أريد رجلآ

ج٦

ورا كل قضية الزمها احس بااحباط وكأبه تذكرت استاذ ناصر اللي دربني كالي الاحباط الي نعيشه احنا الباحثين مثل احباط طبيب فشل بعلاج مريضه ويشوفه يموت كدامه ومو كادر تسويله شي صعب تشوفين البيوت العمرانه تخرب ودائما اسال روحي وين الحب وين الالفة والعائلة معقولة ماكو اشياء تستحق نكون اكثر ترابطا شلون لعد امهاتنا وجداتنا جانو يعيشون ويموتون ويا نفس الرجال ماكو شي اسمه طلاق الوحدة تموت ولايجي بالها الطلاق والانفصال ساعات اسأل روحي الناس الي تجي للمحكمة لو شايفه حياتها مثل مشروع تعبت وكبرته وبمرحلة من المراحل اكتشفت اخطاء ببناءة او غش ممكن تهد البناء او تلغي المشروع اكيد لأ ، لان رح تخسر فلوس وارباح رح تخلي دعامات وتركض باايدك ورجلك عمود لاتفلس ولا ينهار بناءك الي تعبت بي، ياريت الازواج يشوفون الزواج مشروع حياتهم والبناء هم اولادهم الي اذا تركتوهم او خليت دعامة من جهة وتركت الاخرى رح ينهار البناء الاولاد محتاجين دعامتين بالحياة عمود ينشأوون مستقيمين رغم ان الطلاق حل في بعض الحالات بس يبقى الطلاق يخلف بعده اثار سيئة بالمجتمع وافراد غير متزنين اجتماعيا لهذا لازم واحد يفكر الف مرة قبل لايختار شريك الحياة والفين مرة بعد مايتزوج الشريك ويفكر يخلف اولاد مو يجيب اولاد وهو حياته كلها مشاكل جنت مثقلة بالهموم وطول الطريق افكر بكلام زينب طبعا كل حالة تعيش وياي اسبوع اسبوعين لما تجي قضية ثانية تنسينياها..
رجعت للبيت..المنظر المعتاد امي ضايجة وزعلانة مرات هواي اشك انو اني چنه فعلا كل الحجي اسمعه عن الچناين شايفته بأمي مو راضية وزعلانة صار هواي مشايفتها تضحك ومااعرف ليش هالكأبة مسيطرة ع أمي من ساعة مافتحت عيني وشفتها ..

فتت سلمت وماظليت واكفة ولاقدمت تبريرات ولاحجيت ويا احد رغم بس شافوني جهال كعدو عاقلين ومااتنفسوا باوعت عليهم بنظرة وصعدت ..
بدلت ملابسي وقفلت الغرفة ونمت ..
للعصر اندكت الباب دگة قوية ...

صابرين: شكو شكو شصاير..

سالي ..هاي انتي ..شجابج ..

شجابني ...جيت اريد اعرف ليش ضايجة وقافلة ع روحج خير ورافعة خشمج من البارحة ..
لتكونين زعلانة من حجيي..اني محجيت شي غلط..

صابرين: حلي عن وجهي سالي وروحي تعبانه وشياطين الجن والانس فوك راسي ..

دفعت الباب وفاتت ..ليش خير شصاير ..
شسمعتي ..احجي شگلج..

صابرين: منو ؟

شبيج صابرين تغشمين روحج اني عرفت بيوم حسين حچة ويا أبوية جنتي موجودة يعني عمتج العگربة محجت شي عليه ..

صابرين: احترمي نفسج سالي هذا الحجي مالة لازمة عمتج عافتلج ابنها والدنيا حتى البيت جانت كاعدة بي بيعتلهيا انتي ورجلج..

واني شعليه ..هن بناتهة رجولتهم جبروهن يجيبن ورثهن لو يطلگن شو گامن يطگطگن..

قصدج انتي ردتي حسين ياكل حق خواته وانتي تكعدين بيت وعمتي حكمت ع بناتها كلمن تاخذ حصتها ..