أريد رجلآ

ج١٧

عمرنا مكنا سيئين ،عمرنا مكانت نيتنا عاطلة عمرنا ماقسينا ع احد بس ليش العالم تقسى علينا ليش اي مشكلةبالكون او كلمة بساعة عصبية رأسا العالم تقول عانس خطية ،من غيرتها رح تموت لاتحچين كدامها تحسدج لاتشكين همج هاي هجامة بيوت ليش خليتونا بهاي الدائرة وتشكون من طبائعنا السيئة وكلماتنا الجارحة ليش خليتونا طول الوقت عايشين بوضع هجوم ضد اي أحد لحد صار جزء من قالبنا ..

مااكدر اگول بس يوم القيامة وگدام رب العالمين رح تكونون انتو ظالميني لان كسر الخاطر عند الله جبير ..

طلعت من الحمام بوجه غير ..

سليمة : هااا عمة شونج صرتي أحسن ..

كرار: ليش شبيها ..شبيچ ..

صابرين : مرديت ..بس سويتلي حليب واخذته وصعدت ...
واجة وقت الغدا لطيفة صاحتني وگتلها اريد انام تعبانة..

لطيفة: شبيج صابرين شو احوالج معاجبتني ..

لازم يعني اعجبج يالطيفة ..

اني اسفة مو قصدي ياحچاية ردي. مكانج دا اسألج بالي يمچ..

اني الي اسفة منچ مو انتي شخص مقصود بس اني تعبت لطيفة تعبت من الناس واستغلالها تعرفين حسين طلع متزوج ..

لطيفة: توقعت هالشي ..

شون عرفتي ..اني چنت اتصور علاقات وسوالف معبالي شي جدي ..

لطيفة : واضح ..هو اصلا ميلفي بالبيو وع طول مشغول تلفونة وباله شارد مبين تايه ..

صابرين: اختي ماتتت من قهرها ..من سوالفة وحچاياته ..

لطيفة : الله يرحمها ..هسة انتي ضايجة لأن متزوج ..

لأ..يا لطيفة ..مو كتلج من ذاك اليوم حچة وياي بالمستشفى هو نزل من عيني ..

لعد ماكو غير كرار هو اللي مضوجج ..

صابرين: هذا كرار واحد مطيور اني الي مضوجني ان الناس تستغلني وتستغل طيبتي وتريد تفرض ارادتها عليه لان اخواني ماهم ..

ما واحد منهم خابرني من بعنا البيت ..

لطيفة: انتي شعليج انتي ردتي الحق وهم مارادو ..

صابرين: حتى خواتي يالطيفة ماوحدة خابرتني وسألت عليه ..

لطيفة : هي هاي سنة الحياة ياصابرين كلمن ملتهي بحاله .
صابرين: اي صحيح ، بس اني قررت بعد ابد مااتساهل ويا أحد واللي يحجيلي نص كلمة الزمة الباب ..

لطيفة: لا صابرين لأ ..ذولة ولد عمتج وجهال اختج وعمتج مسكينة تعبانة ..

صابرين : ميخالف لطيفة اني مطردت احد بس من حقنا نعيش بالطريقة تناسبنا يعني اخواني ميفرضون عليه هذا شبرين ونص يشمرلي حچي ..

لطيفة: هسة متنزلين تتغدين ..

لأ..مااريد ...

الله يهديج ..