أريد رجلآ

ج٤٠

الوووو..
الووو ..

هلو عمو زينة شونچ..احوالج ..

الحمدلله عمو زينة ..

باعي اليوم رح اخذج  فد مكان كلش حلو صار هواي مطالعين سوا ..

زينة: تسلم عمو حبيبي..

گليلي شنو نفسج اجيبلج وياي جهزي روحج عالسته ..

هااا..عمو ميخالف تأجلها ..

ليششش؟

عندج شي ..

لا ..بس اليوم عرس خالتي صابرين ..

عرس منو ؟

خالتي صابرين ..

هاي شوكت ومنو رح تزوج ..

عمو أسماعيل جيرانه ..ليش محد گلك ؟

لاااا..جنت مسافر للنجف محد گلي ..

اني اريد احضر عرسها خالتي مااكدر اطلع وياك ..خليها عباچر ميخالف ..

طبعا اكيد رح اجيج ..قابل تبقين وحدج ..

عمو خالة لطيفة وياي .. لاتشيل هم ..

شنو لطيفة ؟ مرة عندها بيت وجهال ..

عمو ..رح اروح انت عود بعدين تفاهم ويا خالتي ..

كرار : صااابرين ..سويتيها ..خلاص ..رحتي ..

ركبت سيارتي مااعرف اكو نار اشتعلت داخلي رحت لخواتي ...لگيتيهم جاهزات وديروحن للعرس ..

كرار..هلو حبيبي شونك ..
هلووو..هاي شنو عندكم طلعة ..

اي..عرس صد....

امشو اوصللكم ..

ها لا ميحتاج ..ابني ضرار رح يودينا..

ليش متگولون رايحين لعرس صابرين سر هو ..

لا مو سر بس هية ماحجت الا ورا ماعقدت ..

كرار: أي ..متعلمة كل شي تسوي سكتة ..خنگتني العبرة ..

احلام : حبيبي كرار كل شي قسمة ونصيب وهاي مو قسمتك ربك ميريد ..ان شاء الله ربك يعوضك بنت الحلال الي تفرحك وتملي حضنك جهال..

كرار: أن شاء الله ..ان شاء الله ..

نادية : كرار ..صابرين هم كبرت خلص وجاها نصيبها ..الله عليك ياخوية لاتصغر نفسك لاتسوي شي يقلل من قيمتك ..

ليش شايفتني اني ..

شايفتك اخوية المؤمن بقدر رب العالمين أمي مجانت تريدك تزوج صابرين لان حسين نفسه بيها چانت وياما لام أمي ع قسمته وهواي مشاكل صارت فااحسن شي يااخوية تگطع هالصلة خلي زينة بس الحبل يربطنا بيت خالي وخل البنية تشوف طريقها مو صغيرة هي ..

كرار: انتو تعرفون صابرين شنو بالنسبة الي نادية اني مااكدر اتقبل هي رح تروح لغريب انتي اكثر وحدة تعرفين اني ليش تغربت وتبهذلت اني بس لايجي هاليوم واشوفها تروح لغيري وعفت شغلي وكل شي بس گالت تعال ..
وهسة شي الچنت خايف منه خلص صار أمر واقع مو گادر اصدك ..