اني بشر والشيطان وزني ..
ثاني يوم وصلت للمحكمة وخابرني مختار ولد ويانا شغلته يلم معلومات ويتحرى ..

واخيرا اجة وجابلي المعلومات ...

عاشت ايدك مختار ..هاي شنو ..
كتبتلج كل شي وسالت جوارين ..طلعت داهية ..
عاشت ايدك وهسة استلم الراتب ويوصلك المبلغ الي اتفقنا علي..

ماشي ..تدللين ..

هاي الاوراق بيها كل تاريخ شذى واهلها ..كعدت اقرا واباوع المعلومات جمعها ..

أسمي شذى وعندي اخت اكبر مني اسمها أسيل اني تشتغل ممرضة وابوية كاسب ..امي تلزم خفارات هواي بالمستشفى واسيل اختي الكبيرة هي تهتم بالبيت بالاضافة لبابا ..