أريد رجلآ

ج٢٤

الرجال مجانين نعم اني اوقن يوميا انهم مجانين او هم اطفال متمردين على كل شيئ يجيدون لعب الضحايا ويعرفون الحيل التي تجعل قلب المرأة متعاطفة دوما وتحس بالذنب ويجعل الامر مؤلما عندما نتذكر كم كنا ضعفاء لانا كنا متسامحين والاسوء من ذلك ان الذي يحاكمك هم من بني جنسك لم ارى رجلاً ينتقد رجلاً في خلاف ولكني الحظ مئات الانتقادات لفتاة لم تتزوج ، تطلقت ،تبحث عن الحب ،لاتحب ، اختارت ان تبقى وحيدة ، علمت دوما ان عدو المرأة امرأة ..

باوعت بالكاميرا جان اشوف جاهل من بيت ابو عبدالله طلع وامه كأنو دتوجهة يذبه يم سيارتي ..كلش تعصبت وردت اتعارك بس قررت اعدي هالمرة لأن تأخرت عالدوام ...

اليوم القضية غير استاذة جامعية وزوجها خريج معهد ادارة ..

أسمي مروة عمري ٣٩سنة عندي ٣ اولاد من عائلة مثقفة وذات اصول عريقة والكل يعرف اهلي عائلتي كلهم خريجين ابوية طبيب وامي صيدلانية واخواني الثلاثة الكبير طبيب جراحة عامة والوسطاني صيدلاني والصغير طبيب باطنية اني الوحيدة ولضروفي الصحية كملت كلية تقانات احيائية كيمياوية ..ولأن عائلتنا اهم شي عندها الدراسة ووالدي والدتي مرتبطين بشغل وكل الاحاديث الي تدور بيتنا عالمستشفى والمرضى بيتنا ناشف مااتذكر يوم كان جو ضحك بيتنا كله نكد واحاديث جافة ومشاعر معدومة وامي لأني البنت الوحيدة كانت حيل صارمة ويايا حتى اللبس الكنت البسه هي تختاره الي وكبرت واني معتمدة هي تلبسني توكلني تشربني ماتعلمت شي بيتنا ..دخلت بتجارب حب فاشلة لأن كنت باردة ومااعرف اتعامل ويا المقابل او مااسمح لااحد يتجاوز حدودة وياي فجنت ع طول انترك ..وصلت للمرحلة الجامعية معرفت اختار صديقة وحدة دائما اصدقائي ولد لأن احس البنات سطحيات وحياتهم كلها مشاكل وكانو ينزعجون مني بسبب ملامحي الاوربية مثل مايگولون لان انولدت بلندن طولي ١٦٠ شعري اسود فاحم ناصعة البياض وعيوني زرق وهذا شي مفرق عندي كنت حاطة داخلي امل الگى حبيب واعيش ويا قصة الحب الي اتمناها بس للاسف كان دائما الولد يگولولي انتي مثل اخونا وهاي الشغلة بيها حسنات وسلبيات ، الحسنات انو محاضرتي كلها تجيني بدون تعب وامتحانات تتاجل بدون مااحضر مجنت احير شون اوصل للبيت الكل جان حاير بية بس من يصير حجي يگولون حسبة اخونا انتي والاخ ميعوف اخته ..
كان عندي ٣اصدقاء مقربين هم كل حياتي مصطفى متزوج وعندة ولدين من الانبار وعلي من النجف وكان كلش متشدد واهلة محضرين بنت عمه بعد التخرج ومحمد باقر هذا شخصية غير ملتزم بدينة وشاطر واخلاقه كلش عالية وتصرفاته كلش تعجبني عينه ميرفعها بعين بنية وياي اربع سنين كان صدك بمعنى اخ ..دخلت يتجارب حب خلال فترة الجامعة وي ابن خالي بس امي موافقت لااختلاف الوضع المادي وممكمل دراسة وهو شاف هذا موضوع اهانه لرجولته وابتعد بس ورا هاي التجربة كرهت اهلي حيل وهملت دراستي فترة خلالها جانو اصدقائي يراسلوني ويوصلولي محاضراتي كاني مداومة ..
وراها تجاوزت المرحلة ورجعت للدوام وبهاي الفترة محمد باقر كلش تقرب مني وگام يسالني ع اهلي وشنو مواصفات اريد ..
وكل مرة چنت اسأله ليش يگلي اذا يزعجج الموضوع اسف مرح ازعجج مرة ثانية وخلال السنه الاخيرة كنت اعتقد ان هو معجب بية ورايد يتقدملي ..وبديت اتخيل انو رح اطلع من هذا البيت المليان جفاف واروح بيت ثانيبڤ كلها فرفشة وضحك والاهم من هذا اتزوج عن حب ..